■LPG ગેસની અછત વચ્ચે હવે સ્મશાનના કોલસાનો હોટલ-રેસ્ટોરન્ટમાં થઈ રહ્યો છે ઉપયોગ
Cremation Coal: ઈરાન ઉપર ઈઝરાયેલ અને અમેરિકાએ કંઈપણ જોયા વગર જ હુમલો કરી દેતા ઇરાને વિશ્વભરમાં જતા મુખ્ય સ્ત્રોત ગેસ-તેલનો પુરવઠો ખોરવી નાખતા હવે વિશ્વભરમાં ગેસ-તેલનું સંકટ ઉભું થયું છે જેમાં ભારતમાં પણ ગેસનું ગંભીર સંકટ ઉભું થતાં હવે કોમર્શિયલ ગેસની અછત સર્જાતા હોટલ-રેસ્ટોરન્ટ બંધ થવા લાગ્યા છે તો વળી કેટલાક લાકડા-કોલસા તરફ વળ્યા છે પણ તે સહેલાઈથી મળતા નથી ત્યારે કેટલાકે શોર્ટ વિકલ્પ અપનાવી સ્મશાનમાંથી સસ્તા કોલસાનો જુગાડ શોધી કાઢ્યો છે અને માનવ દેહ બળેલા કોલસા હોટલ-રેસ્ટોરન્ટમાં લઈ જઈ તંદુરી-ચિકન બનાવી રહયા છે.
આ કોલસમાં માનવ દેહના અંશો હોવાથી તેમાં માંસની વાસ આવતી હોય છે પણ ચિકન-તંદુરીમાં તે ખબર પડતી નથી જેથી આવા કોલસાનો ધંધો ફુલ્યો ફાલ્યો છે અને દલાલો સ્મશાન ઘાટ ઉપરથી જલ્દી આગ બુઝાવી આવા કોલસાનો વેપાર કરી રહયા છે.
બિહારમાં હાલમાં ચાલી રહેલી એલપીજી (LPG) ગેસની ભારે અછત વચ્ચે એક ચોંકાવનારો કિસ્સો સામે આવ્યો છે, જેમાં પટના સહિત અનેક જિલ્લાઓની હોટલો અને રેસ્ટોરન્ટ્સ રસોઈ માટે અગ્નિસંસ્કારની ચિતાઓમાંથી નીકળતા કોલસાનો ઉપયોગ કરી રહી હોવાનો દાવો કરવામાં આવ્યો છે.
ગેસ સિલિન્ડર ન મળવાને કારણે, એજન્ટો સ્મશાન ઘાટ પર ચિતાની આગ વહેલી ઓલવી નાખે છે અને તેમાંથી નીકળતા લાકડાના કોલસાને વીણીને હોટલોમાં વેચે છે.
■તંદૂર અને માંસાહારી ભોજનમાં વપરાશ થાય છે.
આ કોલસાનો સૌથી વધુ ઉપયોગ તંદૂરી રોટલી, ચિકન અને લિટ્ટી રાંધવા માટે કરવામાં આવે છે. એજન્ટોના જણાવ્યા અનુસાર, માંસાહારી ખોરાકમાં તેની ગંધ પરખાઈ આવતી નથી, તેથી હોટલ માલિકો આ સસ્તો વિકલ્પ પસંદ કરી રહ્યા છે ગુલબી ઘાટ અને બાંસ ઘાટ: પટનાના મુખ્ય સ્મશાન ઘાટો જેમ કે ગુલબી ઘાટ અને બાંસ ઘાટ પર આ પ્રકારનું નેટવર્ક સક્રિય હોવાનું બહાર આવ્યું છે. તપાસમાં જાણવા મળ્યું છે કે દિવસનો અંદાજે 400 કિલો જેટલો કોલસો હોટલો અને લગ્ન સમારંભોના કેટરર્સને સપ્લાય કરવામાં આવે છે.
ગેસની અછતને કારણે આ કોલસાની માંગ વધી છે. એજન્ટો એક ગુણી (કોથળો) કોલસો અંદાજે ₹600 માં વેચે છે. તેઓ દાવો કરે છે કે કોલસામાંથી હાડકાં સાવચેતીપૂર્વક અલગ કરી દેવામાં આવે છે, દૈનિક ભાસ્કરના પત્રકારે સ્ટિંગ ઓપરેશન કરતા આ હકીકતની સત્યતા સામે આવી છે જેનો એક વિડીયો વાયરલ થઈ રહયો છે
દરમિયાન આ ઘટનાને ખુબજ ગંભીર માનવામાં આવી રહી છે અને લોકોમાં આ કિસ્સો જાણી અરેરાટી ફેલાઈ ગઈ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
