Ahmedabad Plane Crash: CJI ને સુઓ મોટો સંજ્ઞાન લેવાની માંગ, દરેક પરિવારને 50 લાખની સહાય ચૂકવવા માંગ

Ahmedabad Plane Crash: અમદાવાદ એર ઇન્ડિયા ક્રેશ અંગે સુપ્રીમ કોર્ટમાં એક પત્ર અરજી દાખલ કરવામાં આવી છે. આ અરજીમાં સીજેઆઈને સુઓ મોટો સંજ્ઞાન લેવા માટે કહેવામાં આવ્યું છે. આ અરજી બે ડોક્ટરો દ્વારા મોકલવામાં આવી છે. આ સાથે એર ઇન્ડિયા વિમાન ક્રેશના પીડિતોને વળતર આપવા માટે કેન્દ્ર સરકારને નિર્દેશ આપવાની માંગ કરવામાં આવી છે. ડૉ. સૌરવ કુમાર અને ડૉ. ધ્રુવ ચૌહાણે વકીલ સત્યમ સિંહ રાજપૂત દ્વારા પત્ર અરજી આપી છે.

અમદાવાદમાં થયેલા વિમાન દુર્ઘટના અંગે ચીફ જસ્ટિસને પત્ર લખીને અરજી મોકલવામાં આવી છે. સૌરવ કુમાર અને ધ્રુવ ચૌહાણ નામના બે ડોક્ટરોએ ચીફ જસ્ટિસને પત્ર લખીને માંગ કરી છે કે સુપ્રીમ કોર્ટ આ વિમાન દુર્ઘટનાનું સ્વતઃ સંજ્ઞાન લે.

કોર્ટે કેન્દ્ર સરકારને દુર્ઘટનામાં ભોગ બનેલા પરિવારજનોના દરેક લોકોને (ફ્લાઇટમાં મુસાફરો તેમજ બીજેએમસી મેડિકલ કોલેજના રેસિડેન્ટ ડૉક્ટર) ને 50 લાખ રૂપિયાનું વચગાળાનું વળતર ચૂકવવાનો નિર્દેશ આપવો જોઈએ.

કોર્ટે કેન્દ્રને આ દુર્ઘટના અંગે ઉચ્ચ સ્તરીય સમિતિ બનાવવાનો નિર્દેશ આપવો જોઈએ. આ સમિતિમાં SC/HCના નિવૃત્ત ન્યાયાધીશો, ઉડ્ડયન નિષ્ણાતો અને વીમા અને નાણાકીય બાબતોના નિષ્ણાતોનો સમાવેશ થવો જોઈએ. જેથી વળતરની રકમ યોગ્ય રીતે નક્કી કરી શકાય. કોર્ટે સંબંધિત સત્તાવાળાઓને અકસ્માતના કારણની વિગતવાર તપાસ કરવા અને યોગ્ય પગલાં લેવાનો નિર્દેશ આપવો જોઈએ જેથી આવા અકસ્માતો ફરી ન બને.

પ્લેનમાં સવાર માત્ર એકનો જીવ બચ્યો

અમદવાદમાં 12 જૂને બનેલી પ્લેન ક્રેશ દુર્ઘટનામાં મૃત્યઆંક 300 સુધી પહોંચવા આવ્યો છે. આ એર ઈન્ડિયાનું વિમાન મેઘાણીનગરમાં આવેલી ઈન્ટર્ન ડોક્ટરની હોસ્ટેલ પર પડ્યું હતુ. જેથી તેમાં રહેલા ભાવિ ડોક્ટરોના પણ મોત થયા છે. કહેવાય છે કે 50થી વધુ ઈન્ટર્ન ડોક્ટરના મોત થયા છે. જ્યારે પ્લેનમાં સવાર 242માંથી માત્ર એક વ્યક્તિ જીવત બચી છે.