Andhra Pradesh: 8 મહિનાની ગર્ભવતી મહિલા, જે થોડા દિવસોમાં ખુશીયો લાવવાની હતી. જો કે ખુશીયો આવે તે પહેલા જ તેની હત્યા કરી નાખી છે. ગર્ભવતી પત્નીના પતિએ જ તેનું ગળું દબાવીને હત્યા કરી નાખતાં ખળાટ મચી ગયો છે. આંધ્રપ્રદેશના વિશાખાપટ્ટનમ જિલ્લામાંથી આ હૃદયદ્રાવક ઘટના બની છે.
પ્રાપ્ત માહિતી અનુસાર ગત સોમવારે સવારે પતિ-પત્ની વચ્ચે કોઈ વાતને લઈને ઝઘડો થયો હતો. આ ઝઘડા પછી ગુસ્સે ભરાયેલા પતિએ તેની આઠ મહિનાની ગર્ભવતી પત્નીનું ગળું દબાવીને હત્યા કરી દીધી હતી. પોલીસે હત્યારા પતિની ધરપકડ કરી લીધી હતી.
પોલીસે જણાવ્યું હતું કે 27 વર્ષીય અનુષા અને જ્ઞાનેશ્વર વચ્ચે ઝઘડો થયો હતો, જે દરમિયાન પતિએ તેની પત્નીનું ગળું દબાવી દીધું હતું, જેના કારણે તે બેભાન થઈ ગઈ હતી. આ પછી તે તેની પત્નીને હોસ્પિટલ લઈ ગયો, પરંતુ તેને મૃત જાહેર કરવામાં આવી હતી. હત્યાને અંજામ આપ્યા બાદ તે પોલીસ સમક્ષ હાજર થઈ ગયો હતો.
ત્રણ વર્ષ પહેલા થયા હતા લવ મેરેજ
આ ઘટના વિશાખાપટ્ટનમના પીએમ પાલમ સ્થિત ઉડા કોલોનીમાં બની હતી. એવું કહેવામાં આવ્યું હતું કે જ્ઞાનેશ્વર શહેરમાં સ્કાઉટ્સ અને સાગરનગર વ્યૂપોઇન્ટ પાસે ફાસ્ટ ફૂડ સેન્ટર ચલાવે છે. જ્ઞાનેશ્વરે ત્રણ વર્ષ પહેલા અનુષા સાથે પ્રેમ લગ્ન કર્યા હતા. જોકે પ્રેમલગ્ન કરનારા આ દંપતી વચ્ચે અનેક મુદ્દાઓ પર મતભેદો હોવાનું કહેવાય છે.
જ્ઞાનેશ્વર અને અનુષાની જે તસવીરો સામે આવી છે તેમાં બંને સાથે ખૂબ ખુશ દેખાઈ રહ્યા છે. ગર્ભવતી થયા પછી અનુષી ખૂબ જ ખુશ હતી. તેણીની ખુશી તેના બેબી બમ્પ દર્શાવતી તસવીરમાં સ્પષ્ટ દેખાય છે.
આ પણ વાંચોઃ
Ahmedabad: 45 લાખની ચોરીનો આરોપી ફરાર થઈ જતાં 2 પોલીસકર્મી સસ્પેન્ડ, હોસ્પિટલમાંથી ભાગ્યો!
શું ગુજરાત DRUGSનું હબ બનવા તરફ આગળ વધી રહ્યું છે?
Gujarat: ભાજપના ભ્રષ્ટાચાર સામે બોલી ન શકતી કોંગ્રેસ ચૂંટણી જીતી શકે?
Vadodara: ભાજપના કાર્યકરોએ જ પ્રમુખને ધોઈ નાખ્યા, પૂતળાને બદલે પ્રમુખ માર ખાઈ ગયા
