■ અમેરિકા-ઈઝરાયેલ હુમલાનો ભોગ બનેલા માસૂમ ઈરાની બાળકીઓના સામૂહિક અંતિમ સંસ્કાર જોઈ દુનિયા ધ્રુજી ગઈ!
US Iran war: અમેરિકાએ ઓપરેશન “એપિક ફ્યુરી” અને ઈઝરાયલે ઓપરેશન “રોરિંગ લાયન” સંયુક્ત રીતે ચલાવી ઈરાની ઈસ્લામિક શાસનના સર્વોચ્ચ નેતા અલી ખામેનેઈની હત્યા કરી સાથેજ સેંકડો લોકો માર્યા ગયા હુમલાઓ અહીંની સ્કૂલો ઉપર પણ થયા તેમાં અનેક બાળકોના અરેરાટી ભર્યા મોત થયા આ માત્ર સૈન્ય કાર્યવાહી નહોતી, પણ ત્રીજા વિશ્વયુદ્ધની ગંભીર દસ્તક સમાન કહી શકાય કારણ કે હવે પછી જે અસરો થવાની છે તે વિશ્વભરમાં મોંઘવારી બૉમ્બ વિસ્ફોટના રૂપમાં થશે.
■ઈરાનમાં 158 સ્કૂલના વિદ્યાર્થિનીઓના અંતિમ સંસ્કાર જોઈ વિશ્વભરમાં લોકો ભાવુક થયા!
ઈરાનમાં અમેરિકા અને ઇઝરાયલના હુમલામાં 158 સ્કૂલના વિદ્યાર્થિનીઓના મંગળવારે અંતિમ સંસ્કાર કરવામાં આવ્યા ત્યારે આ દીકરીઓના અંતિમ સંસ્કારના દ્રશ્યો જોઈ લોકો રડી પડ્યા હતા આ માસૂમ બાળકીઓનો શુ વાંક હતો? કે તેઓને પણ છોડવામાં આવ્યા નહિ!આજે આ બાળકીઓના એક સાથે જનાઝા નીકળ્યા અને તેમને અંતિમ વિદાય આપવામાં આવી ત્યારે આ દ્રશ્યો જોઈને કઠણ હ્રદયના લોકો પણ રડી પડ્યા હતા.
ઈરાનમાં આજે જ્યારે એક સાથે આ બાળકીઓના તાબૂત મૂકવામાં આવ્યા તો આખું શહેર શોકમાં ડૂબી ગયું. જનાજાની નમાજ પઢવા માટે હજારો લોકો ભેગા થયા. મિનાબ શહેરમાં જ સામૂહિક જનાજાની નમાજ અદા કરવામાં આવી હતી અને શહેરના મુખ્ય મેદાન અને મસ્જિદોમાં મોટી સંખ્યામાં લોકો ભેગા થયા.આ દરમિયાન એક સાથે બાળકીઓના જનાજા નીકળ્યા હતા ત્યારબાદ બાળકીઓ માટે નમાઝ એ જનાજા પઢવામાં આવી અને સામુહિક દફનવિધિ કરાઈ આ દ્રશ્યો દુનિયાભરમાં લોકોએ જોયા ત્યારે યુદ્ધની ભયાનકતા સામે આવી હતી.
■અમેરિકાને ઈરાન ઉપર હુમલો કરવામાં કેટલો ખર્ચ થયો?
તુર્કી સમાચાર એજન્સી Anadolu Agency નો અંદાજ છે કે ઓપરેશન એપિક ફ્યુરીના પહેલા 24 કલાકમાં અમેરિકાએ આશરે $779 મિલિયન (₹71,754,663,750) ખર્ચ કર્યો હતો.જેમાં $271 મિલિયન ફક્ત ફાઇટર જેટના મેઈન્ટનેસ અને શસ્ત્રો પર ખર્ચ થયા હોવાનો અંદાજ છે. આમાં F-15E Strike Eagle જેવા ફાઇટર જેટની ઉડાનો પણ સામેલ છે.
■ દરરોજ લાખો ડોલરનો ખર્ચ
જ્યારે કોઈ મોટું ભૂમિ યુદ્ધ ન પણ હોય, ત્યારે સમુદ્ર અને હવામાં યુએસની હાજરી અત્યંત ખર્ચાળ છે.સેન્ટર ફોર અ ન્યૂ અમેરિકન સિક્યુરિટી અનુસાર, યુએસએસ ગેરાલ્ડ આર. ફોર્ડ જેવા એરક્રાફ્ટ કેરિયર સ્ટ્રાઈક ગ્રુપના સંચાલનનો ખર્ચ દરરોજ આશરે $6.5 મિલિયન છે.જો આ પ્રદેશમાં અઠવાડિયા સુધી અનેક સ્ટ્રાઈક ગ્રુપ તૈનાત કરવામાં આવે, તો આ ખર્ચ કરોડો ડોલર સુધી પહોંચી શકે છે.આ ઉપરાંત, મિસાઇલ ડિફેન્સ સિસ્ટમ, ડ્રોન, ગુપ્તચર કામગીરી અને ખાસ વિમાનો પણ ખર્ચમાં સતત વધારો થઈ રહ્યો છે.
આ સંઘર્ષ ચાર કે પાંચ અઠવાડિયામાં સમાપ્ત થશે કે વધુ સમય ચાલશે તે સ્પષ્ટ નથી.પરંતુ એક વાત ચોક્કસ છે કે અબજો ડોલરનો બોજ દરરોજ વધી રહ્યો છે. જો આ યુદ્ધ લંબાય છે, તો યુનાઇટેડ સ્ટેટ્સને લશ્કરી, આર્થિક અને રાજકીય એમ ત્રણેય મોરચે ભારે કિંમત ચૂકવી શકે છે.
