સુરેન્દ્રનગરના લીંબડી-અમદાવાદ હાઈવે પર મોડી રાત્રે ટ્રક અને ડમ્પર વચ્ચે અકસ્માત સર્જાયો હતો. ગત રાત્રે થયેલા અકસ્માત બાદ ટ્રકમાં બ્લાસ્ટ થતાં ટ્રક સળગીને ખાખ થઈ ગઈ છે.
ડમ્પરચાલક ફરાર
સુરેન્દ્રનગરની પાણસીણા પોલીસ ચોકી નજીક જ ડમ્પર અને ટ્રક વચ્ચે અકસ્માતની ઘટના બની હતી. અકસ્માત બાદ ઉભેલી ટ્રકમાં બ્લાસ્ટ થતા બળીને ખાખ થઈ ગઈ છે. લીંબડી ફાયરબ્રિગેડની ટીમ ઘટના સ્થળે દોડી જઇ ભારે જહેમત બાદ આગ પર કાબુ મેળવ્યો હતો. સમય સુચકતાના પગલે થોડા સમય હાઇવે બંધ કરવામાં આવતા મોટી દુર્ઘટના ટળી છે. જો કે આ ઘટના બાદ ડમ્પરચાલક પલાયન થઈ ગયો છે.
આ અકસ્માતમાં કોઈ જાનહાનિ થઈ નથી. પરંતુ ટ્રક બળીને ખાખ થઈ ગઈ છે. થોડીવાર માટે હાઈવે પર ટ્રાફિક જામ થઈ ગયો હતો. ત્રણ દિવસમાં બીજી વખત આ રીતે આગ લાગવાની ઘટના ઘટી છે.
જુઓ વિડિયો
