Hafiz Saeed News: ભારતનો નંબર વન દુશ્મન ખતમ થઈ ગયો હોવાના અહેવાલ મળી રહ્યા છે. આતંકવાદી હાફિઝ સઈદ વિશે એક મોટો દાવો કરવામાં આવી રહ્યો છે. એવો દાવો કરવામાં આવી રહ્યો છે કે લશ્કર-એ-તૈયબાના વડા હાફિઝ સઈદ માર્યો ગયો છે. પાકિસ્તાનમાં ગુપ્ત ચર્ચા થઈ રહી છે. સોશિયલ મીડિયા પ્લેટફોર્મ X અને પાકિસ્તાની હેન્ડલ પર હાફિઝ સઈદ પર હુમલાના દાવા કરવામાં આવી રહ્યા છે. હાફિઝ સઈદ X પર ટ્રેન્ડ કરી રહ્યો છે. ઘણા એકાઉન્ટ્સમાં દાવો કરવામાં આવ્યો હતો કે મુંબઈ હુમલાનો માસ્ટરમાઇન્ડ હાફિઝ સઈદ પાકિસ્તાનના પંજાબ પ્રાંતના ઝેલમ વિસ્તારમાં માર્યો ગયો છે. જોકે, હજુ સુધી આ વાતની પુષ્ટિ થઈ નથી.

🚨🚨🚨⚡️⚡️⚡️ India’s most wanted terrorist Jamaat u Dawa and LET chief Hafiz Saeed along with his accomplice Faisal Nadeem alias Abu Qataal has reportedly been killed by unknown gunmen in Jhelum town of Punjab in #Pakistan. pic.twitter.com/g7kYx81j3Q

— Raja Muneeb (@RajaMuneeb) March 15, 2025

હાફિઝ સઈદ X પર સતત ટ્રેન્ડ કરી રહ્યો છે. સોશિયલ મીડિયા પર તેની હત્યા અંગેની પોસ્ટ્સનો ધમધમાટ ચાલી રહ્યો છે. અલગ અલગ પોસ્ટમાં દાવો કરવામાં આવી રહ્યો છે કે જ્યારે હાફિઝ સઈદ પંજાબના જેલમ જઈ રહ્યો હતો, ત્યારે તેના પર અજાણ્યા બંદૂકધારીઓએ હુમલો કર્યો હતો. આ હુમલામાં તેનો નજીકનો આતંકવાદી અબુ કતલ સિંધી ઘટનાસ્થળે જ માર્યો ગયો. આમાં ડ્રાઇવરનું પણ મોત નીપજ્યું. જ્યારે ઘણા પાકિસ્તાની ટ્વિટર હેન્ડલ્સ દાવો કરે છે કે હાફિઝ સઈદ પણ આ કારમાં હતો. તે ગંભીર રીતે ઘાયલ થયો હતો અને તેને રાવલપિંડી લઈ જવામાં આવ્યો હતો, જ્યાં તેનું મૃત્યુ થયું હોવાનું જાણવા મળ્યું હતું. જોકે, આ અંગે કોઈ પુષ્ટિ નથી.

વીડિયોમાં મરવાનો દાવો

ટ્વિટર પર એક વીડિયો પણ વાયરલ થઈ રહ્યો છે, જેમાં એક વ્યક્તિ દાવો કરી રહ્યો છે કે હાફિઝ સઈદ માર્યો ગયો છે. જેલમ વિસ્તારમાં અજાણ્યા બંદૂકધારીઓએ તેમના પર હુમલો કર્યો. આમાં તે ગંભીર રીતે ઘાયલ થયો હતો. રાવલપિંડીની હોસ્પિટલમાં તેને મૃત જાહેર કરાયો. અન્ય એક સોશિયલ મીડિયા પોસ્ટમાં એવો દાવો કરવામાં આવી રહ્યો છે કે ફૈઝલ નદીમ ઉર્ફે અબુ કતલ સિંધીની હત્યાની પુષ્ટિ થઈ છે, પરંતુ તેની સાથે અન્ય એક વ્યક્તિનું પણ મોત થયું છે, જેની માહિતી ગુપ્ત રાખવામાં આવી છે.

આ પણ વાંચોઃ ભલે મંત્રી પદ ગુમાવવું પડે…. હું મારી રીતે જ કામ કરીશ: Nitin Gadkari

આ પણ વાંચોઃ અમેરિકાનો યમનના હુતી બળવાખોરો પર હવાઈ હુમલો, 19ના મોત, ટ્રમ્પે શું કહ્યું?

આ પણ વાંચોઃ 8 લોકોને ફંગોળી બૂમાબૂમ કરનાર રક્ષિત ચોરસિયા એક દિવસના રિમાન્ડ