ગઈ રાત્રે સૈફ અલી ખાન પર તેમના ઘરે હુમલો થયો હતો. એક શખ્સ ચોરીના ઇરાદે તેના ઘરમાં ઘૂસી ગયો અને તેના પર છ વાર છરી વડે હુમલો કર્યો. હવે આરોપીની પહેલી તસવીર સામે આવી છે. તે સીડી પરથી ઉતરતો સીસીટીવીમાં કેદ થયો છે. હાલમાં, 10 પોલીસ ટીમો આ મામલાની તપાસમાં રોકાયેલી છે.
પોલીસે આરોપીના ઘરે ગઈ પણ ન મળ્યો
હુમલાખોર પોતાની પીઠ પર બેગ લઈને દોડી રહ્યો છે. આ સીસીટીવી ફૂટેજ રાત્રે 2:33 વાગ્યાનો છે. આ ફૂટેજના આધારે મુંબઈ પોલીસ તેને શોધી રહી છે. પોલીસે આરોપીની ઓળખ કરી લીધી છે. તેના ઘરનું સ્થાન પણ શોધી કાઢવામાં આવ્યું છે. પોલીસ તેના ઘરે પણ ગઈ, પણ તે ઘરે ન હતો. પોલીસ તેને શોધવામાં વ્યસ્ત છે. 10 પોલીસ ટીમો ઉપરાંત, 8 ક્રાઈમ બ્રાન્ચ ટીમો પણ આ કેસની તપાસ કરી રહી છે.
સૈફ અલી ખાનની કરોડરજ્જુમાં ગંભીર ઈજાઓ
લીલાવતી હોસ્પિટલના ડોક્ટરે જણાવ્યું છે કે છરીનો એક ભાગ સૈફ અલી ખાનની કરોડરજ્જુમાં વાગી ગયો હતો. જેથી સર્જરી કરાઈ છે. તેમણે કહ્યું, “છરી તેમના કરોડરજ્જુમાં ઘૂસી ગઈ હોવાથી ગંભીર ઈજા થઈ છે. છરી કાઢવા અને કરોડરજ્જુમાંથી લોહી વહેતું રોકવા માટે સર્જરી કરવામાં આવી છે. તેના ડાબા હાથ અને ગરદનની જમણી બાજુએ બે અન્ય ઊંડા વાગ્યા છે. જેની પ્લાસ્ટિક સર્જરી ટીમ દ્વારા સારવાર કરાઈ છે.
સૈફ અલીને આવતીકાલે ICUમાંથી કઢાશે
ડોક્ટરે કહ્યું કે સૈફ અલી ખાનની હાલત સ્થિર છે. તેમની તબિયતમાં સુધારો થઈ રહ્યો છે અને તેઓ સંપૂર્ણપણે ખતરામાંથી બહાર છે. અમે કાલે સવારે તેમને ICU માંથી બહાર કાઢીશું અને કદાચ એક કે બે દિવસમાં તેમને રજા આપવાની યોજના બનાવીશું. હુમલાખોર ફાયર એસ્કેપ સીડી દ્વારા સૈફ અલી ખાનના ઘરમાં પ્રવેશ્યો હતો. જ્યારે નોકરાણીએ તેને સૈફના નાના દીકરા જેહના રૂમમાં જોઈ, ત્યારે તેણે ચીસો પાડી, ત્યારબાદ સૈફ શું થઈ રહ્યું છે તે જોવા ગયો. ત્યારબાદ ચોરે તેના પર છ વાર છરી વડે હુમલો કર્યો.
આ પણ વાંચોઃસરકારી કર્મચારીઓને મોટી ભેટ, કેબિનેટે 8મા પગાર પંચને આપી મંજૂરી
