●વિશ્લેષકોના મતે મહાભારત કાળના શકુનીઓ આજે પણ જીવે છે! ટ્રમ્પની હાલત દુર્યોધન જેવી કરનારા સલાહકારો દેશનું પણ ભલું નથી ઇચ્છતા!
Donald Trump: ભારત અને અમેરિકા વચ્ચે ટ્રેડ ડીલ મામલે જો કોઈ મુખ્ય વિલન હોયતો તે વ્હાઇટ હાઉસના વ્યાપાર સલાહકાર પીટર નવારો અને ઉપપ્રમુખ જેડી વેન્સ છે કે જેઓ ભારત સાથે વ્યાપાર સમજૂતી કરારમાં રોડા નાખી રહયા છે,આ બંને નેતાઓ અગાઉ પણ ભારત વિરોધી નિવેદનો કરી ચૂક્યા છે અને રશિયા પાસેથી તેલ ખરીદવા બદલ ભારત પર મોટો ટેરિફ લાદવાના પક્ષમાં હોવાનું એક ઓડિયો ટેપમાં વાતચીત લીક થઈ જતા આ વાત સામે આવી છે.
હાલમાં જ લીક થયેલા એક ઑડિયો ટેપમાં અમેરિકન સેનેટર ટેડ ક્રૂઝે ટ્રેડ ડીલમાં થઈ રહેલા વિલંબ માટે ડોનાલ્ડ ટ્રમ્પ વહીવટીતંત્રના જ આ બે મહત્ત્વના હોદ્દેદારો પીટર નવારો અને જેડી વેન્સને જવાબદાર ઠેરવ્યા છે.
એક્સિયોસના અહેવાલ મુજબ, સેનેટર ટેડ ક્રૂઝે કેટલાક પાર્ટી ડોનર્સ સાથેની વાતચીત દરમિયાન આ વાત કહી હતી જે વાતચીતના અંશો લીક થઈ જતા ભારત અને અમેરિકા વચ્ચે અટવાયેલી વ્યાપારિક સમજૂતી (Trade Deal)નું કારણ સામે આવ્યું છે કારણકે વ્હાઇટ હાઉસના વ્યાપાર સલાહકાર પીટર નવારો અને ઉપપ્રમુખ જેડી વેન્સ તેમાં જાણી જોઇને રોડા નાખી રહયા છે.
લીક થયેલા ઑડિયોમાં એ પણ કહેવામાં આવ્યું છે કે ટેડ ક્રૂઝે ટ્રમ્પને ભારત ઉપર ટેરિફ લાદવા બાબતે ચેતવણી પણ આપી હતી. તેમણે જણાવ્યું હતું કે જો ભારત સહિત અન્ય દેશો પર ટેરિફ વધારવામાં આવશે, તો અમેરિકામાં જ ઘર આંગણે બહારની ચીજ વસ્તુઓની કિંમતો વધી જશે અને જો મોંઘવારી વધશે તો વર્ષ 2026માં યોજાનારી મિડ-ટર્મ (મધ્યાવધિ) ચૂંટણીમાં રિપબ્લિકન પાર્ટીને પરાજયનો સામનો કરવો પડી શકે છે પણ ટ્રમ્પે આ ચેતવણીને ગંભીરતાથી લીધી ન હતી.
મહત્વનું છે કે અમેરિકા છેલ્લા પાંચ મહિનાથી ભારત પર 50 ટકા જેટલો ટેરિફ વસૂલી રહ્યું છે અને વ્યાપાર સમજુતીની વાતો કરે છે પણ તેનો અમલ કરતા નથી પરિણામે વિલંબ થઈ રહ્યો છે જેની પાછળ પીટર નવારો અને જેડી વેન્સનું ભેજું કામ કરી રહ્યું હોવાનું વાતચીતના અંશોમાં સામે આવતા ભારે હોબાળો મચ્યો છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
