Donald Trump: અમેરિકાના રાષ્ટ્રપતિ ડોનાલ્ડ ટ્રમ્પે ભારત અને બ્રાઝિલ પર 50 ટકા જંગી ટેરિફ લાદી દેતા હવે અમેરિકામાં નિકાસ થતી વસ્તુઓ પર નોંધપાત્ર અસર પડી છે. દરમિયાન, અમેરિકામાં સતત બદલાતી ટેરિફ નીતિઓને કારણે હવે ઘર આંગણે કંપનીઓને નોંધપાત્ર નુકસાન થઈ રહયાની વાત સામે આવી રહી છે અને અમેરિકામાં ઘણી કંપનીઓના નાદાર થઈ રહી છે.
રાષ્ટ્રીય હિતમાં અમલમાં મુકાયેલી યુએસ પ્રમુખ ડોનાલ્ડ ટ્રમ્પની ટેરિફ રણનીતિ હવે ઊંઘી પડતી જણાઈ રહી છે, ઘર આંગણે કંપનીઓ દેવાળું ફૂંકી રહી છે.યુએસ અર્થતંત્ર, ફુગાવા અને દેશની અંદરના અન્ય મુદ્દાઓને સુધારવાના લક્ષ્ય સાથે, ટ્રમ્પે ભારત સહિત વિશ્વભરના ઘણા દેશો પર ભારે ટેરિફ લાદ્યા હતા.
જોકે, આ “ટેરિફ ટ્રેપ” હવે ટ્રમ્પને જ ફસાવી રહ્યું હોય તેવું લાગે છે. એવું લાગે છે કે ટ્રમ્પે પોતાના પગમાં કુહાડી મારી દીધી છે.ટ્રમ્પ ટેરિફથી અમેરિકામાં વ્યાપક નુકશાન થઈ રહ્યું છે અને જાન્યુઆરીથી નવેમ્બર સુધી અમેરિકામાં ઘણી કંપનીઓ ઝડપથી નાદારી તરફ આગળ વધી રહી છે.આ પરિસ્થિતિ માત્ર આ કંપનીઓ માટે જ નહીં પરંતુ અમેરિકા અને ટ્રમ્પ માટે પણ તણાવનું કારણ બની રહી છે.
અમેરિકામાં કોર્પોરેટ નાદારીના અહેવાલોએ 15 વર્ષનો રેકોર્ડ તોડી નાખ્યો છે.વિવિધ મીડિયા અહેવાલો અનુસાર નવેમ્બર 2025 સુધીમાં લગભગ 717 કંપનીઓએ ચેપ્ટર 7 અને ચેપ્ટર 11 હેઠળ નાદારી માટે અરજી કરી છે.
■આ ચેપ્ટર 7 અને ચેપ્ટર 11 ખરેખર શું છે? જાણો
પ્રકરણ 7 માં કંપનીના બંધ થવા સાથે તેની સંપત્તિ વેચવા કાઢી હોવાનો અર્થ થાય છે.જ્યારે ચેપ્ટર 11 એટલે જેમાં કંપની નાદાર થયા બાદ કંપની કોર્ટની મદદથી સતત કામગીરી દ્વારા તેના દેવાનું પુનર્ગઠન કરે છે.આમ બે તબક્કામાં કંપનીઓ નાદારીના પરીક્ષેપમાં આવે છે.આમાં ચેપ્ટર 7 માં આવતી કંપનીઓની સંખ્યા સૌથી વધુ છે જે લગભગ બંધ થઈ ચૂકી છે.
આમ છેલ્લા 15 વર્ષમાં અમેરિકાએ જે નથી જોયું તે માત્ર 2025માં જોઈ રહ્યું છે અને ‘ટેરીફ દાવ’ અમેરિકાને નડ્યો છે જેમાં 717 કંપનીઓએ દેવાળું ફૂંકતા અમેરિકામાં હાહાકાર મચ્યો છે,આ આંકડો 2008ની વૈશ્વિક મહામંદી પછીનો સૌથી મોટો આંકડો છે અને ટ્રમ્પનો દાવ ઉંધો પડતો જણાય રહ્યો છે.
આ પણ વાંચો:
Bauxite mineral theft: ખેડાના અમૃતપુરા ગામે 62 હેક્ટર ગૌચરની જમીનમાંથી કોલસો ખોદાશે!
