Surat News: સુરતના વરાછા વિસ્તારમાં આવેલી સ્ટેટ બેંક ઓફ ઈન્ડિયા (SBI) ની શાખામાં આજે ધોળે દિવસે લૂંટની મોટી ઘટના બની છે. ફિલ્મી અંદાજમાં ચાર લૂંટારુઓએ બેંકમાં ઘૂસીને કર્મચારીઓને બંધક બનાવી અંદાજે ₹૫૦ લાખની લૂંટ ચલાવતા ભારે ચકચાર મચી ગઈ છે વિગતો મુજબ સ્ટેટ બેંક ઓફ ઈન્ડિયા (SBI) શાખા, વરાછા, સુરત ખાતે બનેલી આ લૂંટની ઘટના અંગેની મળતો પ્રાથમિક વિગતો મુજબ ચાર હથિયારધારી લૂંટારુઓએ બેંકમાં પ્રવેશ કરી કર્મચારીઓને બંદૂકની અણીએ બંધક બનાવ્યા હતા અને રોકડ રકમ લૂંટીને ફિલ્મી સ્ટાઇલમાં ફરાર થઈ ગયા હતા.
લૂંટારુઓએ કાળઝાળ ગરમીમાં લૂંટ માટે બપોરનો સમય પસંદ કર્યો હતો આજે બપોરના સમયે બેકમાં કોઈ ગ્રાહકો હાજર ન હતા અને માત્ર કર્મચારીઓ જ હતા તેનો ફાયદો ઉઠાવી મોકો જોઈ હથિયાર સાથે બેન્કમાં ઘૂસી ગયા અને બેંકના કર્મચારીઓને ધમકાવી ચૂપ રહેવા જણાવી બેંકના આશરે 50 લાખ રૂપિયાની રોકડ રકમ ઉઠાવી ત્યાંથી ફરાર થઇ ગયા હતા.
ઘટનાની જાણ થતા જ ઉચ્ચ પોલીસ અધિકારીઓનો કાફલો ઘટનાસ્થળે પહોંચી ગયો છે અને સમગ્ર વિસ્તારને કોર્ડન કરી લઈ CCTV ફુટેજની મદદથી લૂંટારુઓને ઝડપી લેવા નાકાબંધી કરવામાં આવી છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
