Donald Trump | અમેરિકાના રાષ્ટ્રપતિ ડોનાલ્ડ ટ્રમ્પે પોતાના અગાઉના વિદેશી કામદારો સ્થાનિક લોકોની નોકરી છીનવી લેતા હોવાના કટ્ટર વલણથી પાછળ હટતા કહ્યું છે કે દેશને કુશળ વિદેશી ટેલેન્ટેડ યુવાનોની જરૂર છે. તેમણે સ્વીકાર્યું કે અમેરિકામાં સ્થાનિક બેરોજગાર નાગરિકોની નોકરી પર આધાર રાખીને તેના ઉદ્યોગ અને ટેકનોલોજીને આગળ વધારી શકતું નથી કારણ કે તેમાં વિદેશી અનુભવી ટેલેન્ટેડ કામદારોની જરૂર પડે છે જે હકીકત છે.
એક ન્યૂઝ ચેનલ સાથેની મુલાકાતમાં ટ્રમ્પે કહ્યું કે અમેરિકાને પોતાના દેશમાં ઉદ્યોગો અને સંરક્ષણમાં કુશળતા ધરાવતા લોકોની જરૂર છે.
તેમણે કહ્યું, “હું સંમત છું કે આપણે અમેરિકન કામદારોના વેતનમાં વધારો કરવો જોઈએ, પરંતુ આપણે આ પ્રતિભાને પણ આકર્ષવાની જરૂર છે,અમેરિકાને વિશ્વમાં આગળ રાખવા માટે આ જરૂરી છે.”
અગાઉ, યુએસ રાષ્ટ્રપતિએ સપ્ટેમ્બરમાં એક આદેશ પર હસ્તાક્ષર કર્યા હતા, જેમાં H-1B વિઝા અરજી ફીમાં નોંધપાત્ર વધારો કરવામાં આવ્યો હતો. નવા વિઝા માટેની ફી હવે $1,500 ને બદલે $100,000 (આશરે ₹8.3 મિલિયન) થશે. આ નિયમ 21 સપ્ટેમ્બર પછી દાખલ કરાયેલી બધી નવી અરજીઓ અથવા 2026 વિઝા લોટરીમાં ભાગ લેનારાઓને લાગુ પડે છે.
જો કે, જેઓ પહેલાથી જ વિઝા પર છે અથવા જેમની અરજીઓ અગાઉ સબમિટ કરવામાં આવી છે તેમને આ નવા નિયમથી અસર થશે નહીં.
Trump on H-1b visa: You have to bring in talent
Ingraham: We have plenty of talented people here
Trump: No, you don’t
pic.twitter.com/NdJZZTiM75— Republicans against Trump (@RpsAgainstTrump) November 12, 2025
એક ઇન્ટરવ્યુમાં જ્યારે ટ્રમ્પને પૂછવામાં આવ્યું કે શું અમેરિકા પાસે પહેલાથી જ પૂરતા પ્રતિભાશાળી લોકો છે,ત્યારે ટ્રમ્પે કહ્યું, “ના, એવું નથી. કેટલીક કુશળતા આપણી પાસે નથી. તમે બેરોજગાર લોકોને ફક્ત એમ ન કહી શકો કે ‘ચાલો, મિસાઇલો બનાવતા શીખો.’ તેમને તાલીમ અને અનુભવની જરૂર છે.”
ટ્રમ્પે જ્યોર્જિયાનું ઉદાહરણ આપ્યું
રાષ્ટ્રપતિ ટ્રમ્પે સમજાવ્યું કે જ્યારે દક્ષિણ કોરિયાના કુશળ કામદારોને અહીં હ્યુન્ડાઇ બેટરી ફેક્ટરીમાંથી પરત મોકલવામાં આવ્યા ત્યારે ઉત્પાદનમાં નોંધપાત્ર મુશ્કેલીઓનો સામનો કરવો પડ્યો હતો. તેમણે કહ્યું, “બેટરી બનાવવી એ ખૂબ જ જટિલ અને જોખમી કામ છે. ઘણા વિસ્ફોટ થાય છે. કોરિયનો આ કામમાં નિષ્ણાત હતા અને તેઓ અમેરિકન કામદારોને શીખવી રહ્યા હતા. જ્યારે તેમને પરત મોકલવામાં આવ્યા, ત્યારે આખી સિસ્ટમ ઠપ્પ થઈ ગઈ.”
અમેરિકન રાષ્ટ્રપતિના આ નિવેદનને તેમના અગાઉના વલણથી તદ્દન અલગ માનવામાં આવી રહ્યું છે. અગાઉ, ટ્રમ્પે વિદેશી કામદારો સામે કડક વલણ અપનાવ્યું હતું, દલીલ કરી હતી કે તેઓ અમેરિકન નોકરીઓ છીનવી રહ્યા છે. પરંતુ હવે તેમણે પોતે કહ્યું છે કે “દેશમાં ઘણા ક્ષેત્રો એવા છે જ્યાં સ્થાનિક લોકોને તાલીમ આપવામાં વર્ષો લાગશે ત્યાં સુધી, આપણે વિદેશી નિષ્ણાતોને લાવવા પડશે.”
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો
Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો
