Elon Musk The America Party: વિશ્વના સૌથી ધનિક વ્યક્તિઓમાંના એક એલોન મસ્કે શનિવારે (05 જુલાઈ, 2025) અમેરિકામાં એક નવો રાજકીય પક્ષ શરૂ કરવાની જાહેરાત કરી છે. જેનું નામ અમેરિકા પાર્ટી છે. તેમણે આ નિર્ણય ત્યારે લીધો જ્યારે યુએસ રાષ્ટ્રપતિ ડોનાલ્ડ ટ્રમ્પના મોટા ખર્ચ “વન બિગ બ્યુટીફુલ બિલ” કોંગ્રેસ દ્વારા પસાર કરવામાં આવ્યું.
એલોન મસ્કે પોતાની રાજકીય યોજના જાહેર કરી
એલોન મસ્કની પાર્ટીનું નામ ધ અમેરિકા પાર્ટી છે. એલોન મસ્કે X પર પોસ્ટ કર્યું, “જ્યારે આપણા દેશને કચરો અને ભ્રષ્ટાચારથી નાદાર બનાવવાની વાત આવે છે, ત્યારે આપણે લોકશાહીમાં નહીં, પણ એક પક્ષીય વ્યવસ્થામાં રહીએ છીએ. આજે, અમેરિકા પાર્ટી તમને તમારી સ્વતંત્રતા પાછી આપવા માટે બનાવવામાં આવી છે.તમે એક નવો રાજકીય પક્ષ ઇચ્છો છો અને તમારી પાસે તે હશે જ! જ્યારે આપણા દેશને કચરો અને ભ્રષ્ટાચારથી નાદાર કરવાની વાત આવે છે, ત્યારે આપણે લોકશાહીમાં નહીં, પણ એક-પક્ષીય વ્યવસ્થામાં રહીએ છીએ. આજે, અમેરિકા પાર્ટી તમને તમારી સ્વતંત્રતા પાછી આપવા માટે બનાવવામાં આવી છે.
BREAKING: Elon Musk announces the formation of a new party following Trump signing the “Big Beautiful Bill” into law, legislation that adds trillions of dollars to the national debt:
“When it comes to bankrupting our country with waste & graft, we live in a one-party system, not… pic.twitter.com/vjVPjcSPWW
— Republicans against Trump (@RpsAgainstTrump) July 5, 2025
ટ્રમ્પને ચૂંટણી માટે લાખો ડોલરનું આપ્યું હતું દાન
મહત્વનું છે કે, થોડા સમય પહેલા સુધી, મસ્ક ટ્રમ્પના સમર્થનમાં હતા. તેમણે ટ્રમ્પની 2024 ની ચૂંટણી માટે લાખો ડોલરનું દાન આપ્યું હતું અને સરકારી ખર્ચ ઘટાડવા માટે તેમની સાથે કામ પણ કર્યું હતું, પરંતુ હવે બંને વચ્ચે મતભેદ છે, ખાસ કરીને ટ્રમ્પના નવા ખર્ચ બિલ અંગે. મસ્ક કહે છે કે આ બિલ અમેરિકાના દેવામાં ભારે વધારો કરશે.
રાષ્ટ્રપતિની ચૂંટણી વિશે એલોન મસ્કે શું કહ્યું?
જ્યારે એક સોશિયલ મીડિયા યુઝરે મસ્કને પૂછ્યું કે શું તે 2026ની મધ્યસત્ર ચૂંટણી લડશે કે 2028ની રાષ્ટ્રપતિની ચૂંટણી, ત્યારે મસ્કે જવાબ આપ્યો – આવતા વર્ષે.
ટ્રમ્પે મસ્કને આપી હતી ધમકી
આ અઠવાડિયાની શરૂઆતમાં, ડોનાલ્ડ ટ્રમ્પે મસ્કને ચેતવણી આપી હતી કે જો તેઓ પોતાનો વિરોધ ચાલુ રાખશે, તો તેમના વ્યવસાયને આપવામાં આવતી ફેડરલ સબસિડી પાછી ખેંચી લેવામાં આવશે અને તેમણે મસ્કને અમેરિકામાંથી દેશનિકાલ કરવાની વાત પણ કરી હતી.
