Air India Technical Issue: એર ઇન્ડિયાના વિમાનમાં ફરી એક વખત ટેકનિકલ ખામી જોવા મળી છે. કેરળના કોચીથી દિલ્હી જતી એર ઇન્ડિયાની ફ્લાઇટ AI 504 માં રવિવારે મોડી રાત્રે ટેકનિકલ ખામી સર્જાઈ હતી. વિમાન કોચીથી દિલ્હી જવાનું હતું, પરંતુ ટેકઓફ કરતા થોડા સમય પહેલા જ પાઇલટે સમસ્યા જોયા બાદ પાયલોટે તાત્કાલિક ATCનો સંપર્ક કર્યો અને ટેકઓફ રદ કર્યો.
એર ઇન્ડિયાએ બહાર પાડ્યું નિવેદન
એર ઇન્ડિયાએ તેના નિવેદનમાં જણાવ્યું હતું કે ફ્લાઇટ નંબર AI 504 માં ટેકઓફ દરમિયાન ટેકનિકલ ખામી જોવા મળી હતી. કોકપીટ ક્રૂએ પ્રોટોકોલનું પાલન કરીને ટેકઓફ ન કરવાનો નિર્ણય લીધો અને જાળવણી તપાસ માટે વિમાનને પાછું લાવ્યું. એરલાઇનના પ્રવક્તાના જણાવ્યા અનુસાર, સમસ્યાના ઉકેલની પ્રક્રિયા શરૂ કરવામાં આવી છે અને મુસાફરો માટે વૈકલ્પિક ફ્લાઇટની વ્યવસ્થા કરવામાં આવી છે. આ સંદર્ભમાં કોચી એરપોર્ટને પણ જાણ કરવામાં આવી હતી.
સાંસદે કહ્યું- એવું લાગી રહ્યું હતું કે વિમાન રનવે પર લપસી ગયું
આ ફ્લાઇટમાં એર્નાકુલમના કોંગ્રેસના લોકસભા સાંસદ હિબી એડન પણ સવાર હતા. કોંગ્રેસના સાંસદે દાવો કર્યો હતો કે તેમને એવું લાગ્યું કે વિમાન રનવે પર લપસી ગયું છે. આ પછી, બીજી ફ્લાઇટ કોચીથી દિલ્હી માટે સવારે 2:30 વાગ્યે ઉડાન ભરી. એડને X પરની એક પોસ્ટમાં કહ્યું, “ફ્લાઇટ AI 504 માં કંઈક અસામાન્ય હતું. એવું લાગ્યું કે વિમાન રનવે પર લપસી ગયું છે.”
રાજ્યસભા સાંસદ જેબી માથર પણ આ વિમાનમાં હતા. તેમણે જણાવ્યું કે પાયલોટે પાછળથી જાહેર કર્યું કે વિમાન મુસાફરી માટે યોગ્ય નથી. માથરએ કહ્યું કે પાયલોટે જાહેર કર્યું કે આ વિમાનનો ઉપયોગ મુસાફરી માટે થઈ શકશે નહીં. તેથી, મુસાફરોને બીજા વિમાનમાં ખસેડવામાં આવશે.
એર ઇન્ડિયાની મિલાન-દિલ્હી ફ્લાઇટ પણ રદ કરવામાં આવી
શનિવારે, એર ઇન્ડિયાની મિલાન-દિલ્હી ફ્લાઇટ પુશબેક દરમિયાન ટેકનિકલ ખામીને કારણે રદ કરવામાં આવી હતી. એરલાઇને રવિવારે જણાવ્યું હતું કે ટેકઓફની તૈયારી દરમિયાન જાળવણીમાં ખામી જોવા મળી હતી. બાદમાં, ફ્લાઇટ ક્રૂ સભ્યોનો ડ્યુટી સમય પણ પૂરો થઈ ગયો હતો, જેના કારણે ટેકઓફ અસુરક્ષિત અને નિયમોની વિરુદ્ધ હતું. એર ઇન્ડિયાએ ફ્લાઇટ રદ કરવા બદલ મુસાફરોની માફી પણ માંગી હતી.
આ પણ વાંચો
UP: ભદ્રોહી જિલ્લામાં દર્દનાક ઘટના, ઝડપના દાનવે લીધો માસૂમનો જીવ, માતા ગંભીર
Delhi: દ્વારકા DPS સહિત 3 શાળાઓને બોમ્બથી ઉડાવવાની ધમકી, બાળકોને રજા આપી દેવાઈ
