Abroad working terrifying reality: આજકાલ વિદેશમાં ઊંચા પગારની લાલચ આપી લૂંટવાનો ધંધો ચાલુ થઈ ગયો છે અને હવે કાંતો આવા એજન્ટ ત્યાંના ખંડણીખોર ઇસમોના હવાલે કરી દે છે અથવા સાયબર ફ્રોડ માફિયાઓને સોંપી પોતાનું કમિશન લઈ લેતા હોવાની ચોંકાવનારી વાતો સામે આવી રહી છે જે ફેમલી ત્યાંના ખંડણી ખોરોના હાથે ચડે છે તેઓ ભારતમાં આ કપલના પરિવારને ફોન કરી જો તેઓને જીવતા જોવા હોય તો લાખ્ખોની ડિમાન્ડ કરી ધમકાવે છે
પરિણામે લાખ્ખોનું દેવું કરી તેઓને માંડ છોડાવી શકાય છે બીજી તરફ નોકરીની લાલચમાં ગયેલા યુવક યુવતીઓને સાયબર માફિયાઓ દ્વારા શોષણ થાય છે આવા સમયે સૌને એલર્ટ રહેવા સૂચનાઓ આપવામાં આવી રહી છે તોપણ લોકો એજન્ટોની વાતોમાં આવી બરબાદ થઈ રહયા છે આવા સમયે વધુ એક ચોંકાવનારી હકીકત સામે આવી છે.
વડોદરાથી વિદેશમાં સારી નોકરીની શોધમાં મ્યાનમાર ગયેલા લગભગ 10 યુવક અને યુવતીઓ હવે ત્યાં ફસાઈ ગયા છે, વડોદરા જિલ્લાના સાવલી તાલુકાના સાંઢાસાલ ગામના આ યુવાનોને એક નકલી એજન્ટ દ્વારા ડેટા એન્ટ્રીની ઊંચા પગાર વાળી જોબનું વચન આપીને મ્યાનમાર લાવવામાં આવ્યા હતા જ્યાં તેઓને વચન મુજબ કામ મળ્યું ન હતું અને સાયબર ફ્રોડ કરવાનું કામ આપી શોષણ ચાલુ થયુ હતું અને સાયબર ફ્રોડ નેટવર્કનો હિસ્સો બનતા તેઓ ફફડી ઉઠ્યા હતા અને તક મળતા જ તેઓ આ માફિયાઓની ચુંગાલમાંથી જેતેમ બચીને એક સ્થાનિક NGO ની મદદથી કોઈક રીતે સેફ હાઉસમાં છુપાઈને આશરો મેળવી પોતાનો જીવ બચાવી શક્યા છે.
અહીં વડોદરાના 10 મળી અન્ય લગભગ 100થી વધુ ભારતીય યુવાનો ફસાયા હોવાની ચોંકાવનારી માહિતી સામે આવી છે.વડોદરાના સાવલી નજીક આવેલા સાંઢાસાલ ગામના ગુંજન શાહ સહિતના યુવકો મ્યાનમારમક ફસાયા છે,તેઓ અજાણતા સાયબર ક્રાઈમ રેકેટ છેતરપિંડીના નેટવર્કમાં ફસાઈ ગયાની જ્યારે જાણ થઈ ત્યારે તેઓ ગભરાઈ ગયા હતા અને તક મળતાં જ કંપનીમાંથી ભાગી છૂટ્યા હતા.આ યુવકોએ મ્યાનમારના માયા વાડી વિસ્તારમાં એક સ્થાનિક NGO દ્વારા ચાલતા સેફ હાઉસમાં રોકાયા છે તેઓએ એક વિડીયો બનાવી ભારત સરકાર સમક્ષ તેઓને બચાવી લેવા મદદ માંગી છે.
વાઇરલ વીડિયોમાં યુવકોએ જણાવ્યું છે કે તેમનું ઇમિગ્રેશન થઈ ગયું હોવા છતાં છેલ્લા 20 દિવસથી કોઈ સત્તાવાર મદદ મળી નથી. તેમની પાસે રહેલા પૈસા ખૂટી ગયા છે અને મોબાઈલ બેટરી કે બેલેન્સ બધું પૂરું થવા આવ્યું છે.ગુજરાતના અલગ-અલગ વિસ્તારોના 100થી વધુ યુવકો મ્યાનમારમાં ફસાયેલા હોવાનો દાવો આ યુવકોએ કરતા ભારે ખળભળાટ મચી ગયો છે.
આમ,વિદેશમાં જવાનું જો વિચારતા હોયતો દરેક માટે આ કિસ્સો લાલબત્તી સમાન છે,આજકાલ ફ્રોડ એજન્ટ યુવકોને કાંતો સાયબર ફ્રોડ માફિયાઓના હવાલે કરી દે છે અથવા તો ખંડણીખોર ઇસમોના હવાલે કરી દે છે અને ત્યાંથી જો છૂટવું હોય તો મોટી રકમ મંગવામાં આવે છે આમ,આ એક ધંધો બની ગયો છે માટે વિદેશનું નામ આવે ત્યારે આટલુ જરૂર વિચારજો કારણકે વિદેશ જવું એટલે વિનાશને આમંત્રણ આપવા બરાબર છે.
આ પણ વાંચો:
Bauxite mineral theft: ખેડાના અમૃતપુરા ગામે 62 હેક્ટર ગૌચરની જમીનમાંથી કોલસો ખોદાશે!
