લદ્દાખમાં આજે (18 ડિસેમ્બર) સાંજે 4 વાગે ભૂકંપના આંચકા અનુભવાયા છે. નેશનલ સેન્ટર ફોર સિસ્મોલોજી અનુસાર, ભૂકંપની તીવ્રતા 4.3 હતી અને તેનું કેન્દ્ર જમીનથી 10 કિલોમીટર નીચે હોવાનું નોંધ્યું છે.
ભૂકંપની તીવ્રતા ઓછી હોવાને કારણે કોઈ જાનહાની કે નુકસાની થઈ નથી. જો કે લોકો ગભરાઈને ઘરની બહાર દોડી ગયા હતા. લદ્દાખ જેવા સંવેદનશીલ ભૌગોલિક વિસ્તારમાં ધરતીકંપ વારંવાર થતાં રહે છે. આ પ્રદેશ હિમાલયની ટેકટોનિક પ્લેટો પર આવેલો છે.
ભૂકંપ આવવાનું શું છે કારણ!
પૃથ્વીની અંદર 7 પ્લેટ્સ હોય છે, જે સતત ફરતી રહેતી હોય છે. જ્યાં આ પ્લેટ અથડાઈ છે તેને ઝોન ફોલ્ટ લાઈન કહે છે. વારંવાર ટકરાવાને કારણે આ પ્લેટ્સના ખૂણા વળે છે અને દબાણને કારણે તૂટવા લાગે છે. નીચેની ઊર્જા બહાર આવવાનો રસ્તો શોધે છે જેને કારણે ભૂકંપ આવે છે.
