Ahmedabad: અમદાવાદના માણેકચોક વિસ્તારમાં એક મકાન ધારાશાયી થયું છે. જેમાં એક મહિલા સહિત બે લોકો ઈજાગ્રસ્ત થતાં હોસ્પિટલમાં ખસેડાયા છે. ઘાંચીની પોળમાં આવેલુ આ મકાન વર્ષોપુરાણું અને જર્જરિત હતુ.
આ ઘટનાની જાણ થતા ફાયર વિભાગની ટીમ, એએમસીની ટીમ અને પોલીસની ટીમ ઘટના સ્થળે પહોંચી ગઈ હતી. આ મકાનના કાટમાળ નીચે દબાયેલી એક મહિલાનું રેસ્ક્યૂ કરવામાં આવ્યું છે. કુલ બે લોકોને ઈજાઓ થઈ છે. તેઓ ઈજાગ્રસ્ત થતા સારવાર માટે હોસ્પિટલમાં ખસેડાયા છે. હાલ ત્યાં અન્ય કોઈ દટાયું તો નથી તે અંગેની તપાસ કરવામાં આવી રહી છે.
ઘાંચીની પોળમાં મકાન ધરાશાયી દુર્ઘટના થવા પાછળના કારણો હજુ સુધી સામે આવ્યા નથી. ફાયરની ટીમ ઘટના સ્થળ પર પહોંચી ગઈ હતી અને કામગીરી શરુ કરી હતી. માણેક ચોક એક ગીચ વસ્તીવાળો વિસ્તાર છે. મકાન ધરાશાયી થવાની દુર્ઘટના બનતા આસપાસના સ્થાનિકોમાં ફફડાટ જોવા મળ્યો હતો.
આ પણ વાંચોઃ Ahmedabad: માણેકચોકમાં 3 માળનું મકાન જમીનદોસ્ત, બેને ઈજાઓ
આ પણ વાંચોઃ Surendranagar: કોલસાની 8 ખાણ ઝડપાઈ, કોલસા ખનની રાજકીય ખેંચતાણ!
આ પણ વાંચોઃ Gujarat: સરકાર વચન આપી પાણીમાં બેસી ગઈ, ફરી ખેલ શિક્ષકોનું આંદોલન (VIDEO)
આ પણ વાંચોઃ Illegal tolls: દ્વારકાથી ભાવનગર સુધી ગેરકાયદેસર બે ટોલટેક્સ: હાઈકોર્ટમાં PIL, જુઓ VIDEO
