MP: ભોપાલમાં 90 ડિગ્રીના વળાંકવાળો બ્રિજ બની ગયો, કોઈનું ધ્યાન ન ગયુ!, હવે તોડવો પડશે!

MP News: મધ્યપ્રદેશની રાજધાની ભોપાલમાં એક નવો રેલ્વે ઓવરબ્રિજ બનાવવામાં આવ્યો છે . આ પુલ ઐશબાગમાં બનાવવામાં આવ્યો છે. પુલ બનાવવાનો હેતુ ટ્રાફિક જામમાંથી મુક્તિ મેળવવાનો હતો. પરંતુ હવે આ પુલની ડિઝાઇન સમસ્યારૂપ બની ગઈ છે. 18 કરોડ રૂપિયાના ખર્ચે આ પુલ 8 વર્ષમાં પૂર્ણ થયો છે. આ પુલ પર 90 ડિગ્રીનો ખતરનાક વળાંક છે. લોકોનું કહેવું છે કે આ વળાંક અકસ્માતનું કારણ બની શકે છે. જેથી હવે આને તોડવો પડી શકે છે. જેથી પ્રજાના નાણાંનું પાણી થવાનું છે. 8 વર્ષ સુધી નિર્માણકાર્ય ચાલુ રહ્યુ તેમ છતાં કોઈ અધિકારીએ કે નેતાએ ધ્યાન ન આપ્યુ. જે એન્જિનિયર કોન્ટ્રાક્ટ લીધો હશે તેની પણ મતી મારી ગઈ હશે!

18 કરોડ ખર્યા

ભોપાલનો ઐશબાગ રેલવે બ્રિજ તેની ડિઝાઇનને કારણે વિવાદમાં છે. આ પુલ 90 ડિગ્રીનો તીવ્ર વળાંક ધરાવે છે. લોકો આ ડિઝાઇન પર પ્રશ્નો ઉઠાવી રહ્યા છે. તેમનું કહેવું છે કે આ પુલ અકસ્માતોનું કારણ બની શકે છે . આ પુલ બનાવવામાં 18 કરોડ રૂપિયા ખર્ચવામાં આવ્યા છે અને તેમાં 8 વર્ષનો લાંબો સમય લાગ્યો છે.

લોકો રોષે ભરાયા

સોશિયલ મીડિયા પર લોકો આ પુલની ડિઝાઇનની ટીકા કરી રહ્યા છે. X પર એક યુઝરે લખ્યું કે આ ભોપાલનો ઐશબાગ રેલ ઓવર બ્રિજ છે, જે PWD દ્વારા 10 વર્ષમાં બનાવવામાં આવ્યો છે, જાણે કે તે એક એન્જિનિયરિંગ ચમત્કાર હોય.

બીજા યુઝરે લખ્યું કે જ્યારે સત્તાની લગામ ભ્રષ્ટ સરકારોના હાથમાં હોય છે, ત્યારે યોજનાઓ અસમર્થ અને પુસ્તકિયા આયોજકો દ્વારા બનાવવામાં આવે છે અને એન્જિનિયરો ડિગ્રીથી નહીં પણ દાનથી બનાવવામાં આવે છે, ત્યારે અકસ્માતો થાય છે, પુલથી નહીં.

90 ડિગ્રી વળાંકને કારણે અકસ્માતો થશે

લોકો કહે છે કે આ પુલ ફક્ત ટ્રાફિક જામનું નવું કેન્દ્ર બનશે જ નહીં, પરંતુ આ 90 ડિગ્રી વળાંક એક મોટા અકસ્માતને આમંત્રણ આપશે. જે લોકો દરરોજ આ પુલ પરથી પસાર થશે તેમને ફક્ત શુભકામનાઓ આપી શકાય છે, કારણ કે જેમણે આ યોજના બનાવી છે તેમણે ફક્ત ઔપચારિકતાઓ પૂર્ણ કરી છે, જવાબદારી નહીં.

પુલની લંબાઈ 648 મીટર

આ પુલની લંબાઈ 648 મીટર છે. આ પુલ ગીચ વસ્તીવાળા વિસ્તારમાં બનેલો છે જ્યાં ખૂબ ટ્રાફિક રહે છે. ઓછી જગ્યાને કારણે આ પુલને આ રીતે ડિઝાઇન કરવામાં આવ્યો છે. પરંતુ, આ પુલ તેના ઉદ્ઘાટન પહેલા જ વિવાદમાં આવી ગયો છે.

PWD મંત્રી રાકેશ સિંહે શું કહ્યું?

પુલની ડિઝાઇન પર પ્રશ્નો ઉભા થયા બાદ પીડબ્લ્યુડી( Public works departmen) મંત્રી રાકેશ સિંહે મીડિયાને જણાવ્યું હતું કે પુલ બન્યા પછી, અચાનક કેટલાક નિષ્ણાતો આવીને આવી વાતો કરે છે, જ્યારે કોઈપણ પુલ બનાવતી વખતે, ઘણા ટેકનિકલ પાસાઓ ધ્યાનમાં લેવામાં આવે છે. જો આ આરોપ છે, તો તેની તપાસ કરવામાં આવશે.