Gandhinagar: રાજ્યમાં ચોમાસું બેસી ગયું છે. ત્યારે રાજ્યભરમાં મેઘરાજાએ જમાવટ કરી છે.છેલ્લા કેટલાક દિવસોથી રાજ્યના વિવિધ વિસ્તારોમાં ધોધમાર વરસાદ વરસી રહ્યો છે ત્યારે ગાંધીનગરમાં પણ ભારે વરસાદ ખાબક્યો હતો. ગઈ કાલે મેઘરાજા રાજ્યના પાટનગર પર મહેરબાન થતા ધોધમાર વરસાદ ખાબક્યો હતો. ત્યારે ચોમાસાન પહેલા વરસાદમાં જ પાટનગરમાં પાણી ભરાઈ જવાની અને રોડ બેસી જવાની સમસ્યા સર્જાઈ છૈે જેના કારણે વાહન ચાલકોને મુશ્કેલીનો સામનો કરવો પડી રહ્યો છે.

gandhinagar: ભારે વરસાદથી અંડરપાસમાં પાણી ભરાતા વાહન ચાલકોને મુશ્કેલી
#Gandhinagar #Rain #BJP #GujaratRain #Monsoon2025 #HeavyRainAlert #Weatherupdate #heavyrain #rainforecast #Gujarat #thegujaratreport pic.twitter.com/azAEDIkmKY

— The Gujarat Report (@TGujarat_Report) June 19, 2025

મહાત્મા મંદિર અંડરપાસમાં પાણી ભરાતા વાહન ચાલકોને મુશ્કેલી

મળતી માહિતી મુજબ પાટનગરમાં ગઇકાલે રાત્રે ધોધમાર વરસાદ ખાબક્યો હતો જેના કારણે ઠેર ઠેર પાણી ભરાયા હતા ત્યારે મહાત્મા મંદિર અંડરપાસમાં પણ પાણી ભરાયું હતું.તેમજ સેક્ટર-22 અંડરપાસમાં પણ પાણી ભરાયું હતું. જેથી આ અંડરપાસ વાહનવ્યવહાર માટે બંધ કરાયો હતો. તેમજ વાવોલ પાસે અંડરપાસમાં પાણી ભરાઈ જતા તેને પણ બંધ કરવામાં આવ્યો હતો. તેમજ ગાંધીનગરમાં ડરપાસમાં પાણી ભરાઇ જતા ખાનગી બસ ફસાઈ હોવાની પણ માહિતી મળી છે. જો કે બસમાંથી લોકોને સહીસલામત બહાર કાઢી લેવામાં આવ્યા હતા.

 20 દિવસ પહેલા અમિત શાહે અંડર પાસ ખુલ્લો મૂક્યો હતો

સેક્ટર-21 અને ઘ-4 અંડરપાસમાં વરસાદી પાણી ભરાયા છે પરંતુ અહીં નવાઈની વાત તો તે છે તે છે કે,  સેક્ટર 21, આશરે 20 દિવસ પહેલા અમિત શાહ ધ્વારા અંડર પાસ ખુલ્લો મૂક્યો હતો, અત્યારે વરસાદના પાણીથી ભરાઈ ગયો છે, અધિકારીઓ ઘ્વારા પાઈપ લગાવી ખાલી કરી રહ્યા છે.

કમળના કમિશન વાળો ગાંધીનગરનો વિકાસ pic.twitter.com/NyJ67LYLnu

— Gujarat Congress (@INCGujarat) June 19, 2025

ગાંધીનગર સેક્ટર-27 પોલીસ હેડ કવાર્ટર પાસે રોડ બેસી ગયો

તેમજ ગાંધીનગર સેક્ટર-27 પોલીસ હેડ કવાર્ટર પાસે રોડ બેસી ગયો હોવાના દ્રશ્યો પણ સામે આવ્યા છે. ત્યારે આ રોડની ગુણવત્તા પર સવાલો ઉઠ્યા છે પહેલા વરસાદમાં જ પાટનગરની આ હાલત છે તો વધારે વરસાદ પડશે ત્યારે શું થશે ? આમ કહી શકાય કે, ચોમાસાના પહેલા વરસાદે પાટનગરમાં પ્રિ મોન્સુન કામગીરીની પોલ ખોલી નાખી છે. જો પાટનગરની જ આવી હાલત હોય તો અન્ય શહેરોની શું થાય ?