Amreli: બાબરા પોલીસ સ્ટેશનનો કર્મચારી ઝડપાયો, સગીરાને ધમકી આપી કરતો હતો શોષણ

Amreli: અમરેલી જિલ્લાના બાબરા પોલીસ સ્ટેશનમાં ફરજ બજાવતા દુષ્કર્મી પોલીસકર્મી આખરે ઝડપાઈ ગયો છે. ફરિયાદ બાદ ફરિયાદ નોંધાયા બાદ મહિલા પી.એસ.આઈ. જે.આર.સરવૈયાની ટીમ દ્વારા નાસતા ફરતા પોલીસકર્મી રવિરાજસિંહ ચૌહાણની ધરપકડ કરવામાં આવી છે.

શું છે સમગ્ર ઘટના

બાબરાના પોલીસ કર્મી રવિરાજસિંહ ચૌહાણે એક 14 વર્ષની સગીર વયની દીકરી સાથે શારીરિક અડપલા કરીને એકવાર દુષ્કર્મ ગુજાર્યું હોવાની ઘટના સામે આવી હતી. 4 માસથી શરીરે અડપલા કરીને શારીરિક સંબંધો બાંધતો પોલીસ કર્મી રવિરાજસિંહ ચૌહાણ નામના પોલીસ કર્મી સામે અમરેલી મહિલા પોલીસમાં અપહરણ, પોસ્કો અને દુષ્કર્મ કલમ તળે ગુન્હો નોંધવામા આવ્યો છે. આ પોલીસકર્મી સગીરાની માતાને હેરાન કરીશ તેવી ધમકી આપીને સ્નેપચેટમાં વાતો કરી અપહરણ કરી દુષ્કર્મ ગુજારતો હતો ત્યારે ફરિયાદ નોંધાતા નરાધમ પોલીસ કર્મી રવિરાજસિંહ ચૌહાણ ફરાર થઈ ગયો હતો ત્યારે સગીરાના પિતાની ફરિયાદના આધારે ખાખીને કલંકિત કરતા પોલીસ કર્મીને ઝડપી પાડવા કવાયત શરૂ કરવામાં આવી હતી જેમાં પોલીસને સફળતા મળી છે.

અમરેલી હેડ કવાટરમાં ફરજ બજાવતા પોલીસ કર્મી સામે દુષ્કર્મની ફરિયાદ

અમરેલી હેડ કવાટરમાં ફરજ બજાવતા પોલીસ કર્મી મહેશ કમાભાઈ સોલંકી સામે પણ દુષ્કર્મની ફરિયાદ નોંધવામાં આવી છે આ આરોપીએ સાવરકુંડલાના સીમરણની 30 વર્ષીય યુવતીને સોશિયલ મીડિયાના માધ્યમથી સંપર્ક કરેલો હતો. ત્યારે પીડિતા મહિલાને લગ્નની લાલચ આપી અવારનવાર શારીરિક સંબંધો બાંધતા પોલીસ કર્મી મહેશ કમાભાઈ સોલંકી સામે અમરેલી સીટી પોલીસમાં ગુન્હો નોંધવામાં આવ્યો છે. તે હાલ ફરાર છે હજુ સુધી પોલીસને આ આરોપીની કોઈ ખબર મળી નથી.