FBI: ડોનાલ્ડ ટ્રમ્પના માર-એ-લાગો (Mar-a-Lago) રિસોર્ટમાં ગન લઈને ઘૂસેલા શંકાસ્પદ યુવકને સુરક્ષાકર્મીઓએ ગોળી મારી દેતા તેનું ઘટનાસ્થળે જ મૃત્યુ થયું છે.જોકે આ ઘટના સમયે રાષ્ટ્રપતિ ટ્રમ્પ ત્યાં હાજર ન હતા પણ રાજધાની વોશિંગ્ટનમાં હતા.ટ્રમ્પની સિક્રેટ સર્વિસે જણાવ્યું કે એક 20 વર્ષનો જણાતો યુવક શોટગન જેવું હથિયાર અને ફ્યુઅલ કેન લઈને પ્રતિબંધિત વિસ્તારમાં ગેરકાયદે રીતે ઘૂસવાનો પ્રયાસ કર્યો હતો.
રિસોર્ટના નોર્થ ગેટ પરથી એક કાર બહાર નીકળી રહી હતી, તે જ સમયે યુવકે કારની આડમાં અંદર ઘૂસવાનો પ્રયાસ કર્યો ત્યારે સીક્રેટ સર્વિસના બે એજન્ટોએ તેને રોક્યો અને તેને હથિયાર તથા કેન નીચે મૂકી દેવા કહ્યું. યુવકે કેન તો નીચે મૂકી દીધું, પરંતુ શૉટગનને ગોળી ચલાવવાની પોઝીશનમાં ઊંચી કરી લીધી.
ત્યારબાદ સુરક્ષા કર્મીઓએ કરેલા ફાયરીંગમાં તેનું મોત થઈ ગયું.આ યુવકની પ્રાથમિક તપાસમાં જાણવા મળ્યું છે કે તેના પરિવારે થોડા દિવસો પહેલા જ તેના ગુમ થયાની ફરિયાદ નોંધાવી હતી. તે નોર્થ કેરોલિનાથી દક્ષિણ તરફ આવ્યો હતો અને રસ્તામાં જ તેણે શૉટગન ખરીદી હતી. તેની કારમાંથી ગનનું બોક્સ પણ મળી આવ્યું હતું.
જોકે,આ ઘટના બની તે સમયે ડોનાલ્ડ ટ્રમ્પ વોશિંગ્ટન ડીસીમાં વ્હાઇટ હાઉસમાં હાજર હતા. સામાન્ય રીતે તેઓ પરિવાર સાથે વીકેન્ડ પર માર-એ-લાગોમાં સમય વીતાવે છે પણ આ રવિવારે તેઓ ત્યાં હાજર ન હતા.મૃતકની ઓળખ હજુ સુધી જાહેર કરવામાં આવી નથી. આ મામલે તપાસ ચાલુ છે.
યુએસ સિક્રેટ સર્વિસે એક નિવેદન બહાર પાડીને જણાવ્યું હતું કે આ ઘટના રવિવારે સવારે સ્થાનિક સમય મુજબ લગભગ 1:30 વાગ્યે બની હતી. શંકાસ્પદ વ્યક્તિ પાસેથી એક શોટગન અને ફ્યુઅલનો ડબ્બો મળી આવ્યો છે. મૃતકનું નામ હજુ સુધી જાહેર કરવામાં આવ્યું નથી.માર-એ-લાગો ટ્રમ્પના “વિન્ટર વ્હાઇટ હાઉસ” તરીકે ઓળખાય છે અને ત્યાં સુરક્ષા અત્યંત કડક છે. આ ઘટનાને સુરક્ષા ભંગ માનવામાં આવી રહ્યો છે. આ ઘટના બાદ, FBI અને સ્થાનિક પોલીસે વિસ્તારને ઘેરી લઈ તપાસ શરૂ કરી છે.
