6 હજાર કરોડ BZ કૌભાંડ મામલામાં અરવલ્લી જિલ્લાના શિક્ષકની સંડોવણી બહાર આવી છે. મેઘરજ તાલુકાની ભેમાપુર પ્રાથમિક શાળાના શિક્ષક વિનોદ પટેલની CID ક્રાઈમ કરી ધરપકડ ગાંધીનગર લઈ ગઈ હતી. શિક્ષકની ધરપકડ મામલે જિલ્લા પ્રાથમિક શિક્ષણાધિકારી નૈનેશ દવેએ પ્રતિક્રિયા આપી છે.
CIDએ નનામી અરજીના આધારે ગુનો નોંધી 6 હજાર કરોડ રૂપિયાનું કૌભાંડ આચરનાર બીઝેડ ગ્રુપના સીઈઓ સહિત 7 આરોપીઓને જેલ હવાલે કર્યા છે. આ કૌભાંડ હજુ વધુ તપાસને લઈ CID ટીમે 22મી જાન્યુઆરી મેઘરજની ભેમાપુર પ્રાથમિક શાળાના શિક્ષક વી.ડી.પટેલને ચાલુ શાળાએથી ઊઠાવી લીધો હતો. પૂછપરછમાં આ એજન્ટ શિક્ષકે આ કૌભાંડમાં 1300 લોકો પાસેથી 70 કરોડ રૂપિયાનું રોકાણ કરાવ્યું હતું અને તેણે 1 કરોડ રૂપિયાથી વધુનું કમિશન મેળવ્યું હતું. હાલ પોલીસે શિક્ષકની ધરપકડ કરીને આગળની કાર્યવાહી હાથી ધરી છે. નોંધનીય છે કે, બીઝેડ ગ્રૂપમાં એજન્ટની ભૂમિકા ભજવનાર અને મોંઘીદાટ મર્સીડીઝ બેન્ઝ કાર ગીફ્ટ મેળવી હતી. આ શિક્ષકના અગાઉ ગીફટ લેતા વાયરલ થયેલા વીડિયોને પગલે જિલ્લા શિક્ષણ વિભાગ દ્વારા કારણદર્શક નોટિસ પણ અપાઈ હતી.
આ મામલે અગાઉ શિક્ષક વિનોદ પટેલને કચેરી ખાતે બોલાવી નિવેદન લેવાયું હતું. શિક્ષકે BZની ટુરમાં વિદેશ પ્રવાસ કર્યો હોવાનું બહાર આવ્યું છે. શિક્ષણ અધિકારીએ જણાવ્યું કે નિયમ પ્રમાણે શિક્ષકો સામે કાર્યવાહી કરાશે.
નૈનેશ દવે, જિલ્લા પ્રાથમિક શિક્ષણાધિકારી, અરવલ્લી
