Donald trump: કોઈપણ તાનશાહ જ્યારે સત્તાના મદમાં ગાંડો થાય ત્યારે તેને કોઈ રોકે કે ટોકે તે પસંદ હોતું નથી આવુજ કઈક અમેરિકામાં જોવા મળી રહ્યું છે અહીંની સુપ્રીમ કોર્ટના વિશ્વના દેશો પરના ટેરીફ રદ કરવાના નિર્ણય પણ ટ્રમ્પ માનવા તૈયાર નથી અને જજો ને પણ દેશદ્રોહી કહી દીધા ત્યારબાદ 10 ટકા ટેરીફ અને હવે સમગ્ર વિશ્વ પર 15 ટકા ટેરીફ લાદી દઈ એક તરફી દાદાગીરી કરીને તાનાશાહ જેવો અંદાજ બતાવ્યો છે જેનાથી દુનિયા ચોંકી ગઈ છે જોકે ભારત માટે કહી શકાય કે ટ્રેડ ડીલ હેઠળ 18 ટકા ટેરિફ અમલમાં હતો પણ હવે તે 15 ટકા થઈ જતા ભારતને 3 ટકાનો ફાયદો જરૂર થયો છે.
અત્રે ઉલ્લેખનીય છે કે અમેરિકન સુપ્રીમ કોર્ટે શુક્રવારે તેના ચૂકાદામાં કહ્યું હતું કે ટ્રમ્પને આઈઈઈપીએ હેઠળ અન્ય દેશો ઉપર ટેરિફ નાંખવાનો કોઈ અધિકાર નથી.અમેરિકન સુપ્રીમ કોર્ટના ચૂકાદા બાદ ટ્રમ્પ નારાજ થઈ ગયા અને જજોને પણ દેશદ્રોહી ગણાવી દીધા એટલુંજ નહિ પણ ન્યાયતંત્રની ઉપેક્ષા કરી ટ્રમ્પે ફરી વિશ્વના દેશો પર 10 ટકા ગ્લોબલ ટેરિફ ઝીંકી દીધો પણ આ જાહેરાત કર્યાના થોડાજ કલાકોમાં ટ્રમ્પે ગ્લોબલ ટેરિફ વધારીને ૧૫ ટકા કરી નાખ્યો હતો.
આમ,જાહેરાત ગમેત્યારે અને ગમેતેવી કરે તેમને પુછવાવાળું કોઈ નથી કારણકે ટ્રમ્પ પોતાને જાણે તાનશાહ માની રહયા છે.
સુપ્રીમના આ ચૂકાદા બાદ પ્રમુખ ટ્રમ્પે કહ્યું, તેઓ ‘મૂળભૂત આંતરરાષ્ટ્રીય પેમેન્ટ સમસ્યાઓના નિરાકરણ માટે કામચલાઉ આયાત સરચાર્જ લાદવા’ના કાયદા હેઠળ અમેરિકામાં આયાત થતી વસ્તુઓ પર ૧૫૦ દિવસના સમય માટે ૧૫ ટકા એડ વેલોરમનો કામચલાઉ આયાત સરચાર્જ નાંખી રહ્યા છે, જેનો અમલ ૨૪ ફેબુ્રઆરીથી શરૂ થશે. ટ્રમ્પનો આ ટેરિફ દુનિયાના બધા દેશો પર લાગુ થશે.
આ ટેરિફનો અમલ મંગળવારે ૨૪ ફેબુ્રઆરીથી થશે. સુપ્રીમના આદેશ છતાં ટ્રમ્પે કહ્યું કે, કશું જ બદલાયું નથી. ભારતે ટેરિફ આપવો જ પડશે અને અમેરિકા ટેરિફ નહીં જ આપે, તેઓએ દાદાગીરી સાથે કહ્યું કે “હું જે ઈચ્છું તે કરી શકું છું!”
આમ ટ્રમ્પના આ તાનશાહ જેવા અંદાજ થી વિશ્વમાં તેના ઘેરા પ્રત્યાઘાતો પડ્યા છે જ્યારે એક તાનશાહને ગાદી મળી જાય ત્યારે તેની મનમાની કેવી હોય છે તેનું આ જીવતું જાગતું ઉદાહરણ છે ટ્રમ્પ અગાઉ પણ અનેક રાષ્ટ્પતિ આવ્યા અને ગયા પણ ટ્રમ્પ જે રીતે પોતાને સર્વેસર્વા માને છે અને ન્યાયતંત્ર ઉપરવટ જઈ જે રીતે નિર્ણય લઈ રહયા છે તે જોઈ દુનિયા દંગ રહી ગઈ છે અને વૈશ્વિક સ્તરે અમેરિકાની પ્રતિષ્ઠા ખરડાઈ છે.
