Sunita Williams Return: ભારતીય મૂળના અમેરિકન અવકાશયાત્રી સુનિતા વિલિયમ્સ 286 દિવસ પછી પૃથ્વી પર પરત ફર્યા છે. અવકાશ એજન્સી નાસાના વૈજ્ઞાનિકોના જણાવ્યા અનુસાર, સુનિતા અને બેરી વિલ્મોર સહિત ચાર અવકાશયાત્રીઓને લઈને અવકાશયાન પરત ફર્યું અને સવારે 3.27 વાગ્યે અમેરિકાના ફ્લોરિડામાં સમુદ્રતળ પર ઉતર્યું. આ મિશનમાં એલોન મસ્કની કંપની સ્પેસએક્સને પણ નાસા સાથે નોંધપાત્ર સહયોગ મળ્યો હતો. નાસાએ ફ્લોરિડામાં સ્પેસએક્સના ડ્રેગન કેપ્સ્યુલમાં પાછા ફરેલા ચારેય અવકાશયાત્રીઓના સુરક્ષિત પરત ફરવાની પુષ્ટિ કરી છે.

અવકાશયાત્રીઓના પાછા ફરવા પર નાસા અને મસ્કે શું કહ્યું?

અવકાશયાત્રીઓના પાછા ફર્યા બાદ નાસાએ એક સત્તાવાર નિવેદનમાં જણાવ્યું હતું કે, બધા અવકાશયાત્રીઓ સુરક્ષિત રીતે પૃથ્વી પર પાછા ફર્યા છે. નાસાએ જણાવ્યું હતું કે બધા મુસાફરો સ્વસ્થ છે. તેને નિરીક્ષણ હેઠળ રાખવામાં આવશે. સમુદ્રમાંથી બહાર કાઢવાની પ્રક્રિયાનો ઉલ્લેખ કરતા નાસાએ કહ્યું કે, કોસ્ટ ગાર્ડ ટીમે ખૂબ સારું કામ કર્યું. સફળ વાપસી બાદ, સ્પેસએક્સના માલિક એલોન મસ્કે પણ અભિનંદન પાઠવ્યા. મસ્કે કહ્યું કે સ્પેસએક્સ અને નાસા ટીમોએ વધુ એક સુરક્ષિત અવકાશયાત્રી વાપસી હાંસલ કરી છે. માટે અભિનંદન. તેમણે આ મિશનને પ્રાથમિકતા આપવા બદલ રાષ્ટ્રપતિ ડોનાલ્ડ ટ્રમ્પનો પણ આભાર માન્યો છે.

આ પણ વાંચોઃVADODARA: હર્ષ સંઘવીના રાજીનામાની માંગ, ભાજપનો વિરોધ કરતાં પોલીસ NSUI કાર્યકરોને લઈ ગઈ

આ પણવાંચોઃ Ahmedabad: પ્રેમિકાએ આપેલા 50 હજાર પાછા માંગતા પ્રેમીએ હત્યા કરી!