અલાહાબાદ હાઇકોર્ટના જજ જસ્ટિસ શેખર યાદવની વી.એચ.પી.ના એક કાર્યક્રમ દરમિયાન કરેલી ટિપ્પણીને ભાજપના નેતા અને કેન્દ્રીય મંત્રી ગિરિરાજ સિંહે યોગ્ય ઠેરવી છે.
જસ્ટિસ શેખર યાદવે વિશ્વ હિન્દુ પરિષદના કાર્યક્રમમાં યુનિફોર્મ સિવિલ કોડ એટલે કે યુ.સી.સી.ના મુદ્દે કહ્યું હતું કે હિંદુસ્તાનમાં રહેતા બહુમતીના અનુસાર જ દેશ ચાલશે.
જસ્ટિસ શેખર યાદવનું કહેવું હતું કે એકથી વધુ પત્ની રાખવા, ત્રણ તલાક અને હલાલા માટે કોઈ બહાનું નથી અને હવે આ પ્રથાઓ નહીં ચાલે.
આ કાર્યક્રમમાં આપેલા તેમના નિવેદન પર વિવાદ થયો અને હવે વિપક્ષી પક્ષો વર્તમાન સંસદ સત્ર દરમિયાન જસ્ટિસ શેખર યાદવ પર ચર્ચા માંગે છે. વિપક્ષી પક્ષોએ જસ્ટિસ શેખર યાદવ વિરુદ્ધ મહાભિયોગ લાવવાની નોટિસ પર પણ સહી કરી છે. આ સાથે જોડાયેલ પ્રશ્ન કેન્દ્રીય મંત્રી ગિરિરાજ સિંહને પણ પૂછવામાં આવ્યો.
તેના જવાબમાં તેમણે કહ્યું, “ન્યાયાધીશ શેખર યાદવજીએ જે નિવેદન આપ્યું છે તે 200 ટકા સાચું છે. તેમાં આ જોવા જેવી જરૂર છે કે તેઓ ક્યાં (નિવેદન) આપી રહ્યા હતા, કયા મંચ પર હતા. તેઓ વિશ્વ હિન્દુ પરિષદના મંચ પર હતા. તે એક યોગ્ય મંચ હતો. માનનીય ન્યાયાધીશ મહોદય શેખર યાદવજીએ કોર્ટમાં આવી વાત નથી કરી.”
આ મામલામાં સુપ્રીમ કોર્ટે પણ ધ્યાનમાં લેતા ઇલાહાબાદ હાઇકોર્ટથી માહિતી માંગી છે.
