Gondal: જયરાજસિંહના ધંધા સામે બાયો ચઢાવનાર આશિષ કુંજડિયા ગોંડલની સ્થિતિ અંગે શું કહે છે?

Gondal: રાજકોટનું ગોંડલ હાલ ગુજરાતમાં સૌથી અપરાધિક શ્રેણીમાં આવી ગયું છે. અહીં વારંવાર હત્યા, હુમલા અને લોકોને દબાવવના પ્રયાસો થઈ રહ્યા છે. હાલમાં જ રાજકુમાર જાટની હત્યાનો આરોપ પૂર્વ ધારાસભ્ય જયરાજસિંહ જાડેજા અને તેના પુત્ર ગણેશ પર લાગ્યો છે. જયરાજસિંહ પર અગાઉ પણ એક હત્યાના કેસમાં સંડોવાયેલા છે. જેમાં તેમને ગુજરાત હાઈકોર્ટે આજીવન કેદની સજા ફટકારી છે. જોકે આ સજા સામે સુપ્રિમ કોર્ટે રોક લગાવી છે અને જયરાજસિંહ જામની પર બહાર છે. ત્યારે અમિત ખૂંટે આપઘાત કરી લેતાં હવે તે વધુ ચર્ચામાં આવ્યા છે.

રાજકોટના રીબડા ગામે અમિત ખૂંટ નામના યુવકે 5 મે, 2025ના રોજ પોતાની વાડીમાં ગળે ફાંસો ખાઈ આત્મહત્યા કરી હતી. આ ઘટના પહેલાં એક સગીર મોડેલે અમિત વિરુદ્ધ દુષ્કર્મની ફરિયાદ નોંધાવી હતી, જેમાં આરોપ હતો કે અમિતે તેને કેફી પીણું પીવડાવી દુષ્કર્મ આચર્યું. આ ફરિયાદ બાદ પોલીસે તપાસ શરૂ કરી, પરંતુ તે પહેલાં જ અમિતે આત્મહત્યા કરી લીધી.

અમિતની સુસાઇડ નોટમાં ક્ષત્રિય આગેવાન અનિરુદ્ધસિંહ જાડેજા, તેમના પુત્ર રાજદીપસિંહ, રિદ્ધિ પટેલ અને પૂજા રાજગોરના નામો હતા. નોંટમાં જણાવ્યું હતું કે આ લોકોએ તેને હનીટ્રેપમાં ફસાવી, બળાત્કારના કેસમાં ફસાવવાની ધમકી આપી અને મરવા મજબૂર કર્યો હોવાના આરોપ સ્યુસાઈડ નોટમાં કર્યા હતા. ગોંડલ તાલુકા પોલીસે આ ચારેય વિરુદ્ધ આત્મહત્યા માટે દુષ્પ્રેરણાનો ગુનો નોંધી તપાસ શરૂ કરી છે. મૃતક અમિત ખૂંટ પૂર્વ ધારાસભ્ય જયરાજસિંહનો ખાસ હતો. તે તેમના સંપર્કમાં હતો.

ત્યારે આજે ગોંડલમાં જયરાજસિંહના ગુંડાઓ દ્વારા હુમલાનો ભોગ બનેલા આશિષ કુંજડિયાએ ‘ધ ગુજરાત રિપોર્ટ’ના વરિષ્ઠ દિલીપ પટેલ સાથે વાત કરી છે. તેમણે દોઢ વર્ષ પૂર્વે તેમની પર થયેલા હુમલા અંગે ખુલાસા કર્યા હતા.

તેમણે જયરાજસિંહ અને તેના ભાઈ હરદેવસિંહ જાડેજા, ભત્રીજા મયૂર જાડેજાનો બે નંબરના બાયો ડિઝલના ધંધાનો પર્દાફાશ કર્યો હતો. આશિષ કુંજડિયાએ જયરાજસિંહના કાળા કામ સામે અવાજ ઉઠાવ્યો હતો. જેથી તેમની પર હુમલો કરાવવામાં આવ્યો હતો. જેમાં તેમને ભારે ઈજાઓ થઈ હતી. જોકે તેમ છતાં આશિશ કુંજડિયા આજે પણ જયરાજસિંહ સામે લડે છે. કેસ પણ ચાલે છે. ત્યારે તમણે અત્યારે ગોંડલમાં ઉભી થયેલી પરિસ્થિતિ અંગે શું કહે છે, તે સમજો આ વીડિયોમાં ઊંડાણપૂર્વક.