- ભાજપને જિલ્લા પંચાયતની ચૂંટણીમાં મળી મોટી સફળતા; તમામ બેઠકો ઉપર ફરકાવ્યો કેસરિયો
ગુજરાતમાં સ્થાનિક સ્વરાજની ચૂંટણીની સાથે-સાથે નવ જિલ્લા પંચાયતની ચૂંટણીઓ પણ યોજાઈ હતી. આ ચૂંટણીમાં ભાજપે પોતાની મોટી જીત નોંધાવી દીધી છે. જિલ્લા પંચાયતની ચૂંટણીમાં તમામે તમામ નવ બેઠકો પર ભાજપના ઉમેદવારોએ સારા માર્જિન સાથે જીત નોંધાવતા પાર્ટીમાં જશ્નનો માહોલ જોવા મળી રહ્યો છે.
જૂનાગઢ મહાનગરપાલિકા, 68 નગરપાલિકા અને 3 તાલુકા પંચાયત અને જિલ્લા પંચાયતની 9 બેઠકો પર યોજાયેલી પેટાચૂંટણી માટે યોજાયેલા મતદાન બાદ આજે 18 ફેબ્રુઆરીએ મત ગણતરી હાથ ધરવામાં આવી છે. ત્યારે હવે ધીમે પરિણામો સામે આવી છે. ત્યારે રાજ્યમાં જિલ્લા પંચાયતની 9 બેઠકો પર યોજાયેલી પેટા ચૂંટણીમાં તમામ બેઠકો પર ભાજપનો કેસરીયો લહેરાયો છે.
ગુજરાત સ્થાનિક સ્વરાજની ચૂંટણી સાથે 9 જિલ્લા પંચાયતની પેટા ચૂંટણી પણ યોજવામાં આવી હતી. જેમાં તમામે તમામ નવ બેઠકો પર ભાજપની જીત થઈ છે. ભાજપે ગાંધીનગર (હાલીસા), ભરૂચ (આછોદ), દાહોદ (પિપેરો), ડાંગ (કડમાળ), અમદાવાદ (અસલાલી), અમદાવાદ (કોઠ), બોટાદ (પાળીયાદ) બેઠકો પર વિજય હાંસલ કરી છે.
આ પણ વાંચો-આમ આદમી પાર્ટીએ 35 સીટો પર જીત મેળવીને રાજકીય ભવિષ્ય કર્યું સુનિશ્ચિત
તાલુકા પંચાયતો અને જિલ્લા પંચાયતોની પેટા ચૂંટણી માટે 16 ફેબ્રુઆરીએ પ્રક્રિયા હાથ ધરાઇ હતી. જેમાં જિલ્લા પંચાયતની 9 બેઠકોની પેટા ચૂંટણી માટે 43.67 ટકા નોંધાયું હતું. જ્યારે જેમાં જૂનાગઢ મહાનગરપાલિકા, 68 નગરપાલિકા અને 3 તાલુકા પંચાયતની ચૂંટણી માટે સરેરાશ 57 ટકા મતદાન થયું હતું. જોકે સૌથી વધુ મતદાન ચોરવાડ પાલિકામાં રેકોર્ડબ્રેક 76% નોંધાયું હતું.
