● અમેરિકી રાજદ્વારીની લીક થયેલી રેકોર્ડિંગમાં બાંગ્લાદેશમાં ‘હસીના સરકાર ઉઠલાવવા અને તે પછી શુ કરવું’ તે પ્રિ પ્લાનિંગ વાતો જાહેર થતાં મચ્યો ખળભળ
Bangladesh: બાંગ્લાદેશમાં શેખ હસીનાની સરકારના પતનના મહિનાઓ બાદ એક લીક થયેલી રાજદ્વારી રેકોર્ડિંગે દક્ષિણ એશિયાના રાજકારણમાં ભારે હલચલ મચાવી દીધી છે,આ ઓડિયો લીકથી દાવો કરવામાં આવી રહ્યો છે કે હસીનાની સરકારને ઉથલાવી નાખવા પાછળ અમેરિકાનો હાથ હતો.
સ્ટ્રેટન્યૂઝ ગ્લોબલ દ્વારા બહાર પાડવામાં આવેલી આ ઓડિયો ક્લિપથી.વોશિંગ્ટન ચર્ચાના કેન્દ્રમાં આવ્યું છે અને આવામી લીગને પોતાનો મજબૂત પક્ષ રાખવાનો મોકો મળ્યો છે.
લીક થયેલા રેકોર્ડિંગમાં એક વરિષ્ઠ યુએસ રાજદ્વારી બાંગ્લાદેશના ઇસ્લામી રાજકીય દળો સાથે જોડાણ કરવાની અને શેખ હસીના પછી દેશની દિશાનું મૂલ્યાંકન કરવાની ચર્ચા કરતા દર્શાવવામાં આવ્યા છે. જેમાં શેખ હસીના સરકારને ઉઠલાવી દેવાનું પ્લાનિંગ અને શેખ હસીનાની સરકારના પતન બાદ શુ કરવું વગરે વાતચીત રેકર્ડ થયેલી છે જે લીક થઈ જતા હસીના શેખ સરકારને જાણી જોઈને એક કાવતરું રચીને પ્રી પ્લાનિંગથી ઉઠલાવી દેવામાં આવી હોવાનો આરોપ લાગતા અમેરિકાની નીતિ સામે પણ સવાલો ઉઠ્યા છે.
આ ઓડિયો અવામી લીગના નેતાઓ માટે એક મુખ્ય રાજકીય હથિયાર તરીકે ઉભરી આવ્યો છે.
ભૂતપૂર્વ શિક્ષણ પ્રધાન મોહિબુલ હસન ચૌધરીએ આ મામલે આકરી પ્રતિક્રિયા આપી છે અને તેને “મોટું કાવતરું” ગણાવ્યું હતું ચૌધરીએ કહ્યું કે બાંગ્લાદેશની સાર્વભૌમત્વ સાથે ચેડા થયા છે,અને તે આ વાતની પુષ્ટિ કરે છે કે ઓગસ્ટ 2024 નો બળવો “સ્વૈચ્છિક” આંદોલન નહોતું પરંતુ વિદેશી શક્તિઓ દ્વારા પૂર્વ આયોજિત ‘કાવતરું’ હતું.
અવામી લીગનું કહેવું છે કે આ રેકોર્ડિંગ એ સાબિત કરવા માટે પૂરતું છે કે બાંગ્લાદેશની સાર્વભૌમત્વ સાથે ચેડા કરવામાં આવ્યા હતા અને ચૂંટણી પછીના સંચાલનના નામે એક ચૂંટાયેલી સરકારને અસ્થિર કરવા પ્રિ પ્લાન કાવતરું રચવામાં આવ્યું હતું જેનું આખરે સત્ય સામે આવી ગયું છે, આ સાથે જ અવામી લીગે મુહમ્મદ યુનુસના નેતૃત્વ હેઠળની વચગાળાની સરકારની કાયદેસરતા પર પણ સવાલ ઉઠાવ્યા છે.
મહત્વનું છે કે મોહિબુલ હસન ચૌધરીએ તાજેતરમાં એક કાર્યક્રમમાં ચેતવણી આપી હતી કે અવામી લીગ જેવી મોટી રાજકીય શક્તિને ચૂંટણીમાંથી બાકાત રાખવી એ દેશના મતદારોના એક મોટા ભાગને મતાધિકારથી વંચિત રાખવા સમાન હશે. તેમના મતે, આવી પરિસ્થિતિઓમાં રચાયેલી કોઈપણ સરકારને વાસ્તવિક જાહેર જનાદેશ વિના “ગેરકાયદેસર” ગણવામાં આવશે.
● બાંગ્લાદેશમાં ISI ની હાજરી
આવામી લીગના ભૂતપૂર્વ સાંસદ બહાઉદ્દીન નસીમે પાકિસ્તાનની ગુપ્તચર એજન્સી, ISI ની બાંગ્લાદેશમાં હાજરી અને વચગાળાના વહીવટ પર દેશમાં વિદેશી પ્રભાવને વધવા દેવાનો આરોપ લગાવ્યો છે તેમણે દાવો કર્યો હતો કે પાકિસ્તાનની લશ્કરી ગુપ્તચર એજન્સીના વરિષ્ઠ અધિકારીઓએ તાજેતરમાં બાંગ્લાદેશની મુલાકાત લીધી હતી. “બીજા ક્રમના ISI અધિકારીએ ઢાકાની મુલાકાત લીધી હતી. પાકિસ્તાની લશ્કરના જનરલો વારંવાર ઢાકાની મુલાકાત લઈ રહયા છે.”
આમ, બાંગ્લાદેશમાં હસીના સરકારને ઉથલાવી પાડવામાં અમેરિકાની કથિત ભૂમિકા સામે આવતા ભારે હોબાળો મચી ગયો છે.
● કોણ છે શેખ હસીના
શેખ હસીના વાઝેદ એક બાંગ્લાદેશી રાજકારણી છે જેઓ ૧૯૯૬ થી ૨૦૦૧ અને ફરી ૨૦૦૯ થી ૨૦૨૪ સુધી બાંગ્લાદેશના વડા પ્રધાન રહયા હતા.
તેઓ બાંગ્લાદેશના સ્થાપક રાષ્ટ્રપતિ શેખ મુજીબુર રહેમાનની પુત્રી છે અને ૧૯૮૧ થી આવામી લીગના પ્રમુખ છે,બાંગ્લાદેશમાં તેઓ વિરુદ્ધ બળવો થતાં હાલ તેઓ ભારતમાં (દિલ્હી) આશ્રય લઈ રહયા છે તેઓની આવામી લીગ પાર્ટી બાંગ્લાદેશની મુખ્ય મોટી પાર્ટીઓ પૈકીની એક મનાય છે અને મોટી વોટબેંક ધરાવે છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
