Bihar Tushar Gandhi insult: દેશના રાષ્ટ્રપિતા મહાત્મા ગાંધીની કર્મભૂમિ બિહારમાં તેમના વંશજને ગેરવર્તનનો સામનો કરવો પડ્યો હતો. તેમણે એક સભામાં અપમાનનો સામનો કરવો પડ્યો હતો. વાસ્તવમાં ગાંધીજીના પ્રપૌત્ર તુષાર ગાંધી મોતીહારીના તુર્કૌલિયા પંચાયત ભવનમાં લોકોને સંબોધિત કરી રહ્યા હતા. તેઓ દેશ, બિહાર અને સરકારની નીતિઓમાં વધી રહેલા ઉન્માદ સામે પોતાનો પક્ષ રજૂ કરી રહ્યા હતા. આ વખતે વિનય કુમારે તેમનો વિરોધ કર્યો. તેમણે કહ્યું કે તમે લોકો એક પક્ષની જેમ વાત કરી રહ્યા છો. તમે ગાંધીજીના વંશજ ન હોઈ શકો. આ બાબતે ઘણો હોબાળો મચી ગયો હતો.
અમે ડરવાના નથી
બોલાચાલી ઉગ્ર બનતાં તુષાર ગાંધીને કાર્યક્રમ છોડીને જતા રહેવા કહી દીધુ. ઘણા સ્થાનિક લોકોએ પણ વડાને સમજાવવાનો પ્રયાસ કર્યો, પરંતુ વિવાદ અટક્યો નહીં. એવું કહેવામાં આવી રહ્યું છે કે તુષાર ગાંધી સાથે રહેલા એક સહયોગીએ નીતિશ સરકાર બદલવાની વાત કરતા જ વિનય સાહ નામની વ્યક્તિ ગુસ્સે થઈ ગઈ અને તેનો વિરોધ કરવા લાગી. જેના પર તુષાર ગાંધીએ પ્રતિક્રિયા આપતા કહ્યું કે અમને અસભ્ય અને અપમાનિત કરાયા છે, પરંતુ અમે આનાથી ડરવાના નથી. બિહારમાં પરિવર્તન માટેનું કામ ચાલુ રહેશે.
अंग्रेज़ों ने महात्मा का अपमान करने की कोशिश की थी, उनके वैचारिक वारिसों ने भाई @TusharG का अपमान करने की कोशिश की है।
तब अंग्रेज़ हारे थे, अब ये हारेंगे
— Ashok Kumar Pandey अशोक اشوک (@Ashok_Kashmir) July 14, 2025
તમને જણાવી દઈએ કે મહાત્મા ગાંધીના પ્રપૌત્ર તુષાર ગાંધી ઉત્તર બિહારના 8 દિવસના પ્રવાસે છે. તેઓ ‘બદલો બિહાર, નયી સરકાર’ અભિયાન ચલાવી રહ્યા છે. આ દરમિયાન તેઓ તુર્કૌલિયા પહોંચ્યા અને ઐતિહાસિક લીમડાના ઝાડના દર્શન કર્યા પછી, તેમણે પંચાયત ભવનમાં સભાને સંબોધવાનું શરૂ કર્યું. તે દરમિયાન આ હંગામો થયો. જેનો વીડિયો સોશિયલ મીડિયા પર વાયરલ થઈ રહ્યો છે. જોકે આ વીડિયોની પુષ્ટી ધ ગુજરાત રિપોર્ટ કરતું નથી.
અગાઉ મુઝફ્ફરપુરમાં તેમણે ભાજપ પર મતદારયાદી સુધારણાના બહાને જનાદેશ ચોરી કરવાનો પ્રયાસ કરવાનો આરોપ લગાવ્યો હતો. તુષારે કહ્યું હતું કે બિહારની ચૂંટણી ચોરી કરવાનું કાવતરું ઘડવામાં આવી રહ્યું છે. તેઓ બિહારના લોકોને આનાથી પોતાને કેવી રીતે બચાવવા તે અંગે જાગૃત કરવા માટે અહીં મુલાકાત લઈ રહ્યા છે.
આ પણ વાંચોઃ
Chaitar Vasava: ધારાસભ્ય ચૈતર વસાવાની જામીન કેમ ન મળ્યા?, આ રહ્યા કારણો?
Rath Yatra Eggs Thrown: કેનેડામાં નીકળેલી રથયાત્રામાં ઈંડા ફેકાયા, જગન્નાથ ભક્તોને નિશાન બનાવાયા
Sabarkantha: ભાવફેર અને સરકારના હસ્તક્ષેપ મુદ્દે દૂધ ઉત્પાદકોનો આક્રોશ, પોલીસકર્મીઓને માથામાં ઈજાઓ
