ઉતરાયણના દિવસે રાજકોટના ગોંડલમાં નજીવી બાબતે કડિયા લાઈનમાં અજાણ્યા બાઇક ચાલકે 4 યુવાનો પર છરી વડે હુમલો કર્યો હતો. ઈજાગ્રસ્ત 4 યુવાનોને સારવાર માટે ગોંડલ સિવિલ હોસ્પિટલ ખસેડાયા હતા. ત્યારે ગોંડલ શહેર પોલીસે બજારમાં થયેલા હુમલામાં બે આરોપીઓની ધરપકડ કરી છે. પોલીસે CCTV તેમજ બાતમીના આધારે સાંઢીયાપુલ વિસ્તારના રાહુલ ડોડીયા(ઉ. વ. 20) અને વોરકોટડા રોડ આવાસ ક્વાર્ટરનો ઉમંગ ગૌસ્વામી (ઉ. વ.24)નોને ઝડપી પાડ્યા છે. બંને આરોપીઓ અગાઉ પણ વાહનચોરી અને મારામારીના ગુનાઓમાં સંડોવાયેલા છે. પોલીસે આરોપીઓ વિરુદ્ધ કાયદેસરની કાર્યવાહી હાથ ધરી છે.

શું બની હતી સમગ્ર ઘટના
મળતી માહિતી પ્રમાણે, ઉતરાયણના દિવસે ગોંડલ કડિયા લાઈનમાં દિલીપ દૂધી નામની દુકાન નજીક ઉમવાળા ચોકડી પાસે રહેતો મજૂર પરિવાર પગપાળા જતા હતા. તે દરમિયાન બાઇક ચાલકની બાઇક અડી જતા મજૂર પરિવારે જોઈને ચલાવવાનું કહેતા બાઇક ચાલકનો પીતો છટકતા ભરબજારે 4 જેટલા યુવાનોને છરી મારી દીધી હતી. ઘટના બાદ ચારેય યુવાનોને સારવાર અર્થે ગોંડલ સિવિલ હોસ્પિટલમાં ખસેડવામાં આવ્યા હતા. એક યુવાનને પડખાના ભાગે, બે યુવાનોને હાથમાં અને એકને કપાળના ભાગે છરી લાગી હતી. ચારેય યુવાનોને ગોંડલ સિવિલ હોસ્પિટલમાં ખસેડવામાં આવ્યા હતાં. ત્યારે આ ઘટનામાં 2 હુમલાખોર સહિત મદદ કરનારને ઝડપી પાડી વધુ કાર્યવાહી હાથ ધરી છે.

હુમલાનો ભોગ બનનાર યુવાનો

ઠાકુર ડીટ્યા સીંગડ (ઉ. વ.22),
કૈલાશ ડીટ્યા સીંગડ (ઉ. વ. 16),
કમલેશ બહાદુર મીનામા (ઉ.વ.25)
સાગર રામસિંગ ભુરીયા (ઉ.વ.16)

આ પણ વાંચોઃ ઊંઝા નજીક આવેલા બ્રાહ્મવાડા પાસે ગમખ્વાર અકસ્માત; બે લોકોના મોત