• કોંગ્રેસે કહ્યું: ‘અમેરિકામાં હાથકડી પહેરાવીને અને અપમાનિત કરીને દેશનિકાલ કરવામાં આવ્યા’

અમેરિકામાં બિનદસ્તાવેજીકૃત ભારતીયોને લઈને એક અમેરિકન લશ્કરી વિમાન બુધવારે અમૃતસરના ગુરુ રવિદાસ આંતરરાષ્ટ્રીય વિમાનમથક પર ઉતર્યું. આ અંગે કોંગ્રેસના નેતા પવન ખેરાએ ભારત સરકાર પર કટાક્ષ કર્યો છે.

સોશિયલ મીડિયા પ્લેટફોર્મ X પર એક પોસ્ટમાં તેમણે લખ્યું, “એક ભારતીય તરીકે મને અમેરિકામાંથી ભારતીયોને હાથકડી પહેરાવીને અને અપમાનિત કરવામાં આવતા જોઈને દુઃખ થાય છે.”

ડિસેમ્બર 2013નો ઉલ્લેખ કરતા પવન ખેરાએ લખ્યું, “તે ઘટના યાદ છે જ્યારે અમેરિકામાં ભારતીય રાજદ્વારી દેવયાની ખોબરાગડેને હાથકડી લગાવીને કપડાં ઉતારીને તપાસ કરવામાં આવી હતી.”

આ પણ વાંચો- PM મોદીનો ડંકો ક્યાં ગયો? ટ્રમ્પે તેમના જ જિલ્લાના 11 લોકોને કર્યાં દેશનિકાલ

તેમણે કહ્યું કે તત્કાલીન વિદેશ સચિવ સુજાતા સિંહે યુએસ એમ્બેસેડર નેન્સી પોવેલ સમક્ષ આનો સખત વિરોધ નોંધાવ્યો હતો. યુપીએ સરકારે આ અંગે તીવ્ર પ્રતિક્રિયા આપી હતી.

તેમણે આગળ લખ્યું, “મીરા કુમાર, સુશીલ કુમાર શિંદે અને રાહુલ ગાંધી જેવા નેતાઓએ ભારતની મુલાકાતે આવેલા યુએસ કોંગ્રેસના પ્રતિનિધિમંડળને મળવાનો ઇનકાર કર્યો હતો.”

પવન ખેરાએ ભૂતપૂર્વ વડા પ્રધાન ડૉ. મનમોહન સિંહના નિવેદનનો પણ ઉલ્લેખ કર્યો જેમાં તેમણે અમેરિકાના આ પગલાંને ‘નિંદનીય’ ગણાવ્યું હતું.

ગયા અઠવાડિયે વડાપ્રધાન નરેન્દ્ર મોદી સાથે ટેલિફોનિક વાતચીત દરમિયાન, યુએસ રાષ્ટ્રપતિ ડોનાલ્ડ ટ્રમ્પ અને વિદેશ સચિવ માર્કો રુબિયોએ અમેરિકામાં રહેતા ગેરકાયદેસર ભારતીય ઇમિગ્રન્ટ્સ પર ચિંતા વ્યક્ત કરી હતી.

પત્રકારો સાથે વાત કરતા ડોનાલ્ડ ટ્રમ્પે કહ્યું, “અમને આશા છે કે ભારત દસ્તાવેજો વિના અમેરિકામાં રહેતા ભારતીયો અંગે જે પણ યોગ્ય પગલાં લેશે તે લેશે.

આ પણ વાંચો- અમેરિકાએ 33 ગુજરાતીઓ સહિત 205 ભારતીયોને કર્યા ડિપોર્ટ; સેનાનું વિમાન પહોંચ્યું ભારત