અમદાવાદમાં ફરીએકવાર તંત્રએ ગેરકાયદેસરના બાંધકામો પર બૂલટોઝર ફેરવી નાખ્યું છે. AMCના ઉચ્ચ અધિકારીઓ અને પોલીસ બંદોબસ્ત સાથે કરવામાં આવી કામગીરી આવી રહી છે. અમદાવાદના જમાલપુરમાં કાચની મસ્જિદ નજીક આવેલી મ્યુનિસિપલ ઉર્દૂ સ્કૂલની જગ્યામાં બિલ્ડર સલીમ પઠાણે કોમ્પલેકસ બનાવી દીધું હતું. તેને તોડી પાડવાની કામગીરી હાથ ધરાઈ છે.
ગૃહમંત્રીએ અધિકારીઓને ખખડાવ્યા હતા
આ દબાણ અંગે ગૃહમંત્રી અને એલિસબ્રિજના ધારાસભ્ય અમિત શાહે મ્યુનિસિપલ કમિશનર સાથેની સંકલન સમિતીની બેઠકમાં આક્ષેપ કર્યો હતો. ત્યાર બાદ આ કાર્યવાહી કરવામાં આવી છે. બેઠકમાં મ્યુનિસિપલ સ્કૂલની જગ્યામાં દુકાનો બની ગઈ છે કે કેમ એ અંગે શાસનાધિકારીને પુછવામા આવ્યુ હતું. શાસનાધિકારીએ શાળા બંધ હોવાનો જવાબ આપતા ધારાસભ્યએ જણાવ્યું હતુ કે, ‘હાલ જ તપાસ કરાવો. જો શાળા બંધ હશે તો હું ધારાસભ્ય તરીકે રાજીનામુ આપી દઈશ. જેથી AMC કમિશનર દ્વારા તપાસ કરવામાં આવી હતી અને તપાસમાં ખુલ્યું હતું કે શાળાની જગ્યામાં આખુ કોમ્લેક્ષ ઉભું કરી દેવાયું હતુ.
10 જેટલી દુકાન ગેરકાયદે બનાવી દીધી હતી
જમાલપુર કાચની મસ્જિદ પાસે 20 વર્ષ પહેલાં ઉર્દુ સ્કૂલ આવેલી હતી. જેમાં 200 બાળકો ભણતા હતા. આ શાળાને જેતે સમયે મ્યુનિસિપલ સ્કૂલ બોર્ડ દ્વારા બંધ કરવામાં આવી હતી. શાળાની બાજુમા રહેતા સલીમ જુમ્માખાન પઠાણ દ્વારા 10 જેટલી દુકાન ગેરકાયદે બનાવી 12 હજાર રૂપિયા લેખે ભાડું વસુલે છે. જેની તપાસ AMC કરતાં આજે પોલીસના બંદોબસ્ત સાથે તેને તોડી પાડવામાં આવી છે.
આ પણ વાંચોઃ GIR SOMNATH:શાળામાં વાછરડીનું મારણ કર્યા બાદ સિંહના આટાંફેરા વધ્યા, ફેલાયો ફફડાટ
