AMC School Board Budget: મ્યુનિસિપલ કોર્પોરેશન સંચાલિત નગર પ્રાથમિક શિક્ષણ સમિતિનું વાર્ષિક બજેટ ગત રોજ ભાજપ(BJP)ના સત્તાધીશો દ્વારા નવા આયોજન સાથે મંજૂર કરાયું. શાસનાધિકારી દ્વારા રજૂ કરાયેલા રૂ. 1143 કરોડના બજેટમાં સ્કૂલ બોર્ડના ચેરમેન અને વાઇસ ચેરમેન સહિતના સભ્યોએ 12 કરોડના વધારા સાથે રૂ. 1155 કરોડનું બજેટ મંજૂર કરવામાં આવ્યું છે.
શાળા સજ્જતા પાછળ રુ. 3 કરોડ ખર્ચાશે
મ્યુનિસિપલ શાળાઓ અને બિલ્ડીંગોમાં કુદરતી સ્ત્રોતોના ઉપયોગ માટે હાર્વેસ્ટિંગ સિસ્ટમ પાછળ 1 કરોડ રૂપિયા ફાળવવામાં આવ્યા છે. શાળા સજ્જતા પાછળ 3 કરોડ રૂપિયા જ્યારે ગણિત વિજ્ઞાન પ્રયોગશાળા સંશોધન અને સંસાધન તેમજ નવી એજ્યુકેશન પોલીસી હેઠળ કામગીરી માટે 2 કરોડની ફાળવણી કરાઈ.
સ્પોર્ટ્સ પ્રવૃત્તિ માટે 1.5 કરોડ રૂપિયા ફાળવાયા
મ્યુનિસિપલ સ્કૂલ બોર્ડ કમિટીના ચેરમેન ડો. સુજય મહેતા અને ડેપ્યુટી ચેરમેન વિપુલ સેવકે જણાવ્યું હતું કે, મ્યુનિસિપલ કોર્પોરેશન સંચાલિત સ્કૂલ બોર્ડ દ્વારા વર્ષ 2025-26નું બજેટ રજૂ કરાયું છે. જેમાં વિદ્યાર્થીઓના વિકાસ શૈક્ષણિક અને શિક્ષકોને લગતી પ્રવૃત્તિ પાછળ કરોડ રૂપિયા અને શાળા તેમજ માળખાકીય સુવિધાઓ પાછળ 26.84 કરોડ રૂપિયાનો ખર્ચ થશે. વિદ્યાર્થીઓ ગમ્મત સાથે જ્ઞાન મેળવે તેના માટે બાલવાટિકા પાછળ 3 કરોડ રૂપિયાનો ખર્ચાશે. જ્યારે યોગ પરંપરાગત રમતો અને ઓલમ્પિક 2036ને ભાગરૂપે સ્પોર્ટ્સ પ્રવૃત્તિ માટે 1.5 કરોડ રૂપિયા ફાળવવામાં આવ્યા છે.
સંગીત- ચિત્રના પ્રવાસી શિક્ષકોની પણ નિમણૂક
મ્યુનિસિપલ સ્કૂલ બોર્ડના વિદ્યાર્થીઓને વર્લ્ડ હેરિટેજ સિટી માટે લોકગાઇડ અને વિકસિત ભારત 2047 સંકલ્પ અંતર્ગત વિદ્યાર્થીલક્ષી કાર્ય શાળા માટે 25 લાખ રૂપિયાની ફાળવણી કરાઈ છે. વિદ્યાર્થીઓમાં સંગીત અને વિવિધ વાદ્ય વગાડવાનું કૌશલ્ય અને ચિત્ર થકી સર્જન શક્તિમાં વધારો થાય તેના માટે સંગીત અને ચિત્રના પ્રવાસી શિક્ષકોની પણ નિમણૂક કરવામાં આવશે.
મ્યુનિસિપલ સ્કૂલ બોર્ડ સંચાલિત 450 શાળાઓમાં 5 માધ્યમમાં 1,70,586 વિદ્યાર્થીઓને 4396 મુખ્ય શિક્ષકો તથા શિક્ષકો દ્વારા શિક્ષણ આપવામાં આવે છે. 129 સ્માર્ટ શાળાઓમાં 88,995 વિદ્યાર્થીઓ અભ્યાસ કરે છે. તેમજ “ભિક્ષા નહીં શિક્ષા” અંતર્ગત 13 સિગ્નલ સ્કૂલમાં કુલ 148 વિદ્યાર્થીઓ અભ્યાસ કરે છે.
ઈલ્યાસ કુરેશી( સભ્ય મિન્યું. સ્કુલ બોર્ડ, અમદાવાદ)ની પ્રતિક્રિયા
આ પણ વાંચોઃ Chhota Udepur: ગેસ ભરાવવા બાબતે થયો ઝગડો, કારચાલક ગંભીર, જુઓ વિડિયો
