IRGC: ઈરાનના ઈસ્લામિક રિવોલ્યુશનરી ગાર્ડ કોર્પ્સ (IRGC) એ સંપૂર્ણપણે કબજો કરી લીધો છે, કમાન્ડર મેજર જનરલ અહમદ વાહિદી હવે ઈરાનના સૌથી શક્તિશાળી નેતા તરીકે ઉભરી રહ્યા છે મધ્ય પૂર્વના સંઘર્ષ પછી ઈરાનમાં સત્તામાં આ એક મોટો ફેરફાર હોય તેવું લાગે છે. અહમદ વાહિદી ઈરાનના ઘણા નિર્ણયો લઈ રહ્યા છે અને કહેવાતા સુપ્રીમ લીડર મોજતબા ખામેની અંગે સસ્પેન્સ રહ્યું છે.
■ મેજર વાહિદી ઈરાનમાં સત્તા ધરાવે છે
ન્યૂ યોર્ક પોસ્ટ અને અમેરિકન થિંક ટેન્ક ઇન્સ્ટિટ્યૂટ ફોર ધ સ્ટડી ઓફ વોરના અહેવાલમાં દાવો કરવામાં આવ્યો છે કે જનરલ વાહિદી હવે માત્ર IRGC જ નહીં પરંતુ ઈરાનના નિર્ણયો પણ તેઓજ લે છે ઈરાનમાં સત્તા પરિવર્તનની અસર હોર્મુઝ સ્ટ્રેટ અંગેના નિર્ણયમાં જોવા મળી રહી છે. ઈરાનના વિદેશ પ્રધાન અબ્બાસ અરાઘચીએ હોર્મુઝ સ્ટ્રેટને સંપૂર્ણપણે ખોલવા માટે સંમતિ આપી હતી, પરંતુ મેજર વાહિદીએ અરાઘચીના નિર્ણયને ફગાવી દઈ હોર્મુઝ સ્ટ્રેટને બંધ જ રાખ્યો.
અહમદ વાહિદીના આદેશ પર, હોર્મુઝ સ્ટ્રેટને સંપૂર્ણપણે અવરોધિત કરવામાં આવ્યો છે. ઈરાને છેલ્લા 48 કલાકમાં જળમાર્ગ પસાર કરતા ત્રણ જહાજોને નિશાન બનાવ્યા છે, જેનાથી ફરી એકવાર તણાવ વધ્યો છે IRGC કમાન્ડરના નિર્ણયને કારણે હોર્મુઝ સ્ટ્રેટમાં સેંકડો જહાજો ફસાયેલા છે. મેરીટાઇમ ટ્રેકિંગ ડેટાના અહેવાલો અનુસાર, શિપિંગ સંપૂર્ણપણે ઠપ્પ થઈ ગયું છે.
■શું પાકિસ્તાનમાં શાંતિ મંત્રણા ફરી શરૂ થશે?
અમેરિકા અને ઈરાન વચ્ચેનો બે અઠવાડિયાનો યુદ્ધવિરામ આજે મંગળવાર, 21 એપ્રિલના રોજ સમાપ્ત થઈ રહ્યો છે. દરમિયાન, પાકિસ્તાનની રાજધાની ઈસ્લામાબાદમાં ફરી એકવાર અમેરિકા અને ઈરાન વચ્ચે શાંતિ મંત્રણા યોજાવાની વાતો ચાલી રહી છે પણ હજુ તે સ્પષ્ટ નથી.
કારણકે ઈરાનમાં નેતૃત્વ મુદ્દે સસ્પેન્સ યથાવત રહ્યું છે.
અમેરિકાના રાષ્ટ્રપતિ ડોનાલ્ડ ટ્રમ્પે ન્યૂ યોર્ક પોસ્ટને જણાવ્યું હતું કે ઈરાન સાથે ફરી એકવાર પાકિસ્તાનમાં વાટાઘાટો થઈ શકે છે, પરંતુ હાલ ઈરાનમાં જેની પાસે નેતૃત્વ હોવાનું માનવામાં આવી રહ્યુ છે તે IRGC હજુ સુધી ફરીથી બેઠક માટે સંમત થયું નથી.
ઈરાની મીડિયામાં એવી પણ ચર્ચા છે કે ઈરાને અમેરિકા સાથે નવેસરથી વાટાઘાટોના પ્રસ્તાવને નકારી કાઢ્યો છે, કારણ કે ઈરાનમાં સત્તા પરિવર્તનથી હવે IRGCનું નેતૃત્વ સોંપાઈ ગયું છે પરિણામે ફરી જંગ શરૂ થવાના અણસાર મળી રહયા છે સર્વનાશ નોતરશે અને “બે અખલાની લડાઈમાં ઝાડનો ખો નીકળે” તેમ વિશ્વના અન્ય દેશો કે જેઓને કઈ લેવાદેવા જ નથી તે સમગ્ર વિશ્વમાં આર્થિક સંકટ સર્જાવાનું નક્કી છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
