UP: ગોલા પોલીસ સ્ટેશન વિસ્તારની એક યુવતીએ પોતાનો અશ્લીલ વીડિયો વાયરલ કરવાની ધમકીથી કંટાળીને આત્મહત્યા કરી લીધી. તેને બે મહિના પહેલા તેને સોશિયલ મીડિયા દ્વારા એક યુવાન સાથે મિત્રતા કરી હતી. યુવકે બ્રિટિશ નાગરિક બની યુવતીને છેતરી હતી. થોડા દિવસો સુધી તેની સાથે વાત કર્યા પછી, છોકરી તેના પર વિશ્વાસ કરવા લાગી. થોડા સમય પછી તે તેને બ્લેકમેલ કરવા લાગ્યો અને પૈસા માંગવા લાગ્યો.
અનેક નંબરો પરથી કરતો કોલ
આ યુવક પાસે હતાં અનેક સિમકાર્ડ તે કોઈ ખતરનાક અપરાધી હોઈ શકે છે.આ ઘટનામાં યુવક તેની સાથે અનેક નંબરો પરથી વાત કરતો હતો. તેઓ ઘણીવાર વોટ્સએપ કોલ દ્વારા વાત કરતા હતા. ચેટિંગ અને ઓડિયો કોલ પછી, તેઓ વીડિયો કોલ પર વાત કરવા લાગ્યા. આની કોલ માહિતી યુવતીના મોબાઈલ ફોનમાંથી મળી આવી છે.
નકલી દસ્તાવેજોથી કરતો હતો છેતરપિંડી
યુવકના ફોનમાંથી તેનું ઓળખપત્ર પણ મળી આવ્યું હતું, જેમાં તેને બ્રિટિશ નાગરિક જાહેર કરવામાં આવ્યો હતો. જોકે, આ કાર્ડ સંપૂર્ણપણે નકલી છે. તે જ સમયે, કેટલાક અન્ય લોકોના નકલી આધાર કાર્ડ પણ મળી આવ્યા છે. આ યુવક કોઈ ગેંગ સાથે સંકાળાયેલો હોવાની શંકા,પોલીસ તેમની તપાસ કરી રહી છે.
ફોન કરીને બ્લેકમેલ કરવા લાગ્યા
માહિતી મળી કે છોકરીને ઘણા નંબરો પરથી વોટ્સએપ કોલ આવતા હતા. જે છોકરા સાથે તે વાત કરવા લાગી હતી તે છોકરાએ તેનો વીડિયો બીજા છોકરાઓને મોકલ્યો હતો. તેથી જ તેઓ તેને ફોન કરીને બ્લેકમેલ કરવા લાગ્યા. છોકરીએ અલગ અલગ એકાઉન્ટ નંબરો પર પૈસા ચૂકવ્યા છે. આ સંદર્ભે પોલીસ સ્ટેશનના ઇન્ચાર્જ ઇન્સ્પેક્ટર અંજુ ચતુર્વેદીએ જણાવ્યું હતું કે કેસ નોંધવામાં આવ્યો છે અને દરેક પાસાંની તપાસ કરવામાં આવી રહી છે. અપરાધી સામે થશે યોગ્ય કાર્યવાહી.
સોશિયલ મીડિયામાં મિત્રતા કરતાં સાવધાન રહો
આજકાલ સોશિયલ મીડિયા દ્વારા થતાં અપરાધોમાં વધારો થતો જોવા મળી રહ્યો છે. તેમાં અજાણ્યા લોકો સાથે જલ્દી મિત્રતા થઈ જાય છે. અને લોકો બહુ જલ્દી તેમના પર વિશ્વાસ મૂકી દેતા હોય છે. પણ આમ કરવું ભારે પડી શકે છે. કેમકે સોશિયલ મીડિયા દ્વારા હવે અપરાધો પણ વધી રહ્યાં છે. લોકો નકલી નામ નકલી આઈડી વગેરેનો ઉપયોગ કરી છેંતરપિંડી કરે છે. અને પોતાની વાતોમાં ફસાવી તમારા પાસેથી મોટી રકમ વસુલ કરતાં હોય છે. એટલે જયારે કોઈની પણ સાથે દોસ્તી કરો તો સાવધાન રહેવું કોઈપણ વ્યકિતની હકીકત જાણ્યા વિના તેના પર વિશ્વાસ ન કરવો જોઈએ.
આ પણ વાંચો
UP: ભદ્રોહી જિલ્લામાં દર્દનાક ઘટના, ઝડપના દાનવે લીધો માસૂમનો જીવ, માતા ગંભીર
Delhi: દ્વારકા DPS સહિત 3 શાળાઓને બોમ્બથી ઉડાવવાની ધમકી, બાળકોને રજા આપી દેવાઈ
