Gujarat politics: ગુજરાતની ભૂપેન્દ્ર પટેલ સરકારમાં મંત્રીમંડળનું વિસ્તાર આજે નિશ્ચિત થયું છે. રાજ્યપાલ આચાર્ય દેવવ્રતની હાજરીમાં ગાંધીનગરના પ્રતિષ્ઠિત મહાત્મા મંદિરમાં સવારે 11:30 વાગ્યે નવા મંત્રીઓ શપથ લેશે. આ અવસર પર જૂના મંત્રીઓમાંથી કેટલાકને ફરીથી તક મળી છે, જેમને મુખ્યમંત્રીએ વ્યક્તિગત રીતે ફોન કરીને આ જાણ કરી છે.
નવી સરકારમાં કોન બનેગા મંત્રી?
રાજકીય વર્તુળોમાં ચર્ચા છે કે મંત્રીમંડળનું કદ 27 સુધી વધી શકે છે, જેમાં નાયબ મુખ્યમંત્રીની પદવી પણ ઉમેરાઈ શકે છે.શપથગ્રહણ સમારોહની તૈયારીઓ પૂર્ણમહાત્મા મંદિરના મુખ્ય હોલમાં આયોજિત આ સમારોહ માટે તમામ વ્યવસ્થાઓ તૈયાર કરવામાં આવી છે. સ્ટેજ પર મંત્રીઓ માટે વિશેષ વ્યવસ્થા, બેઠક વ્યવસ્થા અને સુરક્ષા વ્યવસ્થાઓ સહિતની તમામ તૈયારીઓ પૂર્ણ થઈ ગઈ છે. રાજ્યપાલ આચાર્ય દેવવ્રત વ્યક્તિગત રીતે તમામ મંત્રીઓને શપથ અન શપથ લેવડાવશે. આ સમારોહમાં રાજ્યના વરિષ્ઠ નેતાઓ, વિધાયકો અને અન્ય મહત્વના વ્યક્તિઓની હાજરી રહેશે.
રિપીટ મંત્રીઓને મુખ્યમંત્રીનો ફોન
નવા મંત્રીમંડળમાં સ્થાન મળ્યાની જાણ કરવા માટે મુખ્યમંત્રી ભૂપેન્દ્ર પટેલે જૂના મંત્રીઓમાંથી પસંદ કરાયેલા નેતાઓને વ્યક્તિગત ફોન કર્યા છે.હાલમાં જે મંત્રીઓને ફોન આવ્યા છે, તેમાં પુરુષોત્તમ સોલંકી , કુંવરજી બાવળિયા, પ્રફુલ પાનસેરિયા, ઋષિકેશ પટેલ, કનુ દેસાઈ અને હર્ષ સંઘવીનો સમાવેશ થાય છે.
મંત્રીપદ માટે કોને કોને ફોન આવ્યો
પુરુષોત્તમ સોલંકી
કુંવરજી બાવળિયા
પ્રફુલ પાનસેરિયા
ઋષિકેશ પટેલ
કનુ દેસાઈ
હર્ષ સંઘવી
અર્જુન મોઢવાડિયા
નરેશ પટેલ
કાંતિ અમૃતિયા
પ્રદ્યુમન વાજા
કૌશિક વેકરીયા
સ્વરૂપજી ઠાકોર
ત્રિકમ છંગા
જયરામ ગામિત
જીતુ વાઘાણી
દર્શનાબેન વાઘેલા
રિવાબા જાડેજા
પી સી બરંડા
રમેશ કટારા
ઈશ્વરસિંહ પટેલ
મુખ્યમંત્રી ભૂપેન્દ્ર પટેલ સિવાય જુના મંત્રીઓના રાજીનામા
ગઈકાલે, 16 ઓક્ટોબરના રોજ, ભૂપેન્દ્ર પટેલ સરકારના તમામ 16 મંત્રીઓએ પોતાના રાજીનામા રાજ્યપાલને સોંપી દીધા હતા. આ રાજીનામા મંત્રીમંડળ વિસ્તાર માટેની ઔપચારિક પ્રક્રિયાનો ભાગ હતા. આજે સવારે 9 વાગ્યે મુખ્યમંત્રી રાજ્યપાલ સાથે મુલાકાત કરીને આ રાજીનામાઓ સ્વીકારણીય બનાવશે અને નવા મંત્રીઓની યાદી સુપરત કરશે.
ઉલ્લેખનીય છે કે, ગઈકાલે સાંજે મુખ્યમંત્રી અને રાજ્યપાલ વચ્ચેની મુલાકાત છેલ્લી ઘડીએ રદ થઈ ગઈ હતી. રાજકીય વિશ્લેષકોનું માનવું છે કે આ રદ્દી દિલ્હીથી આવેલી માર્ગદર્શનને કારણે થઈ હશે, જેના પરિણામે છેલ્લી ક્ષણે કેટલાક સમીકરણો બદલાઈ ગયા છે. આના કારણે જે મંત્રીઓના રાજીનામા સ્વીકારવાના હતા, તેમને ફરીથી સ્થાન આપીને મંત્રીમંડળનું કદ વધારવામાં આવ્યું છે.
મંત્રીમંડળનું સંભવિત કદ અને નાયબ મુખ્યમંત્રીની શક્યતા
રાજકીય વર્તુળોમાં વાતાવરણ તપાસતા કહેવાય છે કે નવું મંત્રીમંડળ પૂર્ણ કદનું 27 સભ્યોનું હોઈ શકે છે. આમાં જૂના અને નવા મંત્રીઓનું મિશ્રણ રહેશે. વધુમાં, આગામી વિધાનમંડળ બેઠકમાં નાયબ મુખ્યમંત્રીની પદવીની જાહેરાત થઈ શકે છે, જે રાજકારણમાં નવી ચર્ચા ઉભી કરશે.આજના શપથગ્રહણ સમારોહ પછી નવા મંત્રીઓની વિભાગ વહેંચણી પર નજર રહેશે.
આ પણ વાંચો:
Botad: બોટાદ કડદા વિરુદ્ધ ‘કડક’ આંદોલન, AAP નેતા રાજુ કરપડા-પ્રવીણ રામની ધરપકડ
