Trump: ડોનાલ્ડ ટ્રમ્પ એક તરફ કહે છે કે અમે શાંતિ વાર્તા ચાલુ રાખી છે અને 6 એપ્રિલ સુધી ઈરાન ઉપર હુમલો કરવા માંગતા નથી અને બીજી તરફ તેમનું સૈન્ય સતત હુમલા કરી રહ્યું છે,લાગે છે કે ટ્રમ્પને જ ખબર નથી કે લશ્કર ક્યાં લડે છે??તરંગી સ્વભાવના ટ્રમ્પ બોલે છે તેની વિપરીત સ્થિતિ જોવા મળી રહી છે પરિણામે હવે અમેરિકામાં ઠેર ઠેર ટ્રમ્પ વિરોધી જુવાળ ઉભો થયો છે.ટ્રમ્પની જાણ બહાર હુમલા થાય તેવું શક્ય ન હોવાછતાં હવે લાગે છે કે ટ્રમ્પને જ ખબર નથી કે લશ્કર ક્યાં લડે છે? નહીતો ટ્રમ્પ શુ કામ નિવેદન આપતા ફરે છે કે હવે ઈરાન ઉપર હુમલા નહિ થાય અને શાંતિ વાર્તા ચાલુ છે.ટ્રમ્પના આ નિવેદન બાદ તરત ઈઝરાયેલે ઈરાન ઉપર હુમલો કરી દીધો હતો ત્યારબાદ અમેરિકાએ ઈરાનમાં જમીની હુમલો કરવા પાયદળ મોકલ્યું આ પછી સતત હુમલા ચાલુ છે અને ઈરાન પણ વળતા હુમલા કરી રહ્યું છે.
ગઈકાલે મશહદ એરપોર્ટ ઉપર પણ અમેરિકાએ હુમલો કર્યો જેમાં ઈરાની વિમાનને નુકશાન થયું હતું આ એજ વિમાન હતું જે દિલ્હી આવવા રવાના થવાનું હતું અને ભારતથી દવાનો જથ્થો લઈ ઈરાન પરત જવાનું હતું પણ તે પહેલાં અમેરિકાએ હુમલો કરી વિમાન નષ્ટ કરી દીધું.આ હુમલા બાદ હવે અમેરિકાએ ઈરાનના ઈસ્ફહાન શહેરમાં એક મોટા હથિયાર ડેપો પર એરસ્ટ્રાઈક કરી છે. વોલ સ્ટ્રીટ જર્નલના રિપોર્ટ અનુસાર, આ હુમલો સોમવારે રાત્રે કરવામાં આવ્યો હતો. આ માટે 2000 પાઉન્ડના બંકર-બસ્ટર બોમ્બનો ઉપયોગ કરવામાં આવ્યો હતો.
રિપોર્ટમાં અમેરિકી અધિકારીને ટાંકીને કહેવામાં આવ્યું છે કે આ ડેપોમાં મોટી માત્રામાં હથિયારો અને સૈન્ય સામગ્રી રાખવામાં આવી હતી, જેને નિશાન બનાવવામાં આવ્યું હતું. બંકર-બસ્ટર બોમ્બનો ઉપયોગ મજબૂત અને ભૂગર્ભ ઠેકાણાઓને નષ્ટ કરવા માટે થાય છે.હુમલા બાદ ડેપોમાં રાખેલા હથિયારોમાં વિસ્ફોટ થતાં અનેક ધડાકા થયા અને વિસ્તારમાં આગના મોટા ગોટેગોટા ઉછળ્યા અને આ લશ્કરી કાર્યવાહી બાદ 6 એપ્રિલ સુધી “કોઈ હુમલો નહિ’ કહેનારા અમેરિકી રાષ્ટ્રપતિ ડોનાલ્ડ ટ્રમ્પે તે વાત ભૂલી જઈને સોશિયલ મીડિયા પર અમેરિકાએ કરેલા હુમલા બાદના થયેલા ધડાકાનો એક વીડિયો શેર કર્યો છે.આમ,ટ્રમ્પના તરંગી નિર્ણયો અને વિચિત્ર વર્તનની ચોમેર ટીકાઓ થઈ રહી છે પણ ટ્રમ્પને તેનાથી કોઈ ફેર પડતો નથી તેઓને લાગે છે કે હવે ક્યાં વારે વારે આ શક્તિશાળી પદ મળવાનું છે જોકે,ટ્રમ્પની વિચિત્ર હરકતોને લઈ દુનિયામાં ચિંતા ઉભી થઇ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
