Amreli: બગસરા તાલુકાના મોટા મુંજીયાસર ગામની પ્રાથમિક શાળાના 40થી વધુ વિદ્યાર્થીઓએ પોતાના હાથ-પગની નશો કાપવાના પ્રયત્નો કર્યાના અહેવાલ છે. આ ઘટના સામે આવ્યા બાદ વાલીઓ અને લોકોમાં ખળભળાટ મચી ગયો છે. વિદ્યાર્થીઓની સુરક્ષા પર સવાલ ઉઠ્યા છે. સાથે સાથે શાળા તંત્ર પણ ભીંસમાં આવ્યુ છે. આ ઘટના બની ત્યારે શિક્ષકો ક્યા હતા તે પણ સવાલ છે. હાલ તો બાળકોએ કરેલી હરકત મામલે સ્થાનિક પોલીસને જાણ કરી કાર્યવાહી કરવા માગ કરવામાં આવી છે.
મળતી વિગતો મુજબ બગસરા તાલુકાની મોટા મુંજીયાસર ગામની પ્રાથમિક શાળામાં 4 દિવસ પૂર્વે શાળાના 40 થી વધુ વિદ્યાર્થીઓએ પોતાના હાથ તથા પગના ભાગમાં ધારદાર બ્લેડ મારી ઈજાઓ પહોંચાડી હતી. આ તમામ વિદ્યાર્થીઓ ધો. 5, 6 અને 7 માં છે. વિદ્યાર્થીઓને પૂછતાં જણાવ્યું હતુ અમને શિક્ષકોએ કહેવાની ના પાડી છે. લોકો વીડિયો ગેમની લતની આશંકા વ્યક્ત કરી રહ્યા છે. જો કે તપાસનો વિષય છે કે બાળકોએ વીડિયો ગેમ જોઈ આ પગલું ભર્યું છે કે બીજું કંઈ છે? કારણ કે વિદ્યાર્થીઓએ વાગેલા ઘાથી એકપણ વિદ્યાર્થીઓને લોહીં નીકળ્યું નથી. આ ઘટના પાછળ સ્થાનિક રાજકારણ તો નથી રમાઈ રહ્યું ને? તેવા સવાલો ઉભા થાય છે.
આ ઘટના અંગે આચાર્યએ પણ આ ઘટનાનો અધ્ધતાલ જવાબ આપ્યો હતો. તેમણે કહ્યું કે અમારી જવાબદારી નથી. તપાસ કરાવીશ. જો કે આટલી મોટી સંખ્યામાં બાળકો પોતાની જાતને ઈજાઓ પહોંચીડી રહ્યા હતા ત્યારે શિક્ષકો શું કરી રહ્યા હતા? તેને સવાલો ઉભા થયા છે. હાલ બગસરા પીઆઈ દ્વારા સીસીટીવી અને શિક્ષકો અને બાળકોની પૂછપરછ કરી ઘટનાની વધુ તપાસ હાથ ધરી છે.
શિક્ષણ અધિકારીએ શું કહ્યું?
જીલ્લા પ્રાથમિક શિક્ષણાધિકારી કિશોર મીયાણી કહ્યું કે આ ઘટનામાં 8થી 10 બાળકો સામેલ છે. ઘટના કયા સંજોગોમાં બની, બાળકોને આવી પ્રેરણા ક્યા થી મળી તે તપાસનો વિષય છે.
જો કોઈ કસુરવાર જણાશે તો પગલા લેવાશે.
આ પણ વાંચોઃ બેંકમાં થયેલા ભ્રષ્ટાચાર સામે અવાજ ઉઠાવતાં પત્રકારની ધરપકડ | Assam journalist arrest
આ પણ વાંચોઃ સરકાર પર દબાણ આવ્યા બાદ કલાકારોનું સન્માન! આને સન્માન કે અપમાન કહેવાય? | Honoring Gujarati artists
