Falta Assembly Re polling: પશ્ચિમ બંગાળના દક્ષિણ ૨૪ પરગણા જિલ્લાની હાઇ-પ્રોફાઇલ ફાલ્ટા વિધાનસભા બેઠક પર ગુરૂવારે વહેલી સવારથી જ ભારે સુરક્ષા બંદોબસ્ત વચ્ચે પુનર્મતદાન (Re-polling) શરૂ થઈ ગયું છે. ઉલ્લેખનીય છે કે, ગત ૨૯ એપ્રિલના રોજ આ બેઠક પર સામાન્ય મતદાન યોજાયું હતું, પરંતુ ઇલેક્ટ્રોનિક વોટિંગ મશીન (EVM) માં મોટા પાયે હેરાફેરી, બૂથ કેપ્ચરિંગ અને ચૂંટણી ગેરરીતિના ગંભીર આક્ષેપો થયા બાદ ભારતીય નિર્વાચન આયોગે (Election Commission) તે મતદાનને તત્કાલ પ્રભાવથી રદ જાહેર કર્યું હતું. મુક્ત અને ન્યાયી વાતાવરણમાં ફરીથી ચૂંટણી પ્રક્રિયા પૂર્ણ કરાવવા માટે ચૂંટણી પંચે આ વખતે સુરક્ષા વ્યવસ્થા લોખંડી બનાવી દીધી છે. ક્ષેત્રના કુલ ૨૮૫ મતદાન કેન્દ્રો પર કાયદો અને વ્યવસ્થા જાળવી રાખવા માટે કેન્દ્રીય અર્ધસૈનિક દળોની આશરે ૩૫ કંપનીઓ તૈનાત કરવામાં આવી છે, જેથી મતદારો કોઈપણ ભય વિના પોતાના મતાધિકારનો ઉપયોગ કરી શકે.
ભાજપે યાદ અપાવ્યું અભિષેક બેનર્જીનું અહંકારી નિવેદન: વિપક્ષના અંતિમ સંસ્કારની કરી હતી વાત
ફાલ્ટામાં ચાલી રહેલા આ પુનર્મતદાનની વચ્ચે ભારતીય જનતા પાર્ટી (BJP) એ તૃણમૂલ કોંગ્રેસ (TMC) અને મમતા બેનર્જીના ભત્રીજા તેમજ સાંસદ અભિષેક બેનર્જી વિરૂદ્ધ મોરચો ખોલ્યો છે. ભાજપે અભિષેક બેનર્જીના એક જૂના ભાષણને સોશિયલ મીડિયા પર શેર કરીને તેને સત્તાનો ઘોર અહંકાર અને ગુંડાગીરી ગણાવ્યો છે. ભાજપ આઈટી સેલના રાષ્ટ્રીય પ્રમુખ અમિત માલવીયાએ માઇક્રોબ્લોગિંગ પ્લેટફોર્મ ‘એક્સ’ (X) પર લખ્યું કે, “આજે જ્યારે ફાલ્ટામાં વ્યાપક ચૂંટણી ચોરીના આરોપો બાદ ફરીથી મતદાન થઈ રહ્યું છે, ત્યારે મમતા બેનર્જીના ભત્રીજા અભિષેકનું એ ચોંકાવનારું અને શરમજનક ભાષણ યાદ રાખવું ખૂબ જરૂરી છે. અભિષેકે સભામાં અહંકાર સાથે કહ્યું હતું કે, ‘મને સ્થાનિક નેતા જહાંગીરે આવીને કહ્યું કે દાદા, તમે પ્રદેશને બધું જ આપી દીધું છે, હવે આપણને અહીં એક ઇલેક્ટ્રિક સ્મશાન ગૃહ (Crematorium) પણ જોઈએ. આ સાંભળીને મેં વિચાર્યું કે ૪ જૂને પરિણામ આવ્યા પછી વિપક્ષના કેટલાક લોકોને હાર્ટ અટેક આવી શકે છે, તેથી આ આપણી નૈતિક ફરજ છે કે તેમના અંતિમ સંસ્કાર બરાબર થાય.’”
Falta is polling today after widespread allegations of electoral malpractices.
It is important to remember Mamata Banerjee’s nephew’s shocking pitch:
“Jahangir told me, ‘Dada, you’ve given everything, now we need an electric crematorium too.’ I thought that after results are… pic.twitter.com/mTW60aGwkG
— Amit Malviya (@amitmalviya) May 21, 2026
અમિત માલવીયાનો પલટવાર: ‘આ વીરતા નથી પણ ગુંડાગીરી છે, ડાયમંડ હાર્બર મોડલ હવે દફનાવાશે’
અમિત માલવીયાએ અભિષેક બેનર્જીના આ નિવેદનની આકરી ટીકા કરતા ઉમેર્યું કે, આ કોઈ લોકશાહી ઢબે જીતવાનો આત્મવિશ્વાસ નહોતો. આ સત્તાના નશામાં ચૂર થયેલો અહંકાર અને શુદ્ધ રાજકીય ગુંડાગીરી હતી, જે બહાદુરીનો ખોટો ચોળો ઓઢીને જનતાને ડરાવવાનો પ્રયાસ કરતી હતી. ભાજપ નેતાએ દાવો કર્યો કે પુનર્મતદાનની જાહેરાત અને કેન્દ્રીય દળોની એન્ટ્રી થતાં જ તૃણમૂલ કોંગ્રેસનું અહંકારી નેતૃત્વ હવે ડરીને ક્યાંક છુપાઈ ગયું છે. ફાલ્ટાની જાગૃત જનતા આજે મજબૂતીથી બેલેટ બોક્સ (મતપેટી) અને ઈવીએમના માધ્યમથી આ ગુંડાગીરીનો જડબાતોડ જવાબ આપશે. આ ચૂંટણી પરિણામો સાથે જ હિંસા અને લૂંટ પર આધારિત કથિત ‘ડાયમંડ હાર્બર મોડલ’ (Diamond Harbour Model) ને પશ્ચિમ બંગાળની જનતા હંમેશા માટે જમીનમાં દફનાવી દેશે.
મતદાન કેન્દ્રો પર મતદારોની લાંબી કતારો: જહાંગીર ખાન સહિત ૬ ઉમેદવારો મેદાનમાં
બીજી તરફ, રાજકીય આક્ષેપબાજી વચ્ચે ફાલ્ટા વિધાનસભા મતવિસ્તારના તમામ ૨૮૫ મતદાન કેન્દ્રોની બહાર સવારથી જ લોકશાહીનો ઉત્સાહ જોવા મળ્યો હતો. મોટી સંખ્યામાં મહિલાઓ, યુવાનો અને વૃદ્ધ મતદારો કતારમાં ઉભેલા જોવા મળ્યા હતા. સુરક્ષાના સખત પ્રબંધોને કારણે મતદારોમાં એક નવો આત્મવિશ્વાસ જોવા મળ્યો છે. આ બેઠક પર મુખ્યત્વે તૃણમૂલ કોંગ્રેસના વિવાદાસ્પદ નેતા જહાંગીર ખાન સહિત કુલ છ ઉમેદવારો પોતાનું નસીબ અજમાવી રહ્યા છે. આ પુનર્મતદાન બંગાળના ભવિષ્યના રાજકારણ માટે અત્યંત નિર્ણાયક સાબિત થવાનું હોવાથી તમામ પક્ષોએ પોતાની પૂરી તાકાત ઝંકી દીધી છે.
ટીએમસી ઉમેદવાર જહાંગીર ખાનની મેદાનમાંથી હટી જવાની અણધારી જાહેરાતથી આશ્ચર્ય
આ ચૂંટણીમાં એક બહુ જ અજીબોગરીબ અને રસપ્રદ વળાંક મંગળવારે ત્યારે આવ્યો, જ્યારે ટીએમસીના સત્તાવાર ઉમેદવાર જહાંગીર ખાને અચાનક જ ચૂંટણી મેદાનમાંથી પાછળ હટી જવાની સત્તાવાર જાહેરાત કરી દીધી હતી. જો કે, જહાંગીર ખાનના આ અણધાર્યા નિર્ણય છતાં, ટેકનિકલ નિયમોના કારણે તેમનું નામ અને પક્ષનું ચિહ્ન ઈવીએમ (EVM) મશીનમાં યથાવત નોંધાયેલું રહ્યું છે. ચૂંટણી પંચના અધિકારીઓના જણાવ્યા મુજબ, ઉમેદવારી પત્ર પાછું ખેંચવાની કાનૂની સમયમર્યાદા ક્યારનીય પૂર્ણ થઈ ગઈ હોવાથી, તેઓ સત્તાવાર રીતે પોતાનું નામ બેલેટ પેપરમાંથી હટાવી શક્યા નહોતા. આથી, મેદાન છોડવા છતાં ગ્રાઉન્ડ પર ટેકનિકલી તેઓ હજી પણ ઉમેદવાર જ ગણાશે.
ભાજપ, માકપા અને કોંગ્રેસ વચ્ચે ત્રિપાંખીયો જંગ
તૃણમૂલ કોંગ્રેસના ઉમેદવારની પીછેહઠ બાદ હવે આ બેઠક પર વિરોધ પક્ષો વચ્ચે સીધો અને કાંટાની ટક્કરનો ત્રિપાંખીયો જંગ જામ્યો છે. મેદાનમાં રહેલા અન્ય મુખ્ય ઉમેદવારોમાં ભારતીય જનતા પાર્ટી (BJP) ના મજબૂત દાવેદાર દેબાંશુ પાંડા, માર્ક્સવાદી કમ્યુનિસ્ટ પાર્ટી (CPIM) ના શંભૂનાથ કુર્મી અને રાષ્ટ્રીય કોંગ્રેસ પક્ષના અબ્દુર રજ્જાક મોલ્લા સામેલ છે. વિરોધ પક્ષના તમામ ઉમેદવારોએ દાવો કર્યો છે કે સેન્ટ્રલ ફોર્સની હાજરીને કારણે આ વખતે ટીએમસીના ગુંડાઓ બૂથ લૂંટી શકશે નહીં, અને ફાલ્ટાની જનતા મુક્ત મને વોટ આપીને બંગાળમાં પરિવર્તનની નવી શરૂઆત કરશે.
આ પણ વાંચો:
