Gujarat unseasonal rains: છેલ્લા ત્રણ દિવસથી ગુજરાતના અનેક ઠેકાણે વરસાદ પડી રહ્યો છે. ક્યાક આધી સાથે વરસાદ પડ્યો છે. ગઈકાલે ગુજરાતના અનેક જીલ્લામાં ભારે વાવાઝોડા સાથે વરસાદ પડ્યો હતો. જેમાં લોકોના છાપરા અને પતરાં ઉડી ગયા છે. તોફાન સાથે આવેલા વરસાદમાં ગુજરાતમાં 8 લોકોના મોત થઈ ગયા છે. જ્યારે ખેડૂતોને પણ ભારે નુકસાન વેઠવાનો વારો આવ્યો છે.
ગુજરાતમાં છેલ્લા 24 કલાકમાં વરસાદથી 8 લોકોનાં મૃત્યુ થયા છે, વડોદરામાં 3, અમદાવાદ 1, અરલલ્લીમાં 2 સહિત અન્ય જગ્યાએ મોત થયા છે. 114 તાલુકામાં વરસાદ નોંધાયો છે. ગુજરાતમાં ભર ઉનાળે કમોસમી વરસાદ પડતાં કેડૂતોને ભારે નુકસાન થયું છે. ખેતરોમાં લહેરાતો ઉભો પાક પાણીમાંગરકાવ થઈ ગયો છે. બનાસકાંઠમાં ભારે પવનના કારણે ઘરોના પતરાં પણ ઉડી ગયા છે. લોકોએ સરકાર પાસે સહાયની માંગ કરી રહ્યા છે. ક્યાક વીજ થાંભલા પડી ગયા છે. ગામડાંઓમાં ભારે વરસાદને કારણે વીજળી પણ જતી રહી હતી. બાદમાં વીજપૂરવઠો પુનઃ શરુ કરાયો હતો.
આણંદ,ખેડા, વડોદરા, દાહોદ, પાટણ, સાબરકાંઠા, ડાંગ, સુરત, દ્વારકા, હિંમતનગર, ચોટીલા સહિતના જીલ્લાઓ પણ ભારે વાવાઝોડા સાથે વરસાદ નોંધાયો છે. હાલ ખેડૂતો સહિત ઈંટોના ભઠ્ઠાની સિઝન ચાલી રહી છે. જેથી કાચી ઈંટો ભીંજાઈ જતાં ભઠ્ઠા માલિકોને મોટું નુકસાન થયું છે. કેરીના પાકને પણ મોટું નુકસાન થયું છે.
આજે પણ ગુજરાતમાં વરસાદની આગાહી
આજે રાજ્યના 10 જિલ્લામાં ભારેથી અતિભારે વરસાદની આગાહી કરવામાં આવી છે. વરસાદ ઉપરાંત ગાજવીજ સાથે કરા પણ પડી શકે છે. સોમવારે રાત્રે અમદાવાદમાં ભારે પવન સાથે કમોસમી વરસાદ પડ્યો હતો. આજે પણ અનેક વિસ્તારોમાં વંટોળ, કરા અને ધોધમાર વરસાદની આગાહી છે. બીજી તરફ આજે ફરી મહિસાગરમાં ભારે વરસાદ શરુ થઈ ગયો છે. આજ સવારથી જ જીલ્લામાં ભારે વરસાદ પડી રહ્યો છે. ઉલ્લેખનીય છે કે મહિસાગરમાં બે દિવસ પૂર્વે પડેલા વરસાદમાં બે ભેંસના મોત થયા હતા. દાહોદ, મહેસાણા, બનાસકાંઠા, મહિસાગરમાં આજે ભારે વરસાદની આગાહી છે.
આ પણ વાંચોઃ
UP: 24 વર્ષિય શિક્ષક અને 14 વર્ષની વિદ્યાર્થીની વચ્ચે પ્રેમ, હોટલમાં કેમ કર્યો આપઘાત?
મહિસાગર જીલ્લામાં નાવડીમાં જાન પ્રસ્થાન, આ છે ગુજરાત મોડલ? | Mahisagar
Unseasonal rain: અમદાવાદમાં ધૂળની ડમરીઓ ઉડી, રાજકોટમાં કરા સાથે વરસાદ
Rajkot: બળાત્કારના આક્ષેપ થયા બાદ અમિત ખૂંટે ખાધો ગળેફાંસો, ‘હનીટ્રેપમાં ફસાવ્યો’
Kedarnath: મહાકુંભ જેવી સ્થિતિ કેદારનાથમાં!, એક મહિલાએ ના આવવા કહ્યું? મહિલાઓની તબિયત લથડી
