Gandhinagar: ગાંધીનગરના કલોલના એક ગામ નજીક બેફામ સ્કોર્પિયો કારના ચાલકે બે વર્ષિય બાળકીને કચડી નાખી હતી. જેથી તેનું સારવાર દરમિયાન મોત થઈ ગયું હતુ. આ ઘટનાને અંજામ આપનારની કારને ગ્રામજનોએ આગ ચાપી દીધી હતી. ઘટનાની જાણ થતાં પોલીસ પણ ઘટના સ્થળે પહોંચી ગઈ હતી અને વધુ કાર્યવાહી હાથ ધરી છે. આ ઘટના બાદ પિયરમાં દિકરીને રહેવા આવેલી મહિલાના પરિવારજનોમાં ભારે દુઃખ છવાઈ ગયું છે.
મળતી જાણકારી અનુસાર રનકપુર ગામથી કલોલ તાલકાના સાંતેજ ગામમાં પોતાના પિયરમાં 2 વર્ષિય બાળકી સાથે રહેવા આવી હતી. ત્યારે બાળકી ઘરના આંગણામાં રાત્રીના સમયે રમી રહી હતી. ત્યારે પૂરઝડપે આવેલી સ્કોર્પિયો(GJ-18-BR-5016)ના ચાલકે બેફામ રીતે હંકારીને રમી રહેલી દેવાંશીને ટક્કર મારી હતી. જેથી તેને ગંભીર પ્રકારની ઈજાઓ પહોંચતાં અમદાવાદની હોસ્પિટલમાં ખસેવામાં આવી હતી. જો કે સારવાર દરમિયાન તેનું મોત થઈ ગયું હતુ. અકસ્માત બાદ ગામનો જ ચાલક સિદ્ધાર્થ ચેરાજી ઠાકોર કાર મૂકીને ફરાર થઈ ગયો હતો. જેથી ગ્રામજનોમાં આક્રોશ છવાઈ ગયો હતો.
આક્રોશમાં આવેલા લોકોએ સ્કોર્પિયોમાં તોડફોડ કરી આગ ચાંપી દીધી હતી. અકસ્માત અંગે પોલીસને જાણ થતાં જ ઘટનાસ્થળે પહોંચી હતી. હાલ તો આરોપી ચાલકને ઝડપી પાડવા કાર્યવાહી હાથ ધરવામાં આવી છે.
આ પણ વાંચોઃ US report: ચીન જ નહીં ભારત પણ ફેન્ટાનાઇલ ડ્રગ્સનું મોટું ઉત્પાદક, આ ડ્રગ્સ શું છે?
આ પણ વાંચોઃ Surat: AAPએ માગ્યું ગૃહમંત્રી હર્ષ સંઘવીનું રાજીનામું, ‘ડ્રગ્સનો કરો ખુલાસો’
આ પણ વાંચોઃ Disha Salian: દિશા સલિયનના મોત મામલે 4 મોટી હસ્તીઓ સામે FIR,આદિત્ય ઠાકરે પણ સામેલ
આ પણ વાંચોઃ Delhi: દિલ્હી પોલીસ જસ્ટિસ યશવંત વર્માના ઘરે, સ્ટોર રૂમ અને આસપાસનો વિસ્તાર કર્યો સીલ, જાણો વધુ
