Donald Trump: જાણે દુનિયાને પૂછીને ઈરાન ઉપર હુમલો કર્યો હોય તેમ અમેરિકી રાષ્ટ્રપતિ ડોનાલ્ડ ટ્રમ્પ તેમની અસલિયત ઉપર ઉતરી આવ્યા છે અને હવે કહી રહયા છે કે “અમારી પાસે પર્યાપ્ત તેલનો પુરવઠો છે જેને જોઈએ તે અમારી પાસેથી ખરીદી શકે છે”
ટ્રમ્પે સ્પષ્ટ કર્યું કે “હોર્મુઝનો રસ્તો ખોલવાની જવાબદારી અમેરિકાની નથી હવે અમે કોઈપણ દેશની મદદ નહીં કરીએ, જે દેશોએ જરૂર હોય તે પોતાની રીતે હોર્મુઝનો રસ્તો ખોલી ત્યાંથી પોતાના જહાજો કાઢી શકે છે” તેમણે સોશિયલ મીડિયા પોસ્ટમાં કહ્યું કે બ્રિટન સહિતના દેશો કે જેઓ હોર્મુઝ સ્ટ્રેટથી ઇંધણ મેળવી શકતા નથી, તેમણે અમેરિકા પાસેથી ઓઈલ ખરીદવું જોઈએ કારણ કે અમેરિકા પાસે તેની કોઈ અછત નથી.
ટ્રમ્પે કહ્યું કે દરેક દેશ હિંમત બતાવે અને પોતે હોર્મુઝ સ્ટ્રેટ ખોલાવી ઓઈલ લઈ શકે છે તેમાં હવે અમેરિકા તેમની મદદ માટે નહીં આવે, જેમ તેઓ પણ કોઈ અમેરિકાની મદદ માટે આવ્યા ન હતા તેથી અમેરિકા હવે હોર્મુઝ સ્ટ્રેટ ખોલવા આગળ આવશે નહિ કારણ કે અમારી પાસે તેલનો વિપુલ ભંડાર છે અને અમે આ રસ્તો વાપરતા નથી તેથી અમને કોઈ ચિંતા નથી.
આમ,અમેરિકાના કારણે રસ્તો બંધ થયો અને હવે આજ અમેરિકાએ હાથ ઊંચા કરી કહી દીધું તમ તમારે તમે જ ફોડી લો. આમ,તરંગી સ્વભાવના ઘરડા થઈ ગયેલા ટ્રમ્પે દુનિયાને મુશ્કેલીમાં મૂકી દીધી છે અને નવી વાત એ સામે આવી છે કે ઈરાને હોર્મુઝ સ્ટ્રેટ ઉપર નિયંત્રણ કરી દુનિયાનું આર્થિક બજેટ ખોરવી નાખ્યું તેજ રીતે હવે બીજા તબક્કામાં ઈન્ટરનેટ ખોરવી દેવાની ધમકી આપી છે ત્યારે પણ આજ ટ્રમ્પ એવું કહેવાના છે કે અમને ચિંતા નથી જેને ચિંતા હોય તે જાતેજ તેની સમસ્યા સોલ્વ કરે !
હોર્મુઝ સ્ટ્રેટ સમુદ્રની નીચેથી પસાર થાય છે વિશ્વનો 97% ગ્લોબલ ડેટા જે કેબલ કાપી નાખી દુનિયાભરમાં ઈન્ટરનેટ ઠપ્પ કરી દેવાની ઇરાને ધમકી આપી છે પણ ટ્રમ્પને કઈ ફેર પડતો નથી અહીંથી વિશ્વનો લગભગ 95 થી 97% ડેટા ફાઇબર ઓપ્ટિક કેબલ્સ પસાર થાય છે.
આ કેબલ્સ સમુદ્રની નીચે બિછાવેલા હોય છે. ભારતને યુરોપ, આફ્રિકા અને પશ્ચિમ એશિયા સાથે જોડતા મુખ્ય કેબલ્સ આ જ રૂટ પાસેથી પસાર થાય છે. તેમાં SEA-ME-WE, AAE-1 ने EIG જેવી મોટી કેબલ્સ સિસ્ટમ્સ સામેલ છે જે કાપી નાખવામાં આવેતો મોટી સમસ્યા આવી શકે છે આમ,એક વૃદ્ધ નેતા એકપછી એક એવા પગલાં ભરી રહ્યા છે કે આખી દુનિયા તેનો ભોગ બની રહી છે,તરંગી ટ્રમ્પને ગાદી મળતા જ બેકાબુ બની ગયા છે જેના દુનિયાએ ગંભીર પરિણામો ભોગવવા પડી રહયા છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
