Ahmedabad: ચોમાસું શરુ થતાં જ લોકોની સમસ્યાઓ બહાર આવવા લાગે છે. કોઈ જગ્યાએ રસ્તાની, કયાંક પાણી નિકાલની, તો કયાંક પુલની આ બધી સમસ્યાઓ વધતીને વધતી જાય છે. પણ તંત્રની આંખો ઉઘડતી નથી, અને લોકો અકસ્માત તેમજ બિમારીનો ભોગ બનતાં હોય છે. આવી જ એક ઘટના અમદાવાદથી સામે આવી છે.
પ્રાથમિક સુવિધાના અભાવે સ્થાનિકોનો રોષ
અમદાવાદના સરસપુર વિસ્તારમાં પ્રાથમિક સુવિધાના અભાવે સ્થાનિકોનો રોષ ફાટી નીકળ્યો. અરવિંદ મિલ પાસે વારંવાર ઉભરાતી ગટરો અને ગંદકીથી કંટાળીને સ્થાનિકોએ રોડ પર આવીને વિરોધ પ્રદર્શન કર્યું. લોકોએ બંને તરફનો રસ્તો બ્લોક કરી દેતા વાહનવ્યવહાર ખોરવાયો હતો અને ટ્રાફિક જામના દ્રશ્યો સર્જાયા.
અનેકવાર રજૂઆતો પછી પણ નિરાકરણ ન આવ્યું
સ્થાનિકોનું કહેવું છે કે સરસપુરમાં ગટર ઉભરાવાનો પ્રશ્ન ઘણા સમયથી છે, આ માટે અમદાવાદ મ્યુનિસિપલ કોર્પોરેશન (AMC) અને સ્થાનિક કોર્પોરેટરોને અનેકવાર રજૂઆતો કરવામાં આવી, છતાં સમસ્યાનું કોઈ જ નિરાકરણ આવ્યું નથી, આખરે લોકોએ કંટાળીને રોડ પર ઉતરીને વિરોધ પ્રદર્શન નક્કી કર્યું, કેમકે અવાર-નવાર ગટરો ઉભરાવાથી ગંદકી અને મચ્છરનો ઉપદ્રવ વધતાં રોગચાળો ફાટી નીકળવાનો ડર હોય છે.
સ્થાનિકોએ રસ્તો બ્લોક કરી દીધો
આ સમસ્યાનો યોગ્ય ઉકેલ લાવવા માટે સ્થાનિકોએ વિરોધ કરવાનું ચાલું કરી દીધું જેથી તેમની વિનંતી સ્વીકારવામાં આવે અને પાણીનો યોગ્ય નિકાલ કરવામાં આવે. સ્થાનિકોએ રસ્તાની વચ્ચે ઉભા રહીને ટ્રાફિક બ્લોક કરી દીધો હતો. જેના કારણે આસપાસના રસ્તાઓ પર વાહનોની લાંબી કતારો લાગી ગઈ હતી અને વાહનચાલકો ભારે મુશ્કેલીમાં મુકાયા.
લોકોને સમજાવવાનો પ્રયાસ કર્યો
આ ઘટનાની જાણકારી મળતાં AMCના અધિકારીઓ અને પોલીસનો કાફલો તાત્કાલિક ઘટનાસ્થળે દોડી આવ્યો હતો. અધિકારીઓએ વિરોધ કરી રહેલા લોકોને સમજાવવાનો પ્રયાસ કર્યો, તેમને ખાતરી આપી કે યોગ્ય પગલાં લેવામાં આવશે ત્યાર બાદ મામલો શાંત પડ્યો હતો.
અહેવાલ: સુમન ડાભી
આ પણ વાંચો:
Jharkhand: ચોરીની શંકામાં મહિલા સાથે દુરવ્યવહાર, સેન્ડલની માળા પહેરાવી ગામમાં ફેરવી
Uttarakhand: હાઈકોર્ટ જતા અધિકારીઓની કાર પર પડ્યો મોટો પથ્થર, માત્ર 1 સેકન્ડ જીવ લઈ લેત
Japanese Protest: ‘જાપાનમાંથી ગેરકાયદેસર રહેતાં લોકોને બહાર કાઢો!’, મસ્કે આપ્યો ટેકો
