Police family opposes Jignesh Mevani: ગુજરાતમાં દારૂબંધીનો અમલ થતો નથી અને દારૂ જોઈએ તેટલો મળી રહ્યો હોવાની વાત સાથે કોંગ્રેસે ઉપાડેલા અભિયાન દરમિયાન થરાદ જિલ્લામાં વડગામના ધારાસભ્ય જીગ્નેશ મેવાણી(Jignesh Mevani)એ દારુ, ડ્રગ્સના વેચાણનો વિરોધ કરી થરાદ પોલીસ મથકમાં પોલીસ ઉપર ગંભીર આરોપ કરી ‘તમે કહો તો 24 કલાકમાં વર્તમાન અને ભૂતકાળના તમામ વહીવટદારોનાં નામ સાથેનું લિસ્ટ આપુ’ તેમ કહી પોલીસના પટ્ટા ઉતરાવી દઈશ’ની ચીમકી આપતા મેવાણીના આ નિવેદન સામે પોલીસ પરિવારમાં આક્રોશ ફેલાયો છે અને પાટણ-પાલનપુર સહિત ઉત્તર ગુજરાતનાં અનેક શહેરોમાં અને કચ્છમાં પોલીસ પરિવાર દ્વારા વિરોધ ઉભો થયો છે અને જીગ્નેશ મેવાણીના નિવેદનને લઈ જાહેરમાં માફી માંગવા સહિત તેમના રાજીનામાની માંગ ઊઠી છે.અત્રે ઉલ્લેખનીય છે કે કોંગ્રેસ દ્વારા ગત 22 નવેમ્બરથી વાવ-થરાદ જિલ્લાના ઢીમા ગામથી જનઆક્રોશ રેલીની શરૂઆત કરી છે.
આ દરમિયાન થરાદના શિવનગર ખાતે દારૂના દૂષણને લઇ જિજ્ઞેશ મેવાણી લોકો સાથે થરાદ પોલીસ મથકે પહોંચ્યા હતા અને દારૂના ખુલ્લેઆમ થઈ રહેલા વેચાણ મામલે સવાલો ઉઠાવી તે બંધ કરાવવા જણાવી પોતાની પાસે બુટલેગર અને પોલીસના વહીવટદારોનું લિસ્ટ હોવાનું જણાવી થરાદ એસ.પી. સહિતના પોલીસ સ્ટાફને પોલીસના પટ્ટા ઉતારી દેવાની વાત કરી હતી. એમાં તેમણે જણાવ્યું હતું કે આ ‘પટ્ટા તમારા છે, અમારા નહીં એટલે તમારા પટ્ટા ઊતરી જશે’ તમે કહો તો 24 કલાકમાં વર્તમાન અને ભૂતકાળના તમામ વહીવટદારોનાં નામ સાથેનું લિસ્ટ આપુ આ નિવેદન બાદ પોલીસ પરિવારમાં આક્રોશ ફેલાયો છે.
પાલનપુર અને પાટણ જિલ્લામાં પોલીસ પરિવારે જિલ્લા કલેક્ટરને આવેદનપત્ર આપીને જણાવ્યું છે કે વાવ-થરાદ જિલ્લામાં જનઆક્રોશ રેલી દરમિયાન ધારાસભ્ય મેવાણીએ પોલીસ અધિકારીઓ અને કર્મચારીઓ સાથે જાહેરમાં અયોગ્ય વર્તન કર્યું હતું. તેમના દ્વારા એક જનપ્રતિનિધિને ન શોભે એવી ભાષાનો પ્રયોગ કર્યો છે તેથી તેઓ જાહેરમાં માફી માંગે અને તેમના પદ પરથી રાજીનામું આપે.
ભુજ પોલીસ પરિવાર દ્વારા પણ આજે રેલી યોજવામાં આવી હતી આ રેલીમાં જીગ્નેશ મેવાણી વિરુદ્ધ સૂત્રોચ્ચાર કરવામાં આવ્યા હતા.
જીગ્નેશ મેવાણી રાજીનામું આપે, પોલીસનું મોરલ ઉંચુ રહે, ગુજરાત પોલીસ જીંદાબાદ, પોલીસની નોકરી સંવિધાનથી મળી છે કોઈની ખેરાત નથી. જીગ્નેશ મેવાણી હાય હાયના બનેરો સાથે રેલી યોજવામાં આવી હતી. રેલી યોજી કલેન્ટરને આવેદનપત્ર પાઠવવામાં આવ્યું હતું.
આમ,દારૂના અડ્ડા બંધ કરાવવા માટે જીગ્નેશ મેવાણી આકરા પાણીએ થતાં હવે પોલીસ પરિવાર પોલીસના સપોર્ટમાં આવ્યો છે અને જીગ્નેશ મેવાણીને માફી માંગી પદ ઉપરથી રાજીનામું આપવાની માંગ કરી રહયા છે.
આ પણ વાંચો:
Rupee Hits Record Low Against Dollar: ભારતના ઇતિહાસમાં પ્રથમવાર રૂપિયો આટલો નબળો પડયો:મોંઘવારી વધશે
