Deesa fireworks factory fire: બનાસકાંઠાના ડીસાના ઢુવા રોડ પર આવેલી ફટાકડાની ફેક્ટરીમાં 1 એપ્રિલ, 2025ના રોજ ભીષણ આગ અને વિસ્ફોટ થયો હતો. જેમાં મધ્ય પ્રદેશથી મજરી માટે આવેલા 21 શ્રમિકોના મોત થયા હતા. જ્યારે 10થી વધુ લોકો ઈજાગ્રસ્ત થયા હતા. ત્યારે આજે વધુ એક યુવકનું સારવાર દરમિયાન મોત થયું છે. જેથી મૃત્યુઆંક વધીને 22 પર પહોંચી ગયો છે.
અમદાવાદ સિવિલ હોસ્પિટલમાં સારવાર લઈ રહેલા મધ્યપ્રદેશના 23 વર્ષીય વિજય કાજમીનું મોત થયું છે. સારવાર દરમિયાન દમ તોડી દીધો છે. જેથી થતાં મૃત્યઆંક 22 પર પહોંચ્યો છે. અત્યાર સુધી કુલ 19 મૃતદેહને પરિવારને સોંપવામાં આવ્યા છે. જ્યારે અન્યની તપાસ ચાલી રહી DNA કરવામાં આવી રહ્યા છે. અત્યાર સુધી 20 શ્રમિકોના મૃતદેહની ઓળખ કરી લેવામાં આવી છે. બે દિવસ અગાઉ 18 મૃતદેહો પરિવારજનોને સોંપમાં આવ્યા હતા. તમામ મધ્ય પ્રદેશના હરદા અને દેવાસ જિલ્લાના રહેવાસી હતા. તમામ મૃતદેહોના પોતાના વતનમાં અંતિમ સંસ્કાર કરાયા હતા.
ડીસાની ઘટનામાં SIT (સ્પેશિયલ ઇન્વેસ્ટિગેશન ટીમ)ની રચના કરી છે, જે આ મામલે તપાસ કરી રહી છે. હાલ ફેકટરી માલિકોની ધરપકડ કરી 8 દિવસના પોલીસે રિમાન્ડ મેળવ્યા છે. ફેક્ટરીના માલિક ખુબચંદ મોનાણી અને તેના પુત્ર દીપક મોનાણી (સિંધી) વિરૂદ્ધમાં સાપરાધ મનુષ્યવધની સહિતની કલમ હેઠળ ગુનો નોંધવામાં આવ્યો છે. જો કે આ ઘટનામાં અત્યાર સુધી બે જ આરોપીની ધરપકડ કરવામાં આવી છે. હજુ સુધી કોઈ જવાબદાર અધિકારીની ધરપકડ કરવામાં આવી નથી. જેથી પોલીસની કામગીરી શંકા ઉપજાવી રહી છે. દીપક સિંધિ ભાજપ સાથે સંકલાયેલો હોવાનું સામે આવ્યું છે.
આ પણ વાંચોઃ Manoj Kumar: ‘ભારત કુમાર’ના અંતિમ સંસ્કાર, તેમની કેવી રહી ફિલ્મી દુનિયા?
આ પણ વાંચોઃ Khambhat: દંપતિના ઝઘડામાં પ્રેમી વચ્ચે પડ્યો: પ્રેમીએ પતિને ગૃપ્તાંગમાં લાતો મારી પતાવી દીધો
આ પણ વાંચોઃ Banaskantha: ખેતરમાંથી વીજ કરંટ લાગતા મહિલા સહિત 2 બાળકોના મોત
આ પણ વાંચોઃ અંકલેશ્વર GIDCમાં મોટી આગ ભભૂકી, બે કંપનીઓના પ્લાન્ટમાં કરોડોનું નુકસાન
