Britain: એપ્સટિન ફાઇલ્સ જાહેર થયા પછી મોટી મોટી હસ્તિઓના નામો સામે આવી રહયા છે ત્યારે બ્રિટનના પ્રિન્સ ચાર્લ્સના નાના ભાઈ ભૂતપૂર્વ પ્રિન્સ એન્ડ્ર્યુનું નામ ખુલતા પોલીસે તેના જન્મદિવસે જ ધરપકડ કરી છે થેમ્સ વેલી પોલીસે આજે ગુરુવારે એક સત્તાવાર નિવેદન બહાર પાડી એન્ડ્ર્યુની ધરપકડને સત્તાવાર સમર્થન આપ્યું હતું.
મહત્વનું છે કે ઇંગ્લેન્ડમાં જાહેર પદ સંભાળતી વખતે ગેરવર્તણૂકને ગંભીર ગુનો ગણવામાં આવે છે. આ ગુના માટે સાબિત કરવું જરૂરી છે કે વ્યક્તિ જાણતી હતી કે તે ખોટો છે, છતાં તેણે તેમ કરવાનું ચાલુ રાખ્યું. આ ગુના માટે મહત્તમ સજા આજીવન કેદ છે આ કેસ ફક્ત ગંભીર ફોજદારી આરોપો હેઠળ જ કોર્ટમાં ચલાવી શકાય છે.
આ કેસ એન્ડ્રુના બ્રિટનના ટ્રેડ એનબોય તરીકેના સમયનો હોવાનું માનવામાં આવે છે. તેમને 2001માં આ પદ પર નિયુક્ત કરવામાં આવ્યા હતા પરંતુ 10 વર્ષ પછી તેમણે રાજીનામું આપી દીધું હતું. તે સમયે, અમેરિકન ગુનેગાર જેફરી એપસ્ટીન સાથેના તેમના સંબંધોને લઈને તેમનું નામ વિવાદમાં આવ્યું હતું યુએસ જસ્ટિસ ડિપાર્ટમેન્ટ દ્વારા જાહેર કરાયેલા દસ્તાવેજોમાં જણાવાયું છે કે એન્ડ્રુનો પદ પર હતા ત્યારે તેમના એપસ્ટીન સાથે સંપર્ક હતા.
પ્રિન્સ એન્ડ્રુ પર જાતીય શોષણનો આરોપ લગાવનાર વર્જિનિયા ગિફ્રેનું એપ્રિલ 2025માં અવસાન થયું હતું. અહેવાલો અનુસાર, તેણે આત્મહત્યા કરી હતી. વર્જિનિયાએ 2011માં અમેરિકાના હાઈ-પ્રોફાઈલ વેશ્યાવૃત્તિ નેટવર્કનો પર્દાફાશ કરીને સમગ્ર વિશ્વને ચોંકાવી દીધું હતું, વર્જિનિયાએ તેની સાથે થયેલા યૌનશોષણ અને તસ્કરીનો ખુલાસો કર્યો હતો. તેણે કહ્યું હતું કે જ્યારે તે માત્ર 15 વર્ષની હતી ત્યારે જ એપસ્ટીનના સેક્સ નેટવર્કમાં ફસાઈ ગઈ હતી.
સગીર વયની વર્જિનિયાને મોટી ઉંમરના પ્રભાવશાળી અને હાઈ-પ્રોફાઈલ લોકો સાથે જાતીય સંબંધ બાંધવા માટે મજબૂર કરવામાં આવી હતી, વર્જિનિયાએ બ્રિટનના પ્રિન્સ એન્ડ્રુ સાથેના સંબંધોનો પણ ઉલ્લેખ કર્યો હતો.
બ્રિટનના કિંગ ચાર્લ્સે ગયા વર્ષે ઓક્ટોબરમાં તેમના નાના ભાઈ એન્ડ્રુ પાસેથી ‘પ્રિન્સ’નો ખિતાબ અને તમામ શાહી પદવીઓ પાછી લઈ લીધી હતી. તેમને વિન્ડસર સ્થિત તેમના ભવ્ય ઘર ‘રોયલ લોજ’ ખાલી કરવાનો પણ આદેશ આપવામાં આવ્યો હતો.
પીડિતા વર્જિનિયા ગિફ્રેએ આરોપ લગાવ્યો હતો કે 2001માં જ્યારે તે 17 વર્ષની હતી ત્યારે પ્રિન્સ એન્ડ્રુએ તેનું યૌન શોષણ કર્યું હતું. 65 વર્ષના એન્ડ્રુ દિવંગત ક્વીન એલિઝાબેથના બીજા પુત્ર છે. એન્ડ્રુનું નામ લાંબા સમયથી અમેરિકી અપરાધી જેફ્રી એપસ્ટીન સાથે જોડાયેલું રહ્યું છે. એન્ડ્રુને ડ્યુક ઓફ યોર્કનો ખિતાબ વાપરવાથી પણ રોકી દેવામાં આવ્યો હતો.
બકિંગહામ પેલેસે જણાવ્યું હતું કે શાહી પદવીઓ છીનવાઈ ગયા પછી હવે પ્રિન્સ એન્ડ્રુને ‘એન્ડ્રુ માઉન્ટબેટન-વિન્ડસર’ નામથી ઓળખવામાં આવશે, અત્યાર સુધી પ્રિન્સ એન્ડ્રુને ‘પ્રિન્સ એન્ડ્રુ ડ્યુક ઓફ યોર્ક’ નામથી ઓળખવામાં આવતા હતા આમ,આખરે પાપનો ઘડો ભરાઈ ગયો છે અને નાની બાળાઓની ઈજ્જત લૂંટનારાઓ એક પછી એક ઘડપણમાં જેલ હવાલે થઈ રહયા છે.
