America Attack on Syria: અમેરિકાએ સીરિયા ઉપર એર સ્ટ્રાઈક કરી આતંકીઓના અડ્ડાઓનો સફાયો કરી નાખ્યો હતો.મહત્વનું છે કે અગાઉ તા.13 ડિસેમ્બરે બે અમેરિકન સૈનિકોના મોત થયા બાદ અમેરિકાએ તેનો બદલો લેવા સિરિયામાં કાર્યરત ઇસ્લામિક સ્ટેટ (IS)ના અડ્ડાઓ ઉપર ‘ઓપરેશન હકઆઈ સ્ટ્રાઈક’ના ભાગરૂપે હવાઈ હુમલા કર્યા હતા.
આપને જણાવી દઈએ કે તા.13 ડિસેમ્બર 2025 ના રોજ સીરિયાના પાલમાયરા નજીક થયેલા હુમલામાં આયોવા નેશનલ ગાર્ડના બે સૈનિકો, સાર્જન્ટ એડગર ટોરસ અને સાર્જન્ટ વિલિયમ હોવર્ડ સહિત એક અમેરિકી નાગરિકનું મોત થયું હતું બાદમાં આ હુમલો સીરિયન સુરક્ષા દળો સાથે જોડાયેલો હોવાનું સામે આવ્યું કે જેઓ IS પ્રત્યે સહાનુભૂતિ ધરાવતા હતા.
ત્યારબાદ અમેરિકન રાષ્ટ્રપતિ ટ્રમ્પના આદેશથી ફાઈટર જેટ્સ અને એપાચે હેલિકોપ્ટર દ્વારા સીરિયામાં હુમલો કરી આતંકીઓના 70 જેટલા ઠેકાણાઓ ધ્વસ્ત કર્યા છે.રક્ષા મંત્રાલયે જણાવ્યું હતું કે આ કાર્યવાહીમાં મોટી સંખ્યામાં આતંકીઓ માર્યા ગયા હતા.
અમેરિકાના રક્ષા મંત્રી પીટ હેગસેથનું નિવેદન સામે આવ્યુ છે કે, આ ઓપરેશનનો હેતુ માત્ર IS ના આતંકી નેટવર્કને તોડવાનો છે, આ કોઈ નવા યુદ્ધની શરૂઆત નથી, પરંતુ અમેરિકી સૈનિકો પર થયેલા હુમલાનો આ જવાબ છે. આ ઓપરેશનમાં મોટી સંખ્યામાં આતંકીઓ માર્યા ગયા હોવાનો દાવો કરવામાં આવ્યો છે.
સિરિયા ઉપર અમેરિકાએ કરેલી એર સ્ટ્રાઈક દરમિયાન F-15 ઈગલ ફાઈટર જેટ, A-10 થંડરબોલ્ટ ગ્રાઉન્ડ એટેક એરક્રાફ્ટ અને એપાચે હેલિકોપ્ટરનો ઉપયોગ કરી મધ્ય સીરિયાના પહાડી અને રણ વિસ્તારોમાં જ્યાં આતંકીઓ છુપાયેલા હતા તેવી જગ્યાએ અમેરિકી દળોએ બોમ્બમારો કર્યો હતો અમેરિકાના આ મિશનમાં જોર્ડનના વિમાનોએ પણ જોડાયા હતા.
આ પણ વાંચો:
H3N2 Virus: બ્રિટનથી પાકિસ્તાન પહોંચ્યો H3N2 ‘સુપર ફ્લૂ’નો ખતરનાક સ્ટ્રેન, ભારત માટે કેટલો ખતરો?
