Air India Pilot: ભારતીય પાયલોટ દારૂ પીને વિદેશની ધરતી ઉપરથી વિમાન ઉડાડે તે પહેલાં તેને પકડી લેવામાં આવ્યો હતો પરિણામે સંભવતઃ મોટો અકસ્માત થતાં રહી ગયો છે.
કેનેડાના વાનકુવર ઇન્ટરનેશનલ એરપોર્ટ પર એર ઇન્ડિયાની આંતરરાષ્ટ્રીય ફ્લાઇટ ટેકઓફ કરવાની તૈયારીમાં હતી અને અચાનક પાયલોટ પીધેલો હોવાનું જણાતા ફ્લાઈટ રોકી દેવામાં આવી હતી.વાનકુવરથી દિલ્હી જતી ફ્લાઇટ AI186 ના પાઇલટ પર દારૂ પીધો હોવાની માહિતી મળતા અધિકારીઓ એ ત્વરિત પગલાં ભરી ફ્લાઈટ રોકી દેવામાં આવી હતી
વિગતો મુજબ 23 ડિસેમ્બર, 2025 ના રોજ ફ્લાઇટ બોઇંગ 777 વાનકુવરથી વાયા વિયેના દિલ્હી જવાની હતી પણ ટેકઓફ પહેલા કોકપીટમાં દારૂની તીવ્ર ગંધ પ્રસરતા કર્મચારીઓ એલર્ટ થઈ ગયા અને આ અંગે એરપોર્ટ અધિકારીઓને જાણ કરવામાં આવતા કેનેડિયન સુરક્ષા એજન્સીના અધિકારીઓએ ઉડાન અટકાવી દીધી અને પાઇલટનો બ્રેથલાઇઝર ટેસ્ટ કરતા તેણે દારૂ પીધો હોવાનું સામે આવતા તેની અટકાયત કરી લેવામાં આવી હતી.મીડિયા અહેવાલો મુજબ ડ્યુટી-ફ્રી સ્ટોરના કર્મચારીઓએ પાયલોટને વાઇન શોપમાં જોયો ત્યારથી શંકા પ્રબળ બની હતી.
મુસાફરોની સલામતીને પ્રથમ પ્રાથમિકતા આપી પાઇલોટને દૂર કરાયો હતો પરિણામે ફ્લાઇટ લગભગ બે કલાક મોડી પડી હતી.ઘટના બાદ એર ઇન્ડિયાએ પોતાના નિવેદનમાં મુસાફરોને થયેલી અસુવિધા બદલ દિલગીરી વ્યક્ત કરી હતી.ઇન્ડિયન એરલાઇન્સ સ્થાનિક અધિકારીઓ સાથે સંપૂર્ણ સહકાર આપી રહી છે અને તપાસ પૂરી ન થાય ત્યાં સુધી પાઇલટને ફરજ પરથી દૂર કરવામાં આવ્યો છે.
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
