મહેશ ઓડ

Operation Sindoor and Ceasefire: BSFની 24મી બટાલિયનમાં ફરજ બજાવતા પૂર્ણમ સાઉ 23 એપ્રિલના રોજ ફિરોઝપુરમાં ભારત-પાકિસ્તાન સરહદ પર તૈનાત હતા, જ્યારે તેમણે ભૂલથી આંતરરાષ્ટ્રીય સરહદ (IB) પાર કરી દીધી હતી, ત્યારબાદ પાકિસ્તાન સેનાએ તેમને પકડી લીધા હતા.. હાલમાં, તેમનો પરિવાર આઘાત છે અને દિકરો ક્યારે આવશે તેની રાહ જોઈને પરિવાર બેઠો છે.

34 વર્ષીય બોર્ડર સિક્યુરિટી ફોર્સ (BSF) જવાન પૂર્ણમ સાઉ લગભગ 21 દિવસ પહેલા પાકિસ્તાની સૈનિકોએ પકડી લીધા હતા. ભારત-પાકિસ્તાનના સંઘર્ષવિરામને 3 દિવસ જેટલો સમય વિતવા છતાં તે પાકિસ્તાનના કબજામાં છે.

ભારત અને પાકિસ્તાન વચ્ચેનો તણાવ ધીમે ધીમે ઓછો થઈ રહ્યો છે અને પશ્ચિમ બંગાળના રિશ્રામાં રહેતો સાઉનો પરિવાર આશા સેવીને બેઠો છે કે અમારો દિકરો આવશે. ફિરોઝપુરમાં બીએસએફની 24મી બટાલિયનમાં ફરજ બજાવે છે.   સાઉ 23 એપ્રિલે ભારત-પાકિસ્તાન સરહદ પર તૈનાત હતા. ત્યારે તે અજાણથી સરહદ વટાવી હતી. આ ઘટના પહેલગામ હુમલાના 1 દિવસ પછી બની હતી.

સ્થાનિક લોકોને સંવેદનશીલ વિસ્તારમાંથી બહાર કાઢવામાં મદદ કરતી વખતે સાઉ અજાણતામાં આંતરરાષ્ટ્રીય સરહદ પાર કરી ગયા  હોવાના અહેવાલ છે, જેના પગલે પાકિસ્તાન સેના દ્વારા તેમની ‘અટકાયત’ કરવામાં આવી હતી. આ પછી તેમનો આંખે પાટા બાંધેલો ફોટો બહાર પાડવામાં આવ્યો હતો, જેનાથી તેની ધરપકડની શક્યતા પુષ્ટિ થઈ હતી.

સાઉનો પરિવાર હુગલી જિલ્લાના રિશ્રાના વોર્ડ નંબર 13માં તેમના સાદા ઘરમાં રહે છે અને હાલમાં આઘાત અને અનિશ્ચિતતાનો સામનો કરી રહ્યો છે. તેમની પત્ની રજની સૌ, જે સાત મહિનાની ગર્ભવતી છે, તે પણ પોતાની વેદના કહેતી વખતે બેભાન થઈ ગઈ હતી.

તેણીએ રડતાં રડતાં કહ્યું, ‘મારા પતિનું પાકિસ્તાની સેનાએ અપહરણ કર્યું છે.’ તે તેમની કસ્ટડીમાં છે. તેઓએ તેમનો આંખે પાટા બાંધેલો ફોટો બહાર પાડ્યો છે. અપહરણના થોડા કલાકો પહેલા તેણે તેના પરિવારને ફોન કર્યો હતો.

તેમની પત્નીએ આગળ કહ્યું, ‘BSF અધિકારીઓ અમારા ઘરે આવ્યા અને અમને કહ્યું કે તેઓ મારા પતિને પાછા લાવવાનો પ્રયાસ કરી રહ્યા છે.’ પણ હવે પરિસ્થિતિ યુદ્ધ જેવી છે. મને ખબર નથી કે આગળ શું થશે?

સાઉ રજા લીધા બાદ 1 એપ્રિલે ફરજ પર પરત ફર્યો હતો

ઉલ્લેખનીય છે  કે એક મહિનાની રજા પરથી પાછા ફર્યા બાદ, પૂર્ણમ સાઉએ 1 એપ્રિલે જ ફરી ફરજ બજાવી હતી. રજનીને તેનો છેલ્લો ફોન 22 એપ્રિલની રાત્રે, તેના અપહરણના થોડા કલાકો પહેલા હતો, જેમાં તેણે તેના સ્વાસ્થ્ય વિશે પૂછ્યું, જેમ તે ઘણીવાર રાત્રિ શિફ્ટ પછી કરતો હતો.

રજનીએ કહ્યું, ‘આટલા દિવસો વીતી ગયા, અને હજુ પણ તેમના તરફથી કોઈ જવાબ નથી.’ પૂર્ણમ સાઉ અને રજનીનો 8 વર્ષનો દીકરો પણ છે જેની સંભાળ હવે પડોશીઓ રાખે છે અને પુત્રને પિતાનું અપહરણ થયું, તે ઘટનાથી અજાણ છે.

માતાએ કહ્યું અમે વડાપ્રધાનને રજૂઆત કરીશું

પૂર્ણમ સાઉના પિતા ભોલા સાઉ , નિવૃત્ત સુરક્ષા ગાર્ડ છે, તેમણે સેના દ્વારા મળેલા આશ્વાસન બાદ કંઈ બોલી રહ્યા નથી. સાઉની માતાએ કહ્યું, “અમે અમારી પુત્રવધૂ સાથે ફિરોઝપુર ગયા હતા અને લશ્કરી અધિકારીઓએ વચન આપ્યું હતું કે તેઓ પ્રયાસ કરી રહ્યા છે. જોકે હવે કોઈ અપડેટ નથી. જો અમે વડા પ્રધાનનો સંપર્ક કરી શકીએ, તો અમે અમારા પુત્રના પરત લાવવા ભીખ માગતાં. મારા પુત્રએ 18 વર્ષથી દેશની સેવા કરી છે. આજે, અમે એકલા અનુભવીએ છીએ.”

પૂર્ણમ સાઉના ભાઈ શ્યામસુંદરે કહ્યું, ‘અમે મૂંઝવણમાં છીએ.’ એક બાજુ યુદ્ધના નારા છે, તો બીજી બાજુ આપણે શાંતિ અને પૂર્ણમના સુરક્ષિત પુનરાગમન માટે ભીખ માગીએ છીએ. જ્યારે તે ઘરે પાછો આવશે ત્યારે જ સિંદૂર લગાવીને ઉજવણી કરીશું.

આ સંદર્ભમાં, ગયા સોમવારે મુખ્યમંત્રી મમતા બેનર્જીએ ગૃહ મંત્રાલય તરફથી આ મામલાના ઝડપી ઉકેલની આશા વ્યક્ત કરી હતી. હુગલીના સાંસદ કલ્યાણ બેનર્જીએ પણ પુષ્ટિ આપી હતી કે તેમણે BSF કમાન્ડરો સમક્ષ આ મુદ્દો ઉઠાવ્યો હતો.

તેમણે કહ્યું હતું કે, ‘મેં BSF કમાન્ડરો સાથે વાત કરી હતી, જેમણે પુષ્ટિ આપી હતી કે તેમની મુક્તિ માટે પ્રયાસો કરવામાં આવી રહ્યા છે.’ હું પૂર્ણમના પરિવારને પણ મળ્યો, પણ પરિસ્થિતિ વધુ ખરાબ થઈ ગઈ છે.

ઉલ્લેખનીય છે કે ઓપરેશન સિંદૂરનું નામ સાંભળીને રજની રડવા લાગી અને તેણે પોતાના ચહેરા પર બુરખો ઢાંકી દીધો અને રડતા રડતા કહ્યું, ‘સરકાર, મને મારું સિંદૂર પાછું આપો!’ ( ધ વાયરમાંથી અનુવાદિત)