Bihar Election: બિહાર વિધાનસભા ચૂંટણીના બીજા અને અંતિમ તબક્કાનું મતદાન સાંજે પાંચ વાગ્યે પૂર્ણ થયુ છે. બિહારના 20 જિલ્લાઓની 122 વિધાનસભા બેઠકો પર બમ્પર 67.14% મતદાન નોંધાયું છે. સાંજે 5 વાગ્યા સુધીમાં મતદાનની ટકાવારી બધા રેકોર્ડ તોડી ચૂકી છે. સ્વતંત્રતા પછી આ પહેલી વાર છે જ્યારે આટલું ઊંચું મતદાન થયું છે.
રાજ્યમાં 4,109 સંવેદનશીલ બૂથ પર સાંજે 5 વાગ્યા સુધી મતદાન ચાલુ રહ્યુ હતું અને હજુ પણ લાઈનમાં ઉભેલા મતદારોને મત આપવા છૂટ અપાઈ છે. છેલ્લા તબક્કામાં, 20 જિલ્લાઓની 122 બેઠકો પર સાંજે 5 વાગ્યા સુધી 67.14% મતદાન થયુ છે જેમાં મુસ્લિમ બહુમતી ધરાવતા કિશનગંજમાં સૌથી વધુ 76.26% મતદાન નોંધાયુ છે.
ચૂંટણી પંચ તરફથી પ્રાપ્ત માહિતી અનુસાર, પશ્ચિમ ચંપારણમાં 69.02%, પૂર્વ ચંપારણમાં 69.31%, શિવહરમાં 67.31%, સીતામઢીમાં 65.29%, મધુબનીમાં 61.79%, સુપૌલમાં 70.69%, અરરિયામાં 67.79% મતદાન થયું હતું, કિશનગંજમાં સૌથી વધુ 76.26%, પૂર્ણિયામાં 73.79%, કટિહારમાં 75.23%, ભાગલપુરમાં 66.03%, બાંકામાં 68.91%, કૈમુર (ભાબુઆ) માં 67.22%, રોહતાસમાં 60.69%, અરવલમાં 63.06%, અરરિયામાં 64.36% મતદાન થયું હતું. જહાનાબાદ, ઔરંગાબાદમાં 64.48%, ગયામાં 67.50%, નવાદામાં સૌથી ઓછું 57.11% અને જમુઈમાં 67.81% મતદાન નોંધાયું છે.
આ તબક્કામાં, NDA અને મહાગઠબંધનના ઘણા દિગ્ગજોનું રાજકીય ભવિષ્ય દાવ પર લાગેલું છે.
45,399 મતદાન મથકો તેમાંથી 5,326 શહેરી વિસ્તારોમાં સ્થિત હતા, જ્યારે 40,073 ગ્રામીણ વિસ્તારોમાં સ્થિત હતા ચૂંટણીના બીજા તબક્કામાં જે 122 બેઠકો પર મતદાન થયુ, ત્યાં NDAના 122 અને મહાગઠબંધનના 127 ઉમેદવારો મેદાનમાં છે.
આમ,ઉમેદવારોનું ભાવિ EVMમાં કેદ થઈ ગયું છે
ઉલ્લેખનીય છે કે બિહારની ચૂંટણી બે તબક્કામાં પૂર્ણ થઈ છે, પહેલા તબક્કામાં 6 નવેમ્બર અને બીજા તબક્કામાં આજે 11 નવેમ્બરે મતદાન થયું હવે તા. 14 નવેમ્બરે મત ગણતરી થશે અને 16 નવેમ્બર સુધીમાં સમગ્ર ચૂંટણી પ્રક્રિયા પૂરી થશે. આમ,અત્યારસુધી રાજકીય અખાડો બનેલા બિહારમાં પડઘમ આજે શાંત બન્યા છે.
આ પણ વાંચો:
Bihar: સાહેબ!, તમે 2005થી છો ને?, પ્રશ્ન સાંભળતા જ BJP નેતાએ કર્યો પત્રકાર પર હુમલો, પછી…
