Ghar Ghar Sindoor Abhiyan: છેલ્લા કેટલાક દિવસોથી, ‘ઘર-ઘર સિંદૂર’ ઝુંબેશના સમાચાર મીડિયા અને સોશિયલ મીડિયા પર ચર્ચાનો વિષય બન્યા હતા. એવો દાવો કરવામાં આવ્યો હતો કે ભાજપ ઓપરેશન સિંદૂર નામનું અભિયાન શરૂ કરશે જે હેઠળ દેશભરના દરેક ઘરમાં સિંદૂર પહોંચાડવામાં આવશે. વિપક્ષી નેતાઓ આના પર સતત પ્રહાર કરી રહ્યા હતા. તેમજ ઘણા લોકોએ પણ તેની ટીકા કરી હતી જેથી ભાજપને સતત આકરી ટીકાઓનો સામનો કર્યા બાદ પલટી મારી હોય તેવું લાગી રહ્યું છે. આ અભિયાનના સમાચાર ત્રણ દિવસ પછી, હવે ભાજપે ‘ઘર-ઘર સિંદૂર’ અભિયાનના સમાચારને ખોટા જાહેર કર્યા છે. ભાજપ આઈટી સેલના વડા અમિત માલવિયાએ ‘ઘર-ઘર સિંદૂર’ અભિયાનના દાવાને ખોટો ગણાવ્યો છે.
ભાજપે ‘ઘર-ઘર સિંદૂર’ અભિયાનને ગણાવ્યું ફેક ન્યુઝ
શુક્રવારે સાંજે ભાજપે એક સત્તાવાર નિવેદન જારી કરીને કહ્યું કે, ભારતીય જનતા પાર્ટીએ ઘરે ઘરે સિંદૂર વિતરણ કરવાનો કોઈ કાર્યક્રમ નક્કી કર્યો નથી. ભાજપે આ સમાચાર ક્યાંથી આવ્યા તે જણાવ્યું નથી, પરંતુ તેણે 28 મેના રોજ પ્રકાશિત થયેલા દૈનિક ભાસ્કરના અહેવાલનો સ્ક્રીનશોટ શેર કર્યો છે. આ સમાચારમાં, ભાજપના એક વરિષ્ઠ નેતાને ટાંકીને કહેવામાં આવ્યું છે કે પીએમ મોદીએ 9 જૂને તેમના ત્રીજા કાર્યકાળ માટે શપથ લીધા હતા, તેથી આ દિવસથી, ભાજપ ‘દરેક ઘર સુધી સિંદૂર પહોંચાડવાનું’ અભિયાન શરૂ કરશે.
बहुत सारे लोग भास्कर में प्रकाशित इस #FakeNews के आधार पर सोशल मीडिया पर अपनी प्रतिक्रिया दे रहे हैं। लेकिन हद तो तब हो गई जब पश्चिम बंगाल की मुख्यमंत्री, एक अधिकृत सरकारी मंच से, एक ट्रोल की तरह इस आधारहीन खबर को लेकर राजनीति करने लगीं।
ममता बनर्जी को अपने प्रदेश की बदहाली की… pic.twitter.com/GgfEZZFII6
— Amit Malviya (@amitmalviya) May 30, 2025
વિપક્ષે કરી હતી આકરી ટીકા
‘ઘર ઘર સિંદૂર’ ઝુંબેશના સમાચાર સૌપ્રથમ દૈનિક ભાસ્કર જેવા કેટલાક અગ્રણી અખબારો અને ટીવી ચેનલોમાં પ્રકાશિત થયા હતા. એવો દાવો કરવામાં આવ્યો હતો કે ભાજપે ઓપરેશન સિંદૂર હેઠળ આતંકવાદ સામેની તેની મજબૂત કાર્યવાહીનો પ્રચાર કરવા માટે આ ઝુંબેશનું આયોજન કર્યું હતું. આ ઝુંબેશ કથિત રીતે હિન્દુ સંસ્કૃતિના પ્રતીક સિંદૂર સાથે જોડાયેલી હતી, જેને ભાજપ દ્વારા પ્રમોટ કરવામાં આવી હોવાનું કહેવાય છે. ‘ઘર-ઘર સિંદૂર’ ઝુંબેશના સમાચાર ટૂંક સમયમાં સોશિયલ મીડિયા પર વાયરલ થયા અને વિપક્ષી પક્ષોએ તેની આકરી ટીકા કરવાનું શરૂ કર્યું, તેને ભાજપની ધાર્મિક ધ્રુવીકરણની રણનીતિનો ભાગ ગણાવ્યો. ગુરુવારે જ, મમતા બેનર્જીએ સત્તાવાર મંચ પરથી ભાજપ પર નિશાન સાધ્યું હતું અને આ અભિયાનને ‘સાંપ્રદાયિક રાજકારણ’નો ભાગ ગણાવ્યું હતું. મમતા બેનર્જીએ કહ્યું હતું કે, ‘તે અહીં સિંદૂર વેચવા આવે છે.’ આ સ્ત્રીઓનું અપમાન છે. તેમણે તેને માત્ર એક રાજકીય સ્ટંટ ગણાવ્યો. તેમણે કહ્યું કે આ હિન્દુ ધર્મના પ્રતીકોનું રાજકારણ કરવાનો પ્રયાસ છે, જે સામાજિક સૌહાર્દને નુકસાન પહોંચાડી શકે છે. તેવી જ રીતે, કોંગ્રેસ અને અન્ય વિપક્ષી નેતાઓએ તેને ભાજપના ‘વોટ બેંક રાજકારણ’નો એક ભાગ ગણાવ્યો હતો.
સુપ્રિયા શ્રીનેતે એમ પણ કહ્યું, “જ્યારે હું લગ્ન કરું છું, ત્યારે મને એક વાત ખબર છે કે ફક્ત પતિના નામનું જ સિંદૂર લગાવવામાં આવે છે – જે વૈવાહિક આનંદનું પ્રતીક છે. કોઈપણ રેન્ડમ વ્યક્તિનું સિંદૂર લગાવવામાં આવતું નથી. આ ભાજપના લોકો કોણ છે જે સિંદૂર લાવશે – આ પાર્ટી ગુંડાઓ અને બદમાશોથી ભરેલી છે. સિંદૂર કોણ લાવશે? તે બલિયાના બબ્બન સિંહ, કે હાઇવેના મનોહરલાલ ધાકડ કે મધ્યપ્રદેશમાં અશ્લીલ નૃત્યના શોખીન કમલ રઘુવંશી, કે બળાત્કારના ગુનામાં સજા કાપી રહેલા કુલદીપ સેંગર, કે તેમના ધારાસભ્ય રામદુલાર ગોંડ, જેને પોક્સોમાં દોષિત ઠેરવવામાં આવ્યા છે? આવા દૂષિત લોકો હવે ઘરે ઘરે જઈને તમારી પુત્રવધૂઓ, પુત્રીઓ અને પત્નીઓને સિંદૂર આપશે- કારણ કે આખું ભાજપ તેમના જેવા લોકોથી ભરેલું છે – અને તેમને જ નરેન્દ્ર મોદીએ આ જવાબદારી સોંપી છે. આ સનાતન સંસ્કૃતિ છે – સિંદૂર: સમર્પણ, પ્રેમ અને દરેક પરિસ્થિતિમાં એકબીજાના પૂરક બનવાનું પ્રતીક છે. જે લોકો સિંદૂરનો આદર નથી કરતા, તમે ઓછામાં ઓછું સિંદૂર તો બચાવી શક્યા હોત.”
બે દિવસ પછી ભાજપનો ઇનકાર
આ સમાચાર બે દિવસ સુધી ચાલ્યા પછી, ભાજપે તેને સત્તાવાર રીતે ખોટા જાહેર કર્યા. અમિત માલવિયાએ પોતાની સોશિયલ મીડિયા પોસ્ટમાં કહ્યું કે દૈનિક ભાસ્કરમાં પ્રકાશિત થયેલા સમાચાર ‘સંપૂર્ણપણે ખોટા અને પ્રેરિત’ છે, અને ભાજપે ક્યારેય ‘ઘર ઘર સિંદૂર’ જેવું કોઈ અભિયાન શરૂ કરવાની યોજના બનાવી નથી. ભાજપના સત્તાવાર હેન્ડલે પણ આ જ નિવેદનનો પુનરાવર્તિત કર્યો અને તેને વિપક્ષ દ્વારા ફેક ન્યુઝનો ભાગ ગણાવ્યો. આમ ભાજપે આ ઝુંબેશને નકલી ગણાવીને વિવાદ શાંત કરવાની રણનીતિ અપનાવી. ભાજપ દ્વારા તેને નકલી ગણાવ્યા બાદ, વિપક્ષી પાર્ટીઓએ ફરીથી તેના પર નિશાન સાધ્યું છે. કોંગ્રેસના પ્રવક્તા સુપ્રિયા શ્રીનેતે કહ્યું, “આ સિંદૂરની શક્તિ છે. ભાજપના સભ્યો ભાગી ગયા. તેઓ આ દેશની પરિણીત મહિલાઓને સિંદૂર વહેંચવા ગયા હતા. તેમને એટલી બધી ઠપકો આપવામાં આવ્યો કે તેઓ પાછા પડી ગયા. હવે તેઓ તેમની સસ્તી યોજનાને નકલી સમાચાર કહી રહ્યા છે. ભાજપના સભ્યો જૂઠા અને દંભી છે.”
ભાજપે પોતાનો બચાવ કરવા પલટી મારી
આમ ભાજપે ખરેખર આવા અભિયાન પર વિચાર કર્યો હતો, પરંતુ વિરોધ અને જાહેર પ્રતિક્રિયાના કારણે તેને રદ કરી દીધો, અને તેને નકલી સમાચાર તરીકે ઓળખાવીને પોતાનું સ્થાન સુરક્ષિત કરવાનો પ્રયાસ કર્યો. જોકે, આ વાતને સમર્થન આપવા માટે કોઈ નક્કર પુરાવા નથી. ‘ પરંતુ આટલા દિવસ સુધી કંઈ ન બોલનું અને ઘણા ભાજપના નેતાઓ દ્વારા તેનો પ્રચાર કરવામાં આવ્યો હતો જેથી ઘર-ઘર સિંદૂર’ ઝુંબેશના સમાચારને નકારી કાઢવાનું ભાજપનું પગલું વિવાદને શાંત કરવા અને ધાર્મિક ધ્રુવીકરણના આરોપોથી પોતાની છબી બચાવવાની તેની વ્યૂહરચનાનો એક ભાગ હોય તેવું લાગી રહ્યું છે.
આ પણ વાંચો:
આજે ગુજરાત સહિતના રાજ્યોમાં સિવિલ ડિફેન્સની “Operation Shield” મોકડ્રિલ
Gujarat Weather: આજે ગુજરાતના 15 જિલ્લાઓમાં પડશે વરસાદ, હવામાન વિભાગે આપ્યું એલર્ટ
Gondal Murder: જમીન મુદ્દે હત્યાના મામલે એક જ પરિવારના 4 આરોપીઓની ધરપકડ, પોલીસે કર્યા ખુલાસા
Dahod Mgnrega Scam: જેલમાંથી બહાર આવતા જ કિરણ ખાબડની ધરપકડ, વધુ એક ફરિયાદ દાખલ
Mahisagar: નાયબ મામલદારે અડધા દિવસમાં અનુ. જનજાતિના 357 દાખલા કાઢ્યા, પછી શું થયું?
Ahmedabad: ગુજરાતમાં કોરોનાના કેસમાં ચિંતાજનક વધારો, અમદવાદમાં સૌથી વધુ કેસ
‘ગપ્પુ ગપગોળા ફેકવાનું ક્યારે બંધ કરશે?’ | FENKU | FAKE
RBI Bank note: ફાટેલી નોટોનોમાંથી ફર્નિચર કેમ બનાવવામાં આવી રહ્યું છે?
Jay Vasavada ની જૂની ઓડિયો ક્લિપ અત્યારે કેમ વાઈરલ?, શું ગુજરાત સમાચાર રેઈડ કનેક્શન છે?
રાજકોટમાંથી હીરા ચોરી કરનાર શખ્સ ઝડપાયો, આ રીતે પોલીસે દબચ્યો? | Diamond theft
Punjab: ફટાકડા ફેક્ટરીમાં વિસ્ફોટ, 4 લોકોના મોત, 25 ઘાયલ
